ساعدوني في حل مشكلة الفتيس

**hotmail** · 22-06-2014 04:55 PM

انا عندي صني موديل 98 تم تغيير زيت الفتيس المانويل و ملاته على اخره الا ان الفتيس اصبح ثقيل جدا الصدفة بعد اربع سنوات جعلتني اغير كاوتش الكوبلن الداخلي عندما فك الميكانيكي الكوبلن نزل بعض الزيت ففوجئت ان الفتيس رجع زي الاول ناعم جدا لكن الميكانيكي قال لي زود زيت الفتيس لانه ناقص فزوده لتر واحد فقط فرجع الفتيس ثقيل زي الاول ففتحت الطبة التي ملئت منها الزيت لكي انزل الزيت الزائد لكنه تحسن بنسبة بسيطة جدا فقط عايز اعرف هل هناك طبة الفايظ اخرى لصرف الزيت الزائد ام فك الكوبلن هو الحل وايه فكرة المشكلة
على فكرة اشتريت نفس نوعية الزيت المكتوب في كتيب السيارة gl-4

**amoor89** · 24-06-2014 04:18 PM

دور فى الكاتلوج على كمية الزيت المطلوبة وحطها بالظبط وان شاء الله الفتيس هيرجع خفيف

**hotmail** · 25-06-2014 02:04 AM

الكتالوج عندي وللاسف مكتوب في خانة الزيت شرطة فقط ولايوجد عدد اللترات اناأضفت 3 لتر

**amoor89** · 25-06-2014 04:41 PM

طيب جرب توصل مستوى الزيت ل1.75 لتر وشوف الفرق لان كده كتير اوى وشوية وهتلاقى الفتيس بيجيب زيت من كل ناحية
فى الاكسيل واللانوس كده بياخدوا نفس الكمية دى اكيد عربيتك مش هتفرق كتير

**hotmail** · 26-06-2014 12:10 AM

ان شاء الله هنعمل كده وسوف أرد عليك
شكرا جزيلا لك

**أحمد عثمان** · 03-07-2014 11:39 AM

معلش سؤال صغير.... إنت بتقول إنك جبت زيت gl-4, ياريت تقولنا نوعه إيه و بكام.
شكراً

**hotmail** · 05-07-2014 04:59 PM

الزيت اشتريته من فالفولين ب70 جنيه للتر بس ده كان من سنتين الشركة فرعها في ميدان الاسماعيلية - مصر الجديدة

**eslamavitch** · 07-07-2014 01:18 PM

السلام عليكم
عربيتى فليشيا وش اوكتافيا موديل 2000
انا حصل معايا مشكلة ان وانما برجع مرشيدير لقيت عصاية الفتيس طلعت فى ايدى واجى اديها الغيار مش بتاخدة المهم قعدت اعدل فيها رجعتها لوضع المور وبعد كدة اخدت الغيار عادى والغيار لما باجى انزل بية من التانى للاول ديما بيعض روحت لميكانيكى وربطلعى قاعدة الفتيس من تحت العربية وقالى كدة تمام لما روحت وبركن العربية وبجيب مرشيدير برضة لقيت العصاية تيجى على اليمين كدة وتترفع لفوق ومتجبش اى غيار اقعد احاول انا اعدلها مش عارف الموضوع الغريب دة اعمل فية اية
اسف للأزعاج بس المنتدى مصدر معلوماتى الوحيد عن العربيه :)
شكرا جزيلا