مشكلة فى فرامل البيجو ال301 2014 وعدم حلها فى التوكيل

**yoge** · 25-06-2014 07:48 PM

في البدايه انا كان معايا تويوتا كورولا موديل 2007 مكنشي فيها اي مشكله كل اللي بعمله بغير زيت وفلتر في التوكيل وبس .لحد ما شفت بيجو 301 عندنا في اسكندريه بدأت تنتشر فاشتريتها والحمد لله العربيه استلمتها 26 مايو 2014 كان التكيف ضعيف وكلمت خدمة 19207 بلغوني اني اروح اتشيك عليها في مركز الخدمة مجاننا وعرفوني اني ممكن اروح مرغم او فروعنا في القاهره عادي المهم قولت خلاص انا هاكون قريب في القاهره اشوف روحت فرع اللي علي طريق صلاح سالم قابلت مهندس مصطفي والمهندس خيري والكلام ده الشهر اللي فات ووضح بعض الملاحظات بلغوني انهم عملو التكييف وشيكوعليها وكله تمام بس لازم اروح فرع شادر السمك علشان الفرامل بتصفر واستجابتها الفرامل بطيئه ..روحت فرع شادر السمك من حوالي 10 ايام قابلني مهندس صغير وقالي كله تمام مع العلم انا كنت شايفه العربيه جوه جانب الرجل التخين اللي كان بيزعق بيقولو ده مدير المركز خرج جرب معايا وقالي ايه رايك قولتلو انا مش عارفه قالي كله تمام . وانا راجعة اسكندرية تاني يوم علي الطريق الصحراوي التكيف قطع خالص والفرامل مااااااااااافيييييش نهائي ورجه جامده في العربيه مع اني بخاف اجري وسرعتي 80 او 100 كيلو والعربيه ماوقفتشي غير لما دخلت في الرملة والحمد لله علي كل حال وحسبي الله ونعم الوكيل في التوكيل وفي بيجو وكل اللي يستهتر بأرواح الناس وبجد انا مش هاسكت ورفعت قضيه علي الشركة وان شاء الله ربنا معايا

تم تعديل العنوان ليتناسب مع المحتوى
م ب 3

**hugan** · 25-06-2014 07:57 PM

تاني مشكله للفرامل
اوروبي طبعانفسي شويه اﻻعضاء بتوع
اوروبي يرحمونا شويه

**2CODE** · 25-06-2014 08:03 PM

المشاركة الأصلية كتبت بواسطة hugan

تاني مشكله للفرامل
اوروبي طبعانفسي شويه اﻻعضاء بتوع
اوروبي يرحمونا شويه

استرها يارب - نفسي اشوفهم الناس بتاعة الاوروبي والله دا الصيني مبتعملش كده

دي تاني مره للفرامل في البيجو 301 والله اعلم باقى العربيات من بيجو ايه اخبارها !!!!!!!!

انا عن نفسي البيجو مدفعش فيها حتى 20 الف جنية وهي زيرو وعربية فراملها بتهرب !!!!!

**J A G U A R** · 25-06-2014 08:09 PM

والله العظيم قله ادب اللى بيحصل ده وحاجه ميتسكتش عليها نهائى

على العموم متسكتيش على اللى حصل ده وربنا معاكى ولازم شكوه جماعيه لحمايه المستهلك وللشركه الام وتعملو فضيحه للتوكيلات القذره دى

**ahmed sa3ed** · 25-06-2014 08:14 PM

يجماااااااااااعه نصبر شويه ومنصدقش كل حاجه بتتكتب كلامها من غير دليل انو صح او حقيقى ودى اول مشاركه ليها وجروب ال 301 على الفيس اتكتب فى نفس الوقت نفس الشكوه بطريقه تانيه باكونت فيس لسا معمول جديد برضوا

انا مش ب\افع عن ال 301 وبقول انها سوبر علشان محدش يفهم غلط

**Omar2017** · 25-06-2014 08:18 PM

ارفعي قضية في حماية المستهلك ممكن تاخدي واحدة تانية لأن دية فرامل فرامل يا ناس

**ahmedelrayan** · 25-06-2014 08:18 PM

ايه كمية التسيب والاستهتار دى الواحد بيزنق نفسه ويقول يجيب عربية زيرو عشان تريحه يكتشف ان العربية الزيرو ممكن تموته الله المستعان

**Moe86** · 25-06-2014 08:24 PM

فى ناس فاكرة انها لما تهاجم العربيات الاوروبى , تبقى الصينى احسن عربية !

هوندا, نيسان و مازدا اكتشفوا مشاكل فى الايرباج, عادى جدا اللى صانع العربية انسان ممكن يغلط, المشكلة لما بيكتشفوا مشكلة برة بيعملوا Recall للعربيات تتصلح فى التوكيل و مافيش الكلام دة فى مصر !

http://www.autonews.com/article/2014...ta-airbag-flaw

BBC News - Honda and Nissan add to airbag recall

الموضوع: مشكلة فى فرامل البيجو ال301 2014 وعدم حلها فى التوكيل

LinkBack

أدوات الموضوع

عرض

-

-

-

-

المواضيع المتشابهه

تيل فرامل الييجو ال301

عتب البيجو ال301

اول مشكلة لفتيس الاوتو وتم حلها في التوكيل مجاناً

مشكلة ثبات السرعة وعدم السحب

مشكله مش عارف حلها في فرامل اللانوس

الكلمات الدلالية لهذا الموضوع

المفضلات

المفضلات

ضوابط المشاركة