| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 22

  1. #1

    الصورة الرمزية simo4ever

    رقم العضوية : 56253

    تاريخ التسجيل : 19Dec2009

    المشاركات : 64

    النوع : ذكر

    الاقامة : القاهرة - زهراء المعادى - بيتشو امريكان سيتى

    السيارة: سيتروين أكسارا 2001

    السيارة[2]: Fiat 131 - 1979

    دراجة بخارية: صرفت نظر عنها

    الحالة : simo4ever غير متواجد حالياً

    Wink جبت الإكسارا من 4 شهور وعاوز اظبطها بقا !!! - Facebook Twitter whatsapp انشر الموضوع فى :

    hasad">

    السلام عليكم ورحمه الله وبركاته
    كل سنة وانتو طيبين بمناسبة شهر رمضان الكريم ، أعاده الله علينا بالخير وبالبركات إن شاء الله ...

    كنت فى حيرة كبيرة جداً من كام سنة علشان أشتري عربية ، و فى الأخر رسيت على رينو ميجان موديل 2005-2007 وفضلت اقرء عنها كتير فى المنتدى هنا من مواضيع قديمة جداً لحد أجدد المواضيع وكنت خلاص ناوي اشتريها بعد ما عرفت ايه هى مميزاتها وعيوبها ، وكمان عرفت اسعار قطع غيارها وعرفت هجيبها منين ... بس للأسف مجبتهاش علشان حصل ظرف مادي مخلنيش ادفع أكتر من 35 - 40 فى عربية .. وبدءت هنا الحيرة ترجع تاني ، تجيب ايه يا عم سامر .. تجيب ايه ؟ ودورت كتييييييييييييييير جداً واقارن بين دى ودى لحد ما رسيت على الاكسارا -- وهى موديل 2001 .. 1600 سي سي لون نبيتي ، مانيوال + تكييف + كاسيت سي دى و يو اس بي + سنتر + زجاج امامي كهربا + مرايات كهربا ) -- علشان : ملقتش عربية اوربي كويسة فى رينج السعر دة ،، وكمان انا ماليش فى الكوري والياباني وكمان عارف ان السيتروين عمتاً و الاكسارا خاصةً اعتماديتها عالية والحمد لله ودة عن تجربة 4 شهور من امتلاكها ( يعني معطلتش منى ولا عملت حركة ندالة فى الطريق غير مرة واحده ،، وهبقى احكي عنها فى موضوع تاني ) .. وكمان قطع غيارها فى الحنين ( بس مش أوى ) .. تقفيلها ممتاز جداً تسارعها مرضي جداً جداً .. كماليات كويسة الحمد لله .. عربية حمالة قاسية .. و واسعة إلى حد ما من جواه .. وكمان استهلاك البنزين كويس إلى حد ما برضو ( فى مرة قولت هخلص البنزين اللى فيها وبعدين اروح افولها و اصفر العداد و اشوف هتعمل كام كيلو لحد ما تفضى وافولها تاني ، المهم عملت كدة فعلاً ولما جيت افولها تاني مرة العربية كانت عامله تقريباً 460 كيلو .. ولقيت فيها بتاع 12 لتر كمان بنزين مع العلم ان التنك بتاعها 55 لتر تقريباً فأنا مش عارف الاستهلاك كدة كويس او لاء مع إنى مش بمشي بيها فى طرق سريعه وسفر وكدة يعني جواه البلد كلها ... يعيب العربية فقط أنها واطية جداً .. يعني الكنبة اللى ورا لو حملت فيها شخصين ، خد أى مطب وانت متطمن انك هتحك فيه .. و إن شاء الله هعمل بيها تقرير قريب

    نخش فى موضوعنا اللى انا عاوز اتكلم فيه .. وهو انى عاوز اظبط العربية شوية بقا .. يعني اجيبلها طقمين سماعات للابواب ( 4 سماعات يعني ) وعاوز اعرف اجيب انهى نوع و الاسعار ايه ومنين ( انا مركب 4 سماعات فى الطابلوه الخلفي ) دة غير كمان ان فى 2 تويتر فى الطابلوه الامامي .. يعني تقريباً العربية فيها 10 سماعات فاضل بس اركب سماعات الابواب الاربعه ...

    وكمان عاوز اجيبلها 2 فوج لايت وياريت لو فى حد عنده فوانيس امامية وخلفية معدله اجيبها منين وبكام .. و اعمل فرش للعربية ( علشان اللى موجود فيها فبريكا بس عاوز احافظ عليه قبل ما يتهان اكتر ) .. و كمان عاوز اجيب طقم طاسات ليها ، او لو هجيب جنوط اسبور ... و كمان مسند يد أمامي .... دة غير انى عاوز اغير اللمبات بتاع النور الامامي علشان عاوز ضوء اقوي من اللى راكب فيها ,,,, عاوز اعرف كل الكلام دة بكام ومنين وايه هى الماركات اللى اجيبها بالنسبة للحاجات اللى فيها ماركات زى اللمبات و الجنوط والسماعات ..

    ياريت لو حد يقدر يفيدنا فى الكلام دة أكون شاكر ليه جداً جداً ..

    الموضوع اللى جاى إن شاء الله هيكون تقرير عن العربية بالصور + بعض المشاكل اللى قابلتها وايه اللى عرفت احله ( بالاسعار ) وايه اللى معرفتش احله ...


  2. #2

    الصورة الرمزية simo4ever

    رقم العضوية : 56253

    تاريخ التسجيل : 19Dec2009

    المشاركات : 64

    النوع : ذكر

    الاقامة : القاهرة - زهراء المعادى - بيتشو امريكان سيتى

    السيارة: سيتروين أكسارا 2001

    السيارة[2]: Fiat 131 - 1979

    دراجة بخارية: صرفت نظر عنها

    الحالة : simo4ever غير متواجد حالياً

    افتراضي -


    ايه يا رجاله .. هو محدش معاه أكسارا نوهائياً d:


  3. #3

    الصورة الرمزية tareksakr

    رقم العضوية : 25599

    تاريخ التسجيل : 19Nov2008

    المشاركات : 479

    النوع : ذكر

    الاقامة : cairo

    السيارة: bmw ان شاء الله

    السيارة[2]: Citroen xsara

    دراجة بخارية: gh d,[]

    الحالة : tareksakr غير متواجد حالياً

    افتراضي -

    اولا مبروك العربية وربنا يديك خيرها ويكفيك شرها وكأنك بتتكلم عليا انا لسه شاري اكسارا 1 من 3 شهور ولونها نبيتي

    بالنسبة للسماعاتاا غيرت الاتنين اللي قدام بس لانهم كانو بايظين بسماعات بيونير 16 سم ب 225 جنيه
    اللي ورا كانو سلام ماغيرتهمش
    لو هتغير اللمض قدام بوات اعلي يبقي لازم تركب كتاوت تقوية عند الكهربائي
    الفوج لايت ممكن تلاقيه عند نافع في شارع دمشق أو عمران قدامه
    الفرش انصحك روح عند سبير كار هتلاقي تشكيلة كويسة بأسعار معقولة وممكن يفصلك كمان
    الطاسات ممكن تلاقيها عند نافع او في التوفيقية في شارع زكي في اكتر من واحد بتاع ستروين
    وأي استفسار انا معاك انا ملاحظ ان قسم ستروين نايم والعربية الاكسارا عربية جميلة بس مش واخدة حقها في المنتدي
    وسعيد اني لقيت واحد اكساراوي زيي
    تحياتي
    طارق صقر

    التعديل الأخير تم بواسطة tareksakr ; 21-06-2014 الساعة 02:45 PM سبب آخر: الصور


  4. #4

    الصورة الرمزية AAAH

    رقم العضوية : 9743

    تاريخ التسجيل : 28Apr2008

    المشاركات : 460

    النوع : ذكر

    الاقامة : Cairo

    السيارة: Citroen Ax

    السيارة[2]: Fiat Siena Fire 2007

    دراجة بخارية: no

    الحالة : AAAH غير متواجد حالياً

    افتراضي -

    انا لسه لحد دلوقتى بفاضل بين الكليو والاكسارا ولسه ما خدتش قرار لحد دلوقتى
    ربنا يباركلك فى عربيتك انت والاستاذ طارق ويديكوا خيرها ويبعد عنكم شرها
    ممكن اعرف كل واحد فيكم اشترى عربيته بكام؟

    على عبد الفتاح
    أبو أحمد


  5. #5

    الصورة الرمزية tareksakr

    رقم العضوية : 25599

    تاريخ التسجيل : 19Nov2008

    المشاركات : 479

    النوع : ذكر

    الاقامة : cairo

    السيارة: bmw ان شاء الله

    السيارة[2]: Citroen xsara

    دراجة بخارية: gh d,[]

    الحالة : tareksakr غير متواجد حالياً

    افتراضي -

    انا اشتريت عربيتي ب 42000 جنيه فبريكة دواخل رشة برة نضافة عداد 118000 كم بحالة ممتازة


  6. #6

    الصورة الرمزية AAAH

    رقم العضوية : 9743

    تاريخ التسجيل : 28Apr2008

    المشاركات : 460

    النوع : ذكر

    الاقامة : Cairo

    السيارة: Citroen Ax

    السيارة[2]: Fiat Siena Fire 2007

    دراجة بخارية: no

    الحالة : AAAH غير متواجد حالياً

    افتراضي -

    اقتباس المشاركة الأصلية كتبت بواسطة tareksakr مشاهدة المشاركة
    انا اشتريت عربيتي ب 42000 جنيه فبريكة دواخل رشة برة نضافة عداد 118000 كم بحالة ممتازة
    شكرا يا استاذ طارق على الرد والاهتمام
    والعربيه شكلها ما شاء الله تحفه
    ربنا يباركلك فيها

    على عبد الفتاح
    أبو أحمد


  7. #7

    الصورة الرمزية simo4ever

    رقم العضوية : 56253

    تاريخ التسجيل : 19Dec2009

    المشاركات : 64

    النوع : ذكر

    الاقامة : القاهرة - زهراء المعادى - بيتشو امريكان سيتى

    السيارة: سيتروين أكسارا 2001

    السيارة[2]: Fiat 131 - 1979

    دراجة بخارية: صرفت نظر عنها

    الحالة : simo4ever غير متواجد حالياً

    افتراضي -

    اقتباس المشاركة الأصلية كتبت بواسطة tareksakr مشاهدة المشاركة
    اولا مبروك العربية وربنا يديك خيرها ويكفيك شرها وكأنك بتتكلم عليا انا لسه شاري اكسارا 1 من 3 شهور ولونها نبيتي

    بالنسبة للسماعاتاا غيرت الاتنين اللي قدام بس لانهم كانو بايظين بسماعات بيونير 16 سم ب 225 جنيه
    اللي ورا كانو سلام ماغيرتهمش
    لو هتغير اللمض قدام بوات اعلي يبقي لازم تركب كتاوت تقوية عند الكهربائي
    الفوج لايت ممكن تلاقيه عند نافع في شارع دمشق أو عمران قدامه
    الفرش انصحك روح عند سبير كار هتلاقي تشكيلة كويسة بأسعار معقولة وممكن يفصلك كمان
    الطاسات ممكن تلاقيها عند نافع او في التوفيقية في شارع زكي في اكتر من واحد بتاع ستروين
    وأي استفسار انا معاك انا ملاحظ ان قسم ستروين نايم والعربية الاكسارا عربية جميلة بس مش واخدة حقها في المنتدي
    وسعيد اني لقيت واحد اكساراوي زيي
    تحياتي
    طارق صقر
    الله يبارك فيك يا طارق باشا ،،
    ومبروك ليك على العربية دأنت عربيتك انضف شوية من عربيتي d: بالنسبة للسماعات حضرتك اشتريتهم نوعهم ايه لان السعر عاجبني اوى وبفكر اجيب طقمين للاربع بيبان .. وبالنسبة للمض انا بالفعل مركب كتاوت .. بس عاوز لمض اشد شوية علشان انا لما بسوق بليل ببقا بعافية شوية d: وبالنسبة للفرش انا فعلا هجيب من سبير كار ان شاء الله وكمان هنزل التوفيقية اجيب الطاسات بتاعتها .. ويارب الاقي جديد منها .. متشكر جداً يا معلم على الافادة الجميلة دى ، وسعيد جداً انى لقيت واحد اكساراوي زيي برضو ونفس موديل السنة ونفس اللون d:

    بالمناسبة هو حضرتك من المعادي ؟ اصلا بشوف اكسارا نبيتي كذا مرة ناحية خير زمان اللى عند اول زهراء المعادي .. ومرة شوفتها عند بيتشو امريكان

    اقتباس المشاركة الأصلية كتبت بواسطة aaah مشاهدة المشاركة
    انا لسه لحد دلوقتى بفاضل بين الكليو والاكسارا ولسه ما خدتش قرار لحد دلوقتى
    ربنا يباركلك فى عربيتك انت والاستاذ طارق ويديكوا خيرها ويبعد عنكم شرها
    ممكن اعرف كل واحد فيكم اشترى عربيته بكام؟
    الله يخليك يا باشا .. وربنا يكرمك بحاجه نضيفة منهم ان شاء الله .. العربيتين حلوين جداً وانا كنت بقارن بينهم قبل كدة .. بس لقيت ان قطع غيار الكليو غالية حبتين .. و كمان الاتنين نفس الوسع الداخلي ، وحسيت ان الاكسارا انضف شوية من جوه من الكليو ( وجهة نظري يعني ) .. لكن الكليو عربية كويسة جداً بس مكانتش مناسبة ليا -- دة غير انى كان نفسي اركب عربية الدريكسيون بتاعها يكون فيه مالتي فانكشن d: D: متعقد بقا


  8. #8

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,720

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    مبروك على العربيه ربنا يديك خيرها ويكفيك شرها

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر


  9. #9

    الصورة الرمزية simo4ever

    رقم العضوية : 56253

    تاريخ التسجيل : 19Dec2009

    المشاركات : 64

    النوع : ذكر

    الاقامة : القاهرة - زهراء المعادى - بيتشو امريكان سيتى

    السيارة: سيتروين أكسارا 2001

    السيارة[2]: Fiat 131 - 1979

    دراجة بخارية: صرفت نظر عنها

    الحالة : simo4ever غير متواجد حالياً

    افتراضي -

    الله يبارك في حضرتك .. وربنا يكفينا شر الطريق جميعاً اللهم آمين


  10. #10

    الصورة الرمزية tareksakr

    رقم العضوية : 25599

    تاريخ التسجيل : 19Nov2008

    المشاركات : 479

    النوع : ذكر

    الاقامة : cairo

    السيارة: bmw ان شاء الله

    السيارة[2]: Citroen xsara

    دراجة بخارية: gh d,[]

    الحالة : tareksakr غير متواجد حالياً

    افتراضي -

    hasad">

    بالنيبة للسماعات فهما بيونير مقاس ١٦سم نفس مقاس السماعات الاصلية وانا ساكن في عين شمس وتشرفت بمعرفتك



 
صفحة 1 من 3 1 2 3 الأخيرةالأخيرة

المواضيع المتشابهه

  1. إستفسار في ترخيص الإكسارا
    بواسطة m_adeleid في المنتدى ستـــرويـن
    مشاركات: 2
    آخر مشاركة: 26-08-2010, 04:25 AM
  2. مشكلة كبيرة فى الإكسارا 2003
    بواسطة el7enshan في المنتدى ستـــرويـن
    مشاركات: 6
    آخر مشاركة: 17-07-2010, 05:06 PM
  3. مشكلة كبيرة فى الإكسارا
    بواسطة el7enshan في المنتدى ستـــرويـن
    مشاركات: 0
    آخر مشاركة: 16-07-2010, 05:05 AM
  4. أتوماتك الإكسارا
    بواسطة masaa في المنتدى ستـــرويـن
    مشاركات: 7
    آخر مشاركة: 24-05-2009, 09:27 PM
  5. جبت الفيرنا وعاوز اظبطها
    بواسطة walidexbo في المنتدى كــماليــات السيـــارات و الإكسسوارات
    مشاركات: 3
    آخر مشاركة: 20-07-2008, 11:50 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2