نصيحة بخصوص الانفي ٢٠١٤ تجميع محلي

**moemen_a1** · 18-06-2014 11:23 AM

السلام عليكم
انا ناوي باذن الله اشتري الانفي ٢٠١٤ التجميع المحلي الي ب ٧٧٠٠٠ هيا زي الصيني الهاي لاين بس من غير ايرباجز و ملتي فنكشن بس فيها ٣ مميزات عن الهاي لاين منوجهة نظري ١.ازاز فاميه ٢.فرش جلد رمادي غامق يستحمل البهدله و ٣.فرش ارضيات رماضي غامق برده.

بعد المقارنة ب ال m11 لقيت ان الانفي مناسبة ليا اكتر علشان الوسع والشنطة اكبر.

فيه يا جماعة اي نصايح عن العربية؟

**amr elsisi** · 18-06-2014 02:34 PM

والله انا نفس حيرتك
مابين الام 11 والانفي
بس انا اخويا معاة ام 11 عربية محترمة جدااااا بمعني الكلمة
خصوصا السحب ولو مشغل التكييف ولا اكنك مشغلة مفيش تاثير نهائيا علي المكنة
ومحتار بس الانفي مش لائي حد يفدني فيها
ايدي علي ايدك لو وصلت لحاجة بلغني

**M I D O** · 18-06-2014 06:07 PM

للاسف العربية غير منتشرة بالشكل الكافي عشان يتحكم عليها و انت كدة القرار ليك تاخد الصيني الي في نظري افضل عشان التقفيل و الخامات و الاير باجز ولا المصري الي فيها 40 % مكونات مصرية و تقفيل هيكون اقل بكتير وفيها زجاج فامية وفرش غامق .. لو هشتري لنفسي بصراحة هحتار جدا واعمل استخارة و ان شاء الله خير بس انا هكون مايل للصيني عشان التقفيل و الخامات

**moemen_a1** · 18-06-2014 06:32 PM

انا بصراحة شوفت الاتنين جنب بعض (الصيني و المصري) وملقتش فرق في التقفيل الخارجي ولا تقفيل الفرش من جوة بس طبعا معرفش الي انا مش شايفه زي الماتور والعفشة والذي منه