مشكلة جديدة ف 301

**Ehab Attia** · 20-06-2014 02:30 PM

السلام عليكم
حصل معايا مشكلة وانا راجع إسكندرية علي الصحراوي كانت الطريق كله تمام جت قبل البوابات ب 20كيلو كنت مهدي في التحويلة بتاعت قرية الأسد العربية بقت بتقطع جامد و مش عايزة تنقل الغيار فضلت علي 30 و لما بزود بنزين بتقطع و صوت خبط تحت رجلي ،
العربية أوتوماتيك و لما غيرت مانيوال نفس الكلام بتغير علي الشاشة بس السرعة مش بتزيد فضلت كدة بتحايل عليها لغاية موصلت التوكيل كانوا بيقفلوا سيبتها و بقالها 3 أيام كل يوم كلام فارغ سوفت وير الجير بكس لسا بنجيبه من فرنسا انا لسه رايحلهم بكره علشان انا شغلى 3 أيام ورا بعض...
مع العلم اني عامل بينها 16500 ومسافر بيها كتييييير منهم مره الغردقة و معملتش معايا حاجة قبل كده و منزلها السوفت وير الجديد في صيانة ال 10000

**toty_305** · 20-06-2014 03:09 PM

-الحل تفضل مع التوكيل المشاكل اللي زي دي بتكون جديدة و صعبة ولازم كشف فني و تجربة.

-يا ريت لما توصل لحل تذكره هنا عشان لو حد أتكرر معاه يستفيد من خبرتك في الموضوع ده.

**hugan** · 20-06-2014 03:09 PM

ربنا معاك
واضح ان العربيه دي طلعت مقلب كبير
لسه امس واحد عامل موضوع العربيه مافيهاش فرامل نهائي

**nav man** · 20-06-2014 03:33 PM

ان شاء الله خير.

**wel781** · 20-06-2014 03:48 PM

مش مقلب ولا حاجه

عموما ربنا يكرم وتطلع حاجه بسيطه

**MemO_KinG** · 20-06-2014 03:50 PM

العربية دى مش هتثبت وجودها و مش هتبقى اعتمادية طول ما وراها وكيلها المصرى
ماتتخيلوش مدى القذارة بتاعتهم و مدى تجاهلهم للمشاكل بجد هيخلوك تندم انك اشتريت العربية دى

خليهم يتعلمو من السيراتو لما تم الترويج ليها من 2009 و ازاى بقت من انجح العربيات