الموضوع: يارجاااااااله .. سؤال مهم فى المراوح والسويتش بتاعها ..فيكترا بى

السلام عليكم يا شباب .. كيف الحال ؟ يارب تكونو كلكم تمااااااام

سؤال1 : هل ممكن سويتش المراوح يبقى بيعلق بحيث يشغل المروحتين على السرعه الاولى على الرينج بتاعهم عادى و لما ييجى رينج السرعه التانيه ميشغلش السرعه العاليه بتاعتهم ؟؟ او العكس؟ يعنى يشغل السرعه التانيه بس الاولى لأ ؟ولا هو يا شغال يا مش شغال

سؤال 2 : هو مقاومات المراوح فايدتها ايه تحديدا ؟

سبب الاسئله كالتالى :

** كنت عاوز اشغل المراوح ع السرعه العاليه علطول .. و الكهربائى عمل حاجه عجيبه وهى انه شال المقاومتين خالص بتوع المروحتين ( النحاسى اللى شبه الصابع بتاعت الكبيره - و جزء مستطيل ابيض كدا بتاع المروحه الصغيره ) و لعب شويه فالكتاوتات و الدنيا مشيت حلاوه ..بقت المراوح تشتغل سرعه عاليه علطول بمجرد وصول الحراره لرينج السرعه الاولى .. شويه و بدأ التهييس :
1 - المرواح تفضل شغاله علطول بعد ما ابطل و فضتلى البطاريه .. بقيت بشيل الفيوز ال60 لما ابطل وارجع اركبه وانا طالع وكانت المراوح بتدور بمجرد تركيبه قبل الدواره !
2- مره واحده المراوح بقت ماتشتغلش خالص حتى لو عدت رينج السرعه التانيه ..وماتشتغلش الا لو شغلت التكييف !
3 - وصلت وصله بين طرفين سويتش المراوح اشغلها دايركت وقد كان .. وشويه ومبقتش تشتغل مع الكونتاكت ومتفصلش برده لما ابطل العربيه و رجعت اشيل الفيوز .!!

اخر حاجه بقا وده الخلاصه : رحت لصابر يظبطلى العك دا ..ودلوقتى الوضع كالتالى :
مقاومتين المروحتين مش راكبين .. كان فى كام فيوز ضاربين و غيرهم (منهم ال30 وال60 اللى فى علبه المراوح الصغيره ) .. المراوح بقت تشتغل سرعه اولى على 85 و تفصل 80 (ودا هيجننى بما ان مقاومات المراوح متشاله فكنت فاهم انها هتشتغل سرعه تانيه علطول ) .. بقت بتفصل بعد التبطيل لما تبرد ودا الطبيعى ..بس السرعه التانيه مش شغاله خااااااالص ولا بعد 90 ولا غيره ,, هو بيقلى انه سويتش المراوح بايظ وانا فاهم انه السويتش يا شغال يا مش شغال ...

ارجو الافاده واسف للاطاله .. بس عشان تفهمو الموضوع كويس من كل جوانبه .

متابع معاك يا محمد باشا