سؤال بخصوص ياريس 1500 الجديدة

**أيمن كور** · 25-06-2014 02:52 PM

السادة الافاضل
كل عام و حضراتكم بخير

الحمد لله أنا رخصت العربية إمبارح 2015 و كله تمام ...
قولت أعمل مشوار كده بالعربية علشان لحد ما رخصت ماكونتش مشيت بيها كانت عاملة 137 كم بس
المهم سؤالى هو ... لما مشيت بالعربية ماكنتش بزود عن 80كم بس و انا ماشى قولت أشغل التكييف
أجربه ..
شغلت التكييف على تانى درجة العربية كل لما أدوس بنزين مش بتسحب معايا زى ماكانت
مع انى من منتداكم الكريم اعرف ان التويوتا تكييفها كويس و مش بيأثر على السحب كمان العربية 1500 سى سى و انا اسمع ان ال1300 بتاعتها كانت ممتازة فى الموضوع ده !!
أرجو الافادة هوة كده علشان العربية جديدة و لا فى حاجة مش مظبوطة؟
ارجو من ملاك الياريس الجديد ال1500 و خبراء التويوتا يفيدونى علشان انا معلوماتى عن التيوتا غير كده و برضه ما جربتش تويوتا دى اول مرة

و شكرا مقدما و كل عام و حضراتكم بخير

**Omar2017** · 25-06-2014 03:18 PM

الياريس لا تنتمي بأي صلة الا الوحوش اليابانية تويوتا و لكن ما هي الا الهلس بتاع تويوتا

**abdulkhaleq** · 25-06-2014 04:20 PM

لأ ماتقلقش هو عشان انت بس لسه مالينتش
بعد أول صيانه مش هتلاقي الكلام ده ان شاء الله
عيش واستمتع وربنا يقيك شر الطريق

**hany63** · 25-06-2014 05:15 PM

المشاركة الأصلية كتبت بواسطة omar2017

الياريس لا تنتمي بأي صلة الا الوحوش اليابانية تويوتا و لكن ما هي الا الهلس بتاع تويوتا

انا عرفت ليه خلاص سبب وقفك اسبوع
بالذمه ده رد
ده بدل ما تقول له الف مبروك على العربيه الجديده ؟!!!!

**ahmed.Elashy** · 25-06-2014 05:49 PM

سيبك ياراجل انت بس ف الاول بتبقي ودنك حساسه زينا لما اول منشتري
العربيه لسه ملينتش متحكمش عليها دلوقتي
والف مبروك ع العربيه

**Ayman_Amer** · 26-06-2014 12:01 AM

لا ينصح بالتكييف في اول ١٠٠٠ك بالرغم من اختلاف الاراء حول ذلك.
المهم استمتع ومتقلقشي

**أيمن كور** · 26-06-2014 01:34 AM

أستاذ عمر ممكن أعرف إيه الوحوش اليابانية اللى حضرتك تقصدها ؟؟
و ممكن كمان أعرف الياريس تنتمى لأى جهة ؟؟
و حضرتك بتتكلم أكيد بحكم التجربة .. مش السمع طبعا .. و برضه ممكن تفيدنى فى المشكلة بحكم خبرتك
إيه رأيك فى المشكلة دى .. بغض النظر عن إنتماء العربية .. و الحلول المتاحة ؟؟

و حضرتك تنصحنى بأى عربية أفضل طالما الياريس بالسؤ ده

و سؤال صغير على الماشى هوة حضرتك راكب إيه دلوقتى .. و كان معاك تويوتا قبل كده و كانت تجربتك معاها سيئة ؟؟

و شكرا على الرد و متابع اجابة حضرتك

**Heladl** · 26-06-2014 01:04 PM

ممكن اسال هيا اليريس ١٥٠٠ سيدان بكام و هتشباك بكام؟

**أيمن كور** · 26-06-2014 01:12 PM

السيدان ال1500 الفئة الاولى أوتو ب 145 ألف و المواصفات ممكن حضرتك تعرفها بالتفصيل من مواضيع بالمنتدى
الهاتش باك مش فاكر بالضبط بس هية 1300 بس و تقريبا 136 الف او فى الحدود دى بس عيبها القاتل بالنسبة
لى ان الشنطة تكاد تكون صفر غير كده عربية كويسة

**darkdefender** · 26-06-2014 01:20 PM

تكيف اليارس مباثرش علي سحب العربية بشكل ملحوظ خالص ... الموتر محتاج يلين بس...

اليارس ال 1500 سي سي التسارع بتعها من 0-100 كم في اقل من 10 سواني و دا تقريبا احسن من 90% من العربيات ال 1600 سي سي و اقوي من اي عربية جديدة في الفئة السعرية دي....

العربية 10/10 و مشكلها صفر و بتجري و بتقفل عادي و سبتها مش التوب بس كويس..
ميروك و متسمعش كلام اي حد يقولك عليها كلمة ,, انا جربت كتير و اليارس اكتر عربية سترت معايا حجاتها بعييييييييش الحمد لله