الموضوع: معلومات مفصلة عن البيچو ٥٠٨ موديل ٢٠١٥ الجديدة

اعدت ااقول فى شكل جديد وفى ناس كانت مصممه ان مفيش شكل جديد ويحلفوا ان مفيش شكل جديد ياترى هما فين دلوقتى

اظن الشكل الحالى افضل خصوصا فى مصابيح الضباب ومقدمة السيارة. واخشي ان تفقد البريستيج والهيبة الموجودة مع الشكل الحالى واللى تفوقت فى هاتين الصفتين مع منافسبها الياسات واوكتافيا وانسيجنا او انسينا.

اخوكم. محمد ماهر

انا دورت علي الفتيس دا علي النت ملقتلهوش حاجه. خالص. غريبه
و370 الف عربيه دا رقم كويس يعني ولا اة

الف شكر على المعلومات ...
شكلها وهمى ما شاء الله ... بس بيتهيالى زودوا بروز الاكصدامات شويه لبره لانها كانت عامله مشكله ان اى خبطه فىها بتسمع فى الكبوت او الشنطه .
و اتوقع ان التوكيل هنا يشيل منها الشاشه اللى قدام السائق و شويه حاجات عشان السعر

المشاركة الأصلية كتبت بواسطة sherifffff

عقدت بيچو أمس مؤتمر صحفي وتم الإعلان عن الجيل الثاني من ال ٥٠٨

ليست فقط face lift لأنها تأتي بموتور جديد من نفس النوع التيربو thp ، أيضاً ١.٦ ليتر ولكن ١٦٥ حصان بدلاً من السابق اللي كان ١٥٦ حصان في ٢٠١٠ و ٢٠١١ وتم تعديله ليخرج ١٦٣ حصان في ٢٠١٣ و ٢٠١٤ ولكن علي حساب استهلاك الوقود وتكوين ثاني أكسيد الكربون، وأيضاً محركين جديدين ديزل،

تأتي أيضاً بناقل سرعة جديد أوتوماتيكي بستة سرعات eat 6 غير السابق اللي أيضاً كان ست سرعات، وأيضاً بناقل سرعة يدوي بستة سرعات ، وتم الاستغناء عن ناقل الحركة الغريب اللي كان يدوي بس بينقل لوحدة.

خارجياً تم تعديل كل شئ فيما عدا الابواب والرفارف الجانبية الأمامية والخلفية،
على حسب ما هما شارحين على موقعهم هما عملوا إية،
الكبوت والشنطة بقوا اكثر تسطحاً في الوضع الأفقي والأكصدام الأمامي والخلفي بقوا أكثر إستواءً في الوضع الرأسي مع كاميرا خلفية مثبتة في الشنطة،
علامة الأسد انتقلت من علي الكبوت الي الجريل الأمامي الجديد مع حلية كروم عريضة،
الانوار الامامية تغيرت كلياً وأصبحت أصغر مع قوة إضائة أعلى وأصبحت كلها بنظام led وتم الإستغناء عن الزينون ، ولم يذكروا شئ عن الهالوچين،
الانوار النهارية انتقلت من الفوانيس الرئيسية أو أنوار الضباب وأصبحت علي شكل خط led منحني في أسفل الاكصدام،
أنوار الضباب الامامية أصبحت دائرية وأيضاً بنظام led
أنوار الضباب الخلفية أنتقلت من الفوانيس الخلفية إلى العواكس التحتية وأيضاً بنظام led
الانوار الخلفية جديدة كلياً، وكلها بنظام led وأصغر مع الاحتفاظ بشكل الثلاث مخالب،
الچنوط الأساسية تأتي بشكل جديد مع أجزاء مطفية وأخرى لامعة،
لم يعلنوا عن ألوان خارجية جديدة،

داخلياً الشاشة أصبحت باللمس ٧ بوصة تعرض صورة الكاميرا الخلفية مع تحديد المسار المتوقع، وبها تطبيقات جديدة تعتمد علي الانترنت المأخوذ من الموبايل بطريقة ال bluetooth وتوضح الطقس ومعلومات سياحية،
الزراير في الكونسول الامامي أصبحت أقل كما تم الإستغناء عن مجموعة زراير وبكرة التحكم اللي كانوا موجودين أمام الفتيس وأصبح مكانهم صندوق صغير لإن معظم التحكم باللمس،
الشاشة ما بين العدادات أصبحت ملونة مع معلومات أكثر وأيضاً الشاشة التي تعرض السرعة ومعلومات الملاحة بنظام البروچيكتور أمام السائق أصبحت صورتها ملونة أكثر،
تم إضافة حساسات للنقطة العمياء تعرض تحذير بوجود سيارات غير مرئية علي المرايات الجانبية والشاشة الأمامية،
سيتم إستخدام نفس الجلد الداخلي مع نوع جديد للقماش،
باقي المكونات الداخلية والشكل العام كما هو لم يتغير،

وعلى غرار طريقة التقديم في مؤتمرات أبل، ذكروا أنهم باعوا في السنوات السابقة ٣٧٠ ألف سيارة ٥٠٨، ٣٦٪ منهم أنتجوا وبيعوا في الصين،

سيبدأ بيع السيارة الجديدة في أوروبا في ١٠ سبتمبر القادم ولاحقا في أول العام القادم في بقية الدول.

عذراً لا أستطيع رفع الصور حالياً ولكن هذا اللينكات بها بعض الصور،

peugeot reveals all-new 508 - autoconception.com

[url=http://autoalgerie.com/presentation-de-la-peugeot-la-508,7811]direct de londres - pr

شكرا على المشاركة
اهم حاجة هو الأكصدام الخلفى لأنه يعتبر المشكلة الرئيسية للموديل الحالى

هل فعلا الشكل هيحصل فيه تغير