الموضوع: هوندا سيفيك او اوبل استرا عشان خاطرى ادخلو قولولى ايه رأيكم

اخوانى وحبايبى
اخوكم ايمن مصطفى محتاج نصيحه انا حاليا بغبر عربيتى الهوندا سيتى 2009 وكنت بخلص فى اوبل استرا كوزمو 2014 وجبت موافقه البنك وكله تمام انما اللى حصل انى لقيت توكيل هوندا راح منزل سعر الهوندا سيفيك 2013 وعامل عليها عرض من 215 الف الى 205 يعنى قربت قوى من رينج الاسترا اللى كنت بخلص فيها من ساعه ما هوندا عملت القصه دى وانا دماغى بتودى وتجيب والحيره واكله دماغى اوبل استرا كوزمو ولا سيفيك انا مش حظول عليكم وحقولكم انا كنت بفكر فى ايه
1- انا قولت اغير واركب حاجه المانى والاسترا الجديده شكلها حلو والانتريور بتاعها تحس فيه بالفخامه
2- انا كنت مقلق من الاسترا عشان المانى ويعنى فيه سمعه كده على الاوروبى انه معقد ومصاريفه فى الصيانىه غاليه انما انا شايف ان العربيه ابتدت تنتشر وعامله شغل
3-الهوندا عاريفها كويس عربيه اعتماديه من الدرجه الاولى بس من جوه ياجماعه فقيره اوى معرفش ده بسبب التقفيل التركى ولا ايه
4- الاوبل عربيه متصفحه من تحت وصاجها محمل وتقيله على الارض ودى ميزه برده السيفيك مش كده
5- السيفيك اوسع من الاوبل وفيها رحابه كده
6- خايف او مقلق من منصور او خايف تحصل حاجه فى الاوبل احتاس بيها او الاقى معامله مش كويسه من التوكيل هو ده خوف انما الناس بتقول انه توكيل عادى يعنى لا حلو ولا وحش
انا محتار يارجاله محتاج رأيكم ياريت متبخلوش عليه بالنصيحه

ممكن لو عايز حاجه تجمع الشكل الحلو مع الوسع مع الفخامه في الانتريور بص علي الاسكودا
قريبه في قوة الموتور للاسترا اضعف من السيفيك طبعا
فخامه الانتريور زي الاسترا واحسن من السيفيك
اوبشن كويس زي الاسترا واحسن من السيفيك
والتوكيل الله اعام بس زي اغلب التوكيلات