الموضوع: صوت فى عربيتى محيرنى اوووى

سلامى لكل اعضاء المنتدى المحترمين واللى ليهم الفضل بعد ربنا فى ان جبت عربيتى النيو صن صن هههههه
من غير مقدمات انا عربيتى مانوال من غير ما حد يستغرب يا جماعه مع انى بنت بس بعشق سواقه المانوال مش الشباب بس
يعنى وجهات نظر المشكله بئه ياجماعه فى صوت غريب اوى عندى بيظهر من دواسه الدبرياج صوت مش عالى بس مضايقنى. صوت (كركركركركركر) بس لما ادوس على دواسه الدبرياج الصوت يروح ويكون ناعم اوى ولما اشيل رجلى من على الدواسه اسمع الصوت ده بس خفيف زى ما قولت روحت التوكيل وقالولى انه طبيعى مصدقتهمش فضلنا ندور على عربيه هناك مانوال فى التوكيل علشان يجربوهالى ويطمنونى للاسف مش لقينا خالص كلو اوتوماتك ايه ده ياجماعه هو فيه كده
قالولى هنكشف على الدبرياج المهم قالولى بعد الكشف انهم هيغيروه ولانى مكملتش ٧٠٠٠ كم عملوها مشكورين على حسابهم وغيرولى طقم الدبرياج المفاجاه بعد كل ده وانا بستلم العربيه وبجربها لقيت نفس الصوت هههههه
ازاى مع ان الناس كلها فى التوكيل اجمعوا انه من الدبرياج طبعا قالولى لا دا صوت طبيعى وانسيه خالص انا عاوزه خبراتكم فعلا فعلا فعلا ياجماعه من الناس اللى عندهم صنى الجديده مانواااال او راى الخبراء فى الصوت ده طبيعى ما اشغلش دماغى بيه ولا ده عيب ولو عيب ممكن يكون منين وشكرا ليكم كلكم