ليه يا تويوتا عملتي في نفسك كدة ؟!

**ENG.MaRk** · 18-06-2014 08:14 AM

بصراحة تويوتا مسحت اسمها في التراب لما وافقت إنها تحط اسمها علي الأفانزا ... أحقر و أزبل عربية ممكن تركبها أو تسوقها في حياتك ... و أنا ماشي علي الطريق مسافر بالبيكانتو كنت ماشي تقريبا 130 و واحد عدي مني بأفانزا المهم الكاوتش ضرب منه علي السرعة ديه و عينك ماتشوف إلا النور ... العربية اتشقلبت في الهواء (عملت حتة بروس لي ) و بعد كدة حتتين جاكي شان في الأرض و بعد كدة نامت علي جنبها و حلفت ما هتقوم ... الله يرحم اللي كان فيها لو مات و يشفيه لو لسة حي ... أكيد مافيهوش حتة سليمة ... مش عارف أصلا ليه الحكومة توافق تنزل عربية زي ديه ... المفروض مصر أصلا يبقي فيها أصعب اختبارات لأنظمة الأمان لأن الطرق كلها متكسرة و مشرخة لا و كمان بينزلولنا العربيات من غير وسائل الأمان المهمة و لو نزلت بيها العربية تمنها يعدي ال 200 ألف تقريبا ما عدا كام عربية قليلين يتعدوا علي الصوابع ( كروز - أسترا - كورولا ) و كمان غاليين بالنسبة لعامة الشعب !!!
هل الحكومة عايزة تخلص مننا ؟!

**kar!m** · 18-06-2014 08:22 AM

طيب حضرتك كنت ماشي على 130 و هو عدى منك يعني كان ماشي على 150 مثلا .. و فردة الكاوتش فرقعت .. حضرتك عاوز ايه اللي يحصل؟

**MOH_EGYPT77** · 18-06-2014 08:41 AM

للاسف عربيات تويوتا اللي في مصر لم تعد ياباني 100% بل اصبحت تقفيل تايواني واندنوسي ...................مهذلة لا تجدها الا هنا.

**amr011111** · 18-06-2014 08:44 AM

المشاركة الأصلية كتبت بواسطة kar!m

طيب حضرتك كنت ماشي على 130 و هو عدى منك يعني كان ماشي على 150 مثلا .. و فردة الكاوتش فرقعت .. حضرتك عاوز ايه اللي يحصل؟

كلام منطقى

**aly_hosny** · 18-06-2014 08:52 AM

انا شوفت لانسر حصل فيها كدا على 120
الافانزا عربية وحشة بس مش عشان اتقلبت

**MaZaGAngeE** · 18-06-2014 09:09 AM

هيه فعلا عربية عجيبة و مش مفهومة
بس على 150 انت لو راكب طيارة هتتبهدل

**amrelsaqqa** · 18-06-2014 09:46 AM

اول حاجة طبعا سرعة 150 عربية ايه اللى هتسد وتصمد لما كاوتشها يضرب ع السرعة دى
الافانزا وحشة اه بس مش عشان الموقف ده

ثانيا للاسف في مصر وكل عربيات تويوتا اصلا الاقتصادية اللى بتنزل مصر زي الكورولا او الياريس بموديلاتهم.. كلهم فيهم عيب الخفة على الطريق وضعف الثبات ، طبعا بدرجات مش كل الموديلات زي بعض وفي الموديل الواحد مش كل الاشكال زي بعض ، بس بوجه عام ده موجود في عربيات تويوتا كلها اللى بتتسوق في مصر مش بيهتموا بالنقطة دي في العربيات المتوسطة والصغيرة زي الاوروبيين ، يعنى لو الموضوع ده عار مش هيبقى برضه بسبب الافانزا بس

**SYD** · 18-06-2014 09:55 AM

المشاركة الأصلية كتبت بواسطة kar!m

طيب حضرتك كنت ماشي على 130 و هو عدى منك يعني كان ماشي على 150 مثلا .. و فردة الكاوتش فرقعت .. حضرتك عاوز ايه اللي يحصل؟

صباح الخير يا كيمو
مش اي عربية معلش يحصل فيها كدة
انا العجلة في عربية اخويا ضربت علي ما يقرب من 180
كانت الفيكترا

**iUsef** · 18-06-2014 10:48 AM

كلمتين وبس
السواقة ملهاش كبير وكله قدر
ولا احسن عربية في العالم تقدر تعملك حاجة
واللي يفتكر العشرة ايرباج هيحموه يبقي غلطان لان اختبارات الامان علي سرعة 64km مش ١٥٠
ولا ESP ولا ABS ولا EBD ولا اي كلام من التهييس دة احنا الطرق عندنا زي الفل
وياما الواحد شاف احسن عربيات في الدنيا مدشمله من السرعة
ادي مرسيدس C350 واحد اعرفه في انجلترا وكان ماشي ٢٢٠ والشبورة مع المطر وعجلة فرقعت وهوبا برضة حتيتن تلاتة جكي شان وكل الناس اللي شافتة قالو دة مات وبعد ما طلع سليم الحمد لله الناس ماقالتش مرسيدس هيا اللي نجته كله قاله انت من اكتر الناس المحظوظين في الدنيا

-

الموضوع: ليه يا تويوتا عملتي في نفسك كدة ؟!

LinkBack

أدوات الموضوع

عرض

-

-

-

-

-

-

المواضيع المتشابهه

متحرمش نفسك من العربية اللي نفسك فيها (هو انت هاتعيش كام مرة؟)

.... تويوتا اليابان تعيد فريق مبيعات تويوتا بالسعودية إلى صفوف الدراسة ....

لو عملتي كيا تاني هوديكي في ستروين داهية

الكلمات الدلالية لهذا الموضوع

المفضلات

المفضلات

ضوابط المشاركة