صوت غريب ومحتاج تفسير نيو صني

**elmoski** · 25-06-2014 10:33 AM

السلام عليكم.....

لاحظت صوت غريب كدة امبارح ونا بركن العربية في الجراج بس كان الوقت متأخر اوي والدنيا هادية عشان كدة خت بالي.. الصوت جاي من برة من تحت العربية سواء علي n او d عامل زي مايكون اكنك دايس علي بلف العجلة و بتخرج الهوا منها و الصوت بيروح و يجي "فيسسسس ... فيسسسسس.. فيسسسس" او للتوضيح اكتر اكن مثلا حد ماسك خرطوم هوا و بيضغط علي طرف الخرطوم يا ريت اكون قدرت اوضح...المهم فتحت الكبوت افتكرت من الموتور لاقيت مفيش صوت لكن ركزت تحت العربية لاقيت الصوت واضح بس مش عارف مصدر الصوت.. وطبعا لما ركبت العربية و قفلت الزجاج مسمعتش اي حاجة..يا ريت حد يطمني يا رجالة

**hemaa_82** · 25-06-2014 10:40 AM

ممكن خرم في الشكمان ؟؟؟؟؟

انزل سد الشكمان من ورا ..المفروض لو سليم العربية تبطل علشان العادم مش بيطلع ...لو مبطلتطش المفروض تلاقي الصوت بيزيد لو خرم في الشكمان

**elmoski** · 25-06-2014 10:54 AM

معتقدش انو جكمان لان الصوت بيروح و يجي وانا لسة كنت كاشف ع الجكمان من اسبوع

**moaaz** · 25-06-2014 11:22 AM

طرمبة البنزين و دا صوت طبيعى بيظهر ف اى مكان هادى

**elmoski** · 25-06-2014 12:15 PM

متشكر يا باشا و با رب يكون طبيعي زي مانت قولت

**john55** · 25-06-2014 12:59 PM

الصوت دا طبيعي وهتلاقيه تقريبا في العربيات الجديده انا معايا اكسنت اربي نفس الصوت وسالتهم في التوكيل قالوا الصوت دا طبيعي استمتع بلعربيه وربنا يدمها علينا وشكرا