مشكله فى الحساسات

**hanishetaea** · 24-06-2014 09:32 AM

صباح الخير

انا عندى مشكله فى العربيه بقالها 4 ايام

الصبح العربيه بتدور عادى جدا وبعد شويه بتكتم معاى حتى وانا دايس بنزين ممكن تبطل وبتفضل كده لحد ماتسخن وبعدين تمشى عادى طول اليوم طول ماهى سخنه - وبيتكرر الموضوع ده لو العربيه ركنتها اكثر من 3 ساعات يعنى تبرد ( مع الاخد فى الاعتبار ان قبل العيب ده مايظهر باسبوع العربيه لما امشى بيها واقف بعدها فى اشاره مثلا , كان فى رجفه ورعشه فى العربيه بس رعشه ضعيفه )

انا غيرت حاجات كتير اوى والعيب لاقيته النهارده الصبح لسه موجود

1 - فى البدايه العربيه كانت بتسخن وقالولى ان تغيير طلمبة المياه هو اللى بيخلى المؤشر يتاع الحراره مع التكييف يعدى المنتصف غيرت الطلمبه والميكانيكى قالى الغى الثرموستات مالوش لازمه الا فى اوروبا - ولاغيته ( تانى يوم ظهر العيب بتاع الدوران الصبح )

2 - الميكانيكى قالى غير البوجيهات وسلكها غيرته ( مع العلم ان السلك اشتريته جديد لكن هو ادانى من عنده بوجيهات قالى كانت راكبه فى عربيه وفكها وهى جديده فى نفس اليوم علشان الزبون مادفعش اجمالى اصلاح العربيه )

3 - قالولى طلمبة البنزين - فكينها ونظفناها ووقفنا على راسنا نسمعلها زنه او اى حاجه مافيش - مع العلم انا مشيت عليها 150 الف كيلو ( هى كل الكيلومترات اللى مشيتها من يوم ما اشتريتها سنة 2010 )

4 - قالولى العيب فى حساس البوابه اشتريته امبارح بــ 120 جنيه وركبته , ونظفت البوابات وغسلت الماكينه كلها بالجاز

انا راجعت موضوع الحساسات بتاعت اللانوس اللى هنا بس فهمى للميكانيكا مش قوى فما عرفتش ايه تانى ممكن يتغير

أفيدونى يااهل الخبره - انا مسافر الخميس وخايف العربيه تقطع منى على الطريق

.

**احمد سعيد كمال** · 24-06-2014 10:22 AM

بص ياباشا على موبينة السياره ده من الاخر روح لكهربائى يختبرها بالافوميتر او يطلعها ويشوف لوالشراره صفرا يبا الموبينه ضعفت والحق غيرها اما لو لونها ازرق تبأ تمام

**hanishetaea** · 24-06-2014 10:42 AM

المشاركة الأصلية كتبت بواسطة احمد سعيد كمال

بص ياباشا على موبينة السياره ده من الاخر روح لكهربائى يختبرها بالافوميتر او يطلعها ويشوف لوالشراره صفرا يبا الموبينه ضعفت والحق غيرها اما لو لونها ازرق تبأ تمام

اشكرك على نصيحتك هعمل ده ويارب يطلع هو العطل

**aelmohamady** · 24-06-2014 10:45 AM

اول حاجة لازم ترجع ثرموستات الكوع اللى شلتها علشان حرارة العربية تكون مظبوطة وماتقلش منك
تانى حاجة لو طرمبة البنزين ماتعملش الزنة اللى فى الاول قبل الدوارة تبقى مش مظبوطة
تلات حاجة اكشف على الموبينة

Sent from my samsung GT-I9152 using Forum Runner

**hanishetaea** · 24-06-2014 11:15 AM

المشاركة الأصلية كتبت بواسطة aelmohamady

اول حاجة لازم ترجع ثرموستات الكوع اللى شلتها علشان حرارة العربية تكون مظبوطة وماتقلش منك
تانى حاجة لو طرمبة البنزين ماتعملش الزنة اللى فى الاول قبل الدوارة تبقى مش مظبوطة
تلات حاجة اكشف على الموبينة

sent from my samsung gt-i9152 using forum runner

الف شكر - انا كنت اقصد بان مفيش اى صوت للطرمبه - اللى هو صوت غير تقليدى او تقطيع - مش عارف انا كده بتكلم مظبوط عن الطرمبه ولا لا :)

.

**hanishetaea** · 25-06-2014 11:41 AM

روحت لورشتين تانيين - واجمعوا ان تغيير الموبينه مالوش علاقه بالعيب - محتاج حد يشرحلى علاقة الموبينه بسبب العطل

مع العلم بانى امبارح فى الورشتين دول قالولى هات بوابه جديده حتى لو استيراد بالاتنين حساسات اللى عليها - عملت ده بس جبتها استيراد وركبتها - النهارده الصبح نفس العيب هو هو موجود

**aelmohamady** · 25-06-2014 11:48 AM

المشاركة الأصلية كتبت بواسطة hanishetaea

روحت لورشتين تانيين - واجمعوا ان تغيير الموبينه مالوش علاقه بالعيب - محتاج حد يشرحلى علاقة الموبينه بسبب العطل

مع العلم بانى امبارح فى الورشتين دول قالولى هات بوابه جديده حتى لو استيراد بالاتنين حساسات اللى عليها - عملت ده بس جبتها استيراد وركبتها - النهارده الصبح نفس العيب هو هو موجود

رجع ثرموستات الكوع
خللى الميكانيكى يبص على حساس الكرنك والفيشة بتاعته

Sent from my samsung GT-I9152 using Forum Runner

**hanishetaea** · 25-06-2014 12:41 PM

المشاركة الأصلية كتبت بواسطة aelmohamady

رجع ثرموستات الكوع
خللى الميكانيكى يبص على حساس الكرنك والفيشة بتاعته

sent from my samsung gt-i9152 using forum runner

الف شكر هعمل ده

**hanishetaea** · 29-06-2014 12:39 AM

الف شكر لكل من تفضل بالنصيحه

انا فعلا رجعت ثرموستات الكوعه وكمان كان حساس الشكمان ملمس ارضى فكان عامل برجله ف العربيه

واختفى العيب

لكن ظهر عيب جديد وانا راجع من السفر لما اوصل لسرعة 140 كيلو فى الساعه الحراره بتعدى النص وبتزيد كمان ومش بتوقف الا لما انزل السرعه لحد 110 ومن غير تكييف بيحصل ده

**aelmohamady** · 29-06-2014 10:26 AM

المشاركة الأصلية كتبت بواسطة hanishetaea

الف شكر لكل من تفضل بالنصيحه

انا فعلا رجعت ثرموستات الكوعه وكمان كان حساس الشكمان ملمس ارضى فكان عامل برجله ف العربيه

واختفى العيب

لكن ظهر عيب جديد وانا راجع من السفر لما اوصل لسرعة 140 كيلو فى الساعه الحراره بتعدى النص وبتزيد كمان ومش بتوقف الا لما انزل السرعه لحد 110 ومن غير تكييف بيحصل ده

الردياتير مسدود وعاوز يتسلك نضف الدورة كلها وحط مياه من موبيل

Sent from my samsung GT-I9152 using Forum Runner