الموضوع: مشكلتين في التمبرا (تكييف - وحرارة)

لو سمحتوا اتمني حد يجاوبني
العربية تمبرا 91 كاربيراتير 1600 سي سي وتكييف وباور
اول مشكلة: العربية كانت كل حاجه فيها فابريكة
اول ماجبناها بأسبوع الخرطوم من القربة للريداتير فرقع والعربية خدت هوا وجابت جوان وش سلندر والحمد لله
صلحناه وكل شيء بقي تمام
وكل اسبوع اسبوعين خرطوم يضرب (من الاصليين - عفي عليهم الزمن بقي ) والعربية تاخد هوا وتسخن
وهكذا
لحد مالعربية دلوقت الميه بتنقص من القربة بدون سبب والعربية واخدة هوا حاليا وكل مانسحب هوا برضه مفيش فايدة


ثانيا: التكييف لما بيشتغل الار بي ام بتاع العربية بيعلي جامد لحد ماتبدي تمشي
اول مادوس دبرياج بيعلي جامد تاني
وحتي لو انا واقف بالعربية ومورها ومشغل التكييف الار بي ام بيثبت
يعني لو دوست بنزين للاخر وهيا مموره وانا واقف الار بي ام يثبت ع الاخر وميرضاش ينزل
المشكلة دي سببها ايه وتتصلح ازاي؟

المشاركة الأصلية كتبت بواسطة aldesha989

اكيد فى حاجه منفسه او جوان ضارب او غطاء الردرياتير مش كويس ده بالنسبه للتبريد
بالنسبه للتكيف اكيد برضه الفاكيوم اللى بيعلى المكنه علشان التكيف هو السبب وهو له ظبطه معينه بس بتختلف من عربيه لعربيه يعنى فى خرطوم بيبقى فيه صاموله بتتربط او بتتفك شويه لحد ما تظبطها او الفاكيوم نفسه بايظ وبيعدى هواء كتير فبيعلى المكنه اوى
العربيه من غير تكيف على ار بى ام كام ومع التكيف بتبقى على كام ؟

هوا الجوان مش ضارب
ولكن الحمد لله ضرب امبارح بس علي خفيف
اما التكييف
نسيت اقول ان السربنتينة بتاعته خربانة وتعبانة ع الاخر
ثانيا انا معنديش عداد ار بي ام ولكن اول مابشغل التكييف الدواسة بتاعت البنزين بتتسحب لتحت شوية خفاف يعني تقدر تقول من 250 ل500 لفة زيادة
ولكن اول ماتدوس بنزين الدواسة تثبت والصوت يدنه عالي لحد ماتبتدي تتحرك وبعدين اول ماتدوس دبرياج بعلي تاني وهكذا