استشارة محتاجة رأي أصحاب الخبرة واساتذة المنتدي

**fathiazab** · 22-06-2014 09:50 PM

عربيتي دايو لانوس 1999 كانت من فترة المية في القربة بتنقص كل يوم حوالي نصف لتر وبعد الذهاب للميكانيكي قام بعمل هذه الاجراءات:
1- تغيير غطا القربة
2- تغيير طبب الموتور من قدام والخلف
3- تغيير المانوفيلد لان كانت الماسورة اللي راكب فيها خرطومين كده بتوع المية كانت مسدودة نوعا ما
4- خرط ماسورتين في المخرطة كانوا داخلين للموتور ومتركب فيهم خرطومين جلد كده وتركيب الماسورتين مقاسهم صغير كده بمعجون حديد
5- تغيير الاكواع والخراطيم الجلد والشبكة الخلفية والماسورة الفيبر
6- تغيير جميع الكوليهات
طبعا مصاريف كتيرة مكنتش على البال وتعب للمخرطة في 3 ايام رايح جاي وقرف
وبعد كده العربية بقت كويسة نوعا ما بس لما بفتح غطا القربة بلاقيها ناقصة حوالي 4 سم وبطلع هواء بسيط كده ..انا راضي بكده بس بيقول ان العربية عاوزة تغير جوان وش السلندر..مع ان العربية مش بدخن اي دخان من اي لون بس قال ان الجوان ده عشان تنفيخ الهوا
السؤال هل اطاوعة واغيره الجوان ده ولا اعمل ايه؟؟؟
متاسف جدا على الاطالة وجزاكم الله كل خير

**fathiazab** · 23-06-2014 04:45 AM

اين رجال المنتدي؟
للدرجة دي سؤالي صعب؟؟!!!!!!
ولا مش فاهمين السؤال ؟؟

**tarek_2005** · 23-06-2014 09:05 AM

اصبر شوية
في تنتيش بيحصل معاك وانتا ماشي او وانتا واقف
في برجلة في المكنة

افتح غطاء القربة الصبح قبل متدور العربية واملا القربة الي اخرها مياه وخلي حد يدور العربية لو الميه خرجت من من القربة باندفاع يبقي العربية فيها جوان وش سلندر اما لو مخرجتش يبقي العيب انه مبيخدش هواء من دورة المياه صح

**aelmohamady** · 23-06-2014 08:06 PM

المشاركة الأصلية كتبت بواسطة aelmohamady

معلش تعقيب بسيط يا استاذنا الكبير طول ما مستوى المياه فى القربة تحت مستوى الخرطوم الصغير الفوقانى يبقى المفروض ان مافيش هواء فى الدايرة

Sent from my samsung GT-I9152 using Forum Runner

دايرة التبريد فى اللانوس دايرة مغلقة ومابتحتاجش انك تاخد منها هواء لو المياه فى المستوى المظبوط

Sent from my samsung GT-I9152 using Forum Runner

**fathiazab** · 23-06-2014 09:38 PM

المشاركة الأصلية كتبت بواسطة tarek_2005

اصبر شوية
في تنتيش بيحصل معاك وانتا ماشي او وانتا واقف
في برجلة في المكنة

افتح غطاء القربة الصبح قبل متدور العربية واملا القربة الي اخرها مياه وخلي حد يدور العربية لو الميه خرجت من من القربة باندفاع يبقي العربية فيها جوان وش سلندر اما لو مخرجتش يبقي العيب انه مبيخدش هواء من دورة المياه صح

أشكرك على الرد
بس انا معنديش تنتيش نهائي والعربية سحبها كويس
وهعمل تجربة ملئ القربة صباحا وأعرفك على النتيجة
لو الميكانيكي ما أخدش هواء من دورة التبريد صح يأخده ازاي ..ممكن نعلمه حاجة وتبقى في ميزان حسنات حضرتك ..واعدك لما أعلمه هنسب العلم لاهله
شكرا جزيلا

**fathiazab** · 23-06-2014 09:42 PM

[QUOTE=aelmohamady;3875636129]معلش تعقيب بسيط يا استاذنا الكبير طول ما مستوى المياه فى القربة تحت مستوى الخرطوم الصغير الفوقانى يبقى المفروض ان مافيش هواء فى الدايرة

المهم استاذنا المهذب هل كل ما أوردته عما حدث ..يوحي بإن العربية محتاجة جوان وش سلندر أم لا
شاكر لحضرتك مقدما

**tarek_2005** · 24-06-2014 09:40 AM

دا التعبير الدارج بين الناس والصنايعية (( اخدت هواء من دورة المياه )) الصح هل افرغت الضغط من دورة المياه

غطاء القربة في الدورة المغلقة مصمم انه به بلف عند زيادة الضغط يخرج الضغط الزائد من عند الغطاء وعند تلف هذا البلف بنغير الغطاء لنقصان المياه

المقصود بافراغ الضغط هو عند ملئ الدورة بالمياه ثم غلق الغطاء وادارة المحرك بيزيد الضغط داخل الدورة نتيجة ارتفاع الحرارة وعند برودة المحرك يقل الضغط ولكن تاثير الحرارة علي المياه ليس كتاثيره علي الهواء لا في الضغط ولا الحجم فالهواء يتمدد اكثر بكثير من المياه ولذا يفضل عند برودة المحرك بعد عملية ملئ الدورة بالمياه او زيادتها انك بتفتح الغطاء لخروج الضغط الزائد للهواء وفي الدورات المغلقة تاثير عدم عمل هذا الاجراء بيتركز في شيئين الاول هام وهو تقليل الضغط علي بلف غطاء القربة وبلف زيادة الضغط في طرمبة المياه

السبب التاني وليس زو اهمية شديدة هو انتظام سريان المياه بالدورة ودا بيزيد من عمر الاجزاء الكاوتش في الدورة

**MMamdouh** · 24-06-2014 12:16 PM

العربية مفيهاش جوان وش... متسمعش كلام الميكانيكى

فيه منتج من شركة abro عبارة عن علبة بلاستيك جواها ما يشبة التراب بتتحط على مية التبريد... المادة دى بتدوب فى المية و اول ما تتعرض للهوا بتتجمد و بالتالى بتسد اى تسريب فى دورة المية

يفضل قبل ما تستعمل المادة دى تكبس دورة التبريد عشان تعرف مصدر التسريب اللى بينقص المية 4 سنتى يوميا

MMamdouh