تليفونات تويوتا مرفوعة من الخدمة أو مش بيردوا ؟؟؟

**أيمن كور** · 15-06-2014 02:54 PM

السلام عليكم السادة الافاضل
استفسار بسيط بما إنى جديد فى التويوتا و انا من الاسكندرية
هو الرقم المختصر بتاع تويوتا 16550 ليه على طول مرفوع من الخدمة ؟
هوة فى رقم تانى مختصر ؟

الرقم الخاص بتيوتا الاسكندرية 03/3622209 مرفوع من الخدمة !!!!
لدرجة انى شكيت فا كلمت تويوتا فرع ابو رواش 5397199 و الحمد لله إتأكدت انه كمان مرفوع من الخدمة !!!

طيب أكلم مين لما أحب أخاطب تويوتا .... و ما حدش يقوللى 140 الدليل ..

ثانيا ... فى حالة لا قدر الله لاقدر يعنى احتجت خدمة الطريق يعنى كساحة او عطل هوة متوفر عندهم النظام ده اللى هوة 24/7 و لا لأ

ده طبعا لما ربنا يكرمهم و نباركلهم على التليفون

**bayoumisoft** · 15-06-2014 03:49 PM

call 16550

ده الرقم المختصر بتاعهم

**أيمن كور** · 15-06-2014 04:59 PM

أيوه أنا كاتبه بس كل ما أطلبه مرفوع من الخدمة

**Mustafa_Zain** · 16-06-2014 10:26 AM

نفس اللي حصل معايا لما روحت أعمل صيانة الألف. روحت فرع سموحة من غير حجز ولما سألته إزاي أحجز قالي كلم 16550 وماكنش عنده رد لما قولت له مروفوع من الخدمة.

**tito32** · 16-06-2014 10:27 AM

شوف موقعهم على النت وابعت لهم رساله

**elweshahy** · 16-06-2014 10:54 AM

يا باشا
أولا مبروك على العربيه
ثانياً انت وقعت غب توكيل حسبي الله و نعم الوكيل فيه
بص ممكن تروح الرزق اللي على الصحراوي هما أسعارهم أعلى من التوكيل حاجه بسيطه بس ناس زي الفل

**أيمن كور** · 16-06-2014 06:46 PM

أستاذ elweshahy أنا شارى العربية من الرزق أساسا .. و الى الان التعامل معاهم لا يبشر بالخير تأخير فى المواعيد للترخيص بشكل سئ !!! و مواعيد و كلام فى الهوا .. بصراحة غلطة إنى إتعاملت معاهم و توبة انى اتعامل معاهم تانى ... كانوا محتاسين فى عربية صنى كنت حاجزها و غيرت للياريس 1500 و برضه محتاسين فى الورق بتاعها انا استلمت العربية يوم الاتنين اللى فات و حدد ميعاد يوم الاحد اللى بعده بالكتير و بعدين بقى الاتنين و لما إتأخر بقى يا الأربع أو الخميس بالكتير
و العربية مركونة مش عارف امشى بيها علشان لسه ما رخصتش و المرور ماشاء الله شادد حيله
ناس مالهومش مواعيد و لا التزام يبقى أروح أعمل الصيانة عندهم و أغلى من التوكيل كمان ؟!!

ثانيا حضرتك كنت فى مشاركة قبل كده بتقول انك سألتهم على الانذار و ماكينة الرفع و طلعوا اغلى من التوكيل و حصل حوار كده و تخفيض و كلام مايطمنش

و الله انا ندمت انى إشتريت تويوتا على السمعة و ندمان أكتر إنى اتعاملت مع الرزق بس ماحدش
بيتعلم ببلاش .... و حسبى الله ونعم الوكيل فى الرزق للسيارات و العطلة اللى معطلهالى و توكيل تويوتا اللى مابيردش على التليفونات .... الله يرحم ايام رينو ناس محترمة و الله

**DrJomaro** · 16-06-2014 07:22 PM

انا مكلم 16550 امبارح الساعة 8:30 الصبح كان مشغول ل 20 دقيقة
و النهارده الصبح كلمتهم 8 بالظبط كان مشغول برضة 10 دقايق بس ردوا في الاخر

**أيمن كور** · 16-06-2014 08:38 PM

حضرتك من المحظوظين يا باشا ... ربنا يوعدنا كده و يردوا علينا

**ahmedsl** · 17-06-2014 10:39 PM

هو ارقامهم كلها المباشرة والمختصرة مرفوعة من يوم السبت فعلا ما عدا رقم فرع التجمع بيرن ومحدش بيرد
واخيرا اليوم ردوا على الرقم المختصر لما كلمتهم من الموبايل بس فين على ما حد كلمنى بعد الانتظار وعدد كبير من المكالمات ** الله يرحمك يا رصيدى **
وكمان الرقم المختصر شغال فى القاهرة