عن المشط الاليكترونى لل 505

**khaled_sabry** · 17-06-2014 03:43 AM

السلام عليكم
عربيتي 504 لكن مركبلها طقم اشعال اليكترونى (اسبراتير اليكترونى + مشط ) الخاص ب 505
المهم من سنه تقريبا وديتها المغسله علشان اغسل الموتور و عامل المغسله ماغطاش الاسبراتير و لا المشط (رغم تنبيهي له)
و طبعا الميه جت عليهم و العربيه مادرتشى غير بعدها بفتره و طلعت من المغسله على الميكانيكي لإنها كانت ملخبطه على الاخر
المهم الميكانيكي ظبطهالى و الدنيا بقيت كويسه
بعد كده ابتديت الاحظ ان فيه نتشه بتظهر الصبح و العربيه بارده و بتقل مع مرور الوقت لغايه لما تختفى
بعد كده بقيت النتشه بتزيد الصبح و هى بارده و بتقل مع سخونه العربيه لكن مش بتختفى و بتبقى ظاهره على السلانسيه
فى خلال السنه دى انا كنت غيرت كل حاجه متعلقه بالكهرباء (بوجيهات و اسلاك بوجيهات و غطاء الاسبراتير نفسه ) و مش فاضل غير المشط
فبصراحه انا شاكك فيه و قولت اغيره و حتى يبقى معايا واحد تانى احتياطى
و اللى عزز شكى ده ان اخر مره كنت بظبط كهرباء عند الميكانيكي قالى ان عندك "ذبذبه" فى الاليكترونى مش عارف منين !!

المهم طبعا انا مش لاقيه عن تجار الجديد - و فيه واحد بتاع استيراد فى شارع عين شمس لاقيت عنده امشاط جديده صيني جربت 3 امشاط من اللى عنده - العربيه ماتقومشى
و ارجع اوصل المشط بتاعى العربيه تدور ؟؟؟؟؟ لما زهق طلع واحد قديم شبهه اللى راكب عندى بس لونه ابيض ووصله - برضه العربيه رفضت تدور !!

فهل الامشاط دى انواع ولا ايه ؟؟؟ - المشط اللى عندى 7 طرف ولونه اسود

**windofchange** · 17-06-2014 10:10 AM

ممكن ترفع صورة واضحة له يبقي اوضح وافضل

**م أحمد** · 17-06-2014 12:43 PM

النوع الامريكى الاصلى على ما اذكر اسمه hotspark تمنه فى حدود ال 400 جنيه

**khaled_sabry** · 17-06-2014 02:33 PM

المشاركة الأصلية كتبت بواسطة windofchange

ممكن ترفع صورة واضحة له يبقي اوضح وافضل

هو اللى راكب عندى شبهه الصوره دى
[sor2]http://t2.gstatic.com/images?q=tbn:ANd9GcQ-Eq55KL5bnurxecySTdv9cjXHnEqCTCmBwHjCEFmr0iUrOjfIig[/sor2]
و هو ماركته Ducellier و مكتوب عليه made in France

المشاركة الأصلية كتبت بواسطة م أحمد

النوع الامريكى الاصلى على ما اذكر اسمه hotspark تمنه فى حدود ال 400 جنيه

بيتباع فين ؟؟

**khaled_sabry** · 18-06-2014 06:22 AM

عرفت حل المشكله
طلع المشط اللى راكب عندى 6 طرف مش 7 طرف
هما الاتنين بيركبو على نفس الفيشه بس الفرق ان ال 6 طرف فيه طرف ناقص و ده مش بيبان غير لما تفك الفيشه و تعد الاطراف من جوه
وهو باين فى الصوره دى الطرف الناقص (اول طرف من الشمال ) ولو كان اللى فى الصوره دى 7 طرف كنت تلاقى الطرف ده موجود

فانا لما كنت بجرب كنت بجرب بمشط 7 طرف و بالتالى ماكنشى بيشتغل لإن فيه اختلاف فى التوصيل
بس الحمد لله امبارح روحت لمحل تانى و اكتشفنا الموضوع ده عنده