الموضوع: ايمبولايزر Immoblilizer وحده فصل طرمبه بنزين

اللى بيتركب مش Immoblilizer بالمعنى المعروف بس هو وحده فصل اداره المحرك (بس بدون مفتاح مشفر) زيها زى وحده فصل طلمبه البنزين
ممكن يتعمل مفتاح منفصل او مع الريموت

اى كهربائى كويس ممكن يركبها

أنا أعرف ان الإيموبلايزر ده مش بيتركب .. دي العربيه بتبقى نازله بيه

لكن بالنسبه لوحدة فصل طرمبة البنزين دي .. سمعت انها زي قلتها

وافتكر من فتره كده كان في عربيه في المنتدى اتسرقت وكانت لسه مركبه في التوكيل وحدة فصل زي دي

المشاركة الأصلية كتبت بواسطة zook

ازاى بس يعنى اعمل ايه ؟

هي عربية حضرتك نوعها ايه بالظبط ياباشا ؟؟؟

بس هو في جهاز انذار غالي شويه بس نوعه كويس مش زي كل اللي في السوق

لو نزلت لفيت هاتلاقي كل أجهزة الانذار صيني .. لكن اللي باكلمك عليه ده إيطالي واسمه Gemini

وده الموقع بتاعه : Gemini Alarm Systems

الجهاز ده موجود عند توكيل كلاريون وبايونير اللي في مصر الجديده .. قريب من شارع الحجاز كده

وقت ماسألت عليه كان عامل 600 جنيه تقريبا مش عارف بقى غلي ولا لسه بنفس السعر

المشاركة الأصلية كتبت بواسطة zook

نوعها سيراتو 2014

انذار ده immobilizer صح ؟

لا ياباشا ... الانذار حاجه والايموبلايزر حاجه تاني

الانذار وظيفته بيشتغل ويضرب سارينه لما حد يحاول يفتح او يدور العربيه

لكن الايموبلايزر وظيفته انه مايخليش العربيه تدور غير بمفتاحها الأصلي وبس

يعني انت نفسك لو طلعت على مفتاح عربيتك وهي فيها ايموبلايزر هاتقدر تفتح بيه الباب وبس لكن مايدورش العربيه .. لأن المفتاح الأصلي بيبقى مظبوط كمبيوتر ومتسجل على كمبيوتر العربيه (ولازم لما الواحد يطلع عليه يروح التوكيل وياخد معاه كل المفاتيح الأصليه عشان يتظبطوا من جديد)

انما الإيموبلايزر مابيضربش أي سارينه ولا حاجه . [يارب اكون قدرت أوصلك المعلومه]

أما ياباشا بالنسبه لجهاز الإنذار جيمني الإيطالي اللي قولتلك عليه .. هو جهاز انذار عادي بس بيختلف عن اللي موجودين في السوق بشوية مميزات :

1- تقدر تركبه على مفتاح العربيه الأصلي (يعني بدون ريموت منفصل)
2- صناعه إيطالي مش زي كل اللي في السوق صيني
3- بيركب مع الجهاز .. 2 سينسور في قايم العربيه من جوه .. وظيفتهم كشف أي حركه تحصل جوه العربيه يقوم الانذار يشتغل ( بحيث ان حتى لو اللي هايسرق العربيه قدر يفتحها بمفتاح مش كسر قزاز .. الحساسات دي هاتكشف الحركه لما يدخل العربيه ويشتغل الانذار)

وممكن حضرتك تعدي علي التوكيل وتسأل وتستفسر عنه كويس

آسف على الإطاله .. وبالتوفيق