عاوز اروح ارض المعارض من الهرم

**sasatony** · 19-06-2014 11:04 PM

السلام عليكم ورحمة الله وبركاته
انا عاوز اروح باذن الله ارض المعارض من الهرم عشان معرض رمضان وكل سنة وانتو طيبين

ياريت حد يقولي الطريق ازاي جوة البلد
والطريق ازاي من الدائري لو فيه يعني

**amr011111** · 19-06-2014 11:09 PM

من جوه البلد هتمشى فى شارع الهرم وتطلع كوبرى الجيزه هتنزل النزله اللى فى النص بتاعة شارع مراد وتمشى طوالى وتدخل نفق العجوزه ولما تطلع منه تمسك يمين وتلطع كوبرى اكتوبر وهتلاقى اخر الكوبرى تلات نزلات هتنزل النزله اللى فى الشمال هتلاقى نفسك فى طريق النصر هتمشى فيه وتلف من اول يوتيرن هتلاقى نفسك فى ارض المعارض

وممكن تنزل من كوبرى الجيزة النزله الشمال بتاعة حامعة القاهره وتمشى طوالى لحد فنون تطبيقيه تكسر يمين فى شمال وتمشى طوالى فى شارع الدقى وتطلع كوبرى الدقى ولما تنزل منه تطلع كوبرى اكتوبر من هناك برضه
وبالتوفيق