حاجات مضايقنى من بيجو 301

**mesindbad** · 25-06-2014 12:19 PM

السلام عليكم ورحمه الله وبركاته

ياجمتعه انا اشتريت بيجو 301 الهاى لاين من سمير ريان بس بصراحه فيه حاجات مضايقنى مش عارف ليه الحاجات ديه موجوده فى الهاى لاين وهل ممكن بسهوله تركيبها فى التوكيل

- مفيهاش جهاز انذار وحتى لما تيجى تعما لوك للعربيه مش بتعمل صوت فقط تنير الاشارات
- لازم تقفل الزجاج كله قبل ماتنزل مفيهاش جهاز رفع
- ال lock بيقفل العربيه من الخارج بس انا اعرف ان المفروض برضوا يفقله من الداخل عشان الاطفال مع ان الحل رخم هو انك تمنع اى فتح من الداخل عن طريق تظبيتها من الابواب
- كتيب العربيه بيقول ان فيه مثبت سرعه بس انا مش لاقيه

ارجو الافاده

**ahmed.Elashy** · 25-06-2014 01:05 PM

بخصوص مثبت السرعه ف الكتيب هتلاقي برده ف اول الكتيب بيقولك ان الاوبشنز الموجوده قد تختلف من بلد الي اخر يعني الهاي لاين بتاع مصر مش زي بتاع اسبانيا مش زي بتاع السعوديه بتبقي حسب طلب الوكيل
ثانيا الحاجات التانيه دي المفروض متضايقكش دي مجرد كماليات
كفايه انك شاري عربيه محترمه
ممكن تبقي تظبط الحاجات دي مع نفسك بعدين وتركب زينون وانذار وكل حاجه بس متطلعش نفسك برا الضمان

**ahmedfouad** · 25-06-2014 01:05 PM

هو حضرتك كان معاك ايه قبلها ؟

**mkomy** · 25-06-2014 05:17 PM

انا معايا هاى لاين وكل دة مظبوط بس ممكن تتعود او تعدل

**hany63** · 25-06-2014 05:25 PM

اسمح لي اقول لحضرتك انك بتتضايق بسرعه قوي
امال اللي جاب عربيه زيرو ولقاها جايبه فتيس و لا موتور المفروض ينط من البلكونه على كده
انما ممكن نقول ان دي ملاحظات بس غير مؤثره تاءثير ملحوظ
عيش ياباشا و استمتع و مبروك العربيه

**mesindbad** · 26-06-2014 01:28 PM

شكرا للردود السريعه وربنا يباركلكو فى عربيتكوا ويحفظكوا من شرها

**MemO_KinG** · 26-06-2014 06:00 PM

اعتقد ان العربية بتنزل مصر بالكماليات دى بس الوكيل ممكن يفضيها عشان ترجع تشتريها منه تانى بآلاف الجنيهات
انا ماعنديش دليل على كلامى بس مجرد افتراض بسبب ان توكيلات سيارات اخرى بتعمل كده فعلا