مشكله فى النترا 2012 ومش لاقى حل

**tengy** · 26-06-2014 12:24 AM

عربيتى النترا 2012
العربيه لما بمشى بيها فتره بحس انها تقيله شويه وغالبا بتكون تقيله فى النهار وكويسه بالليل
ومن فتره قريبه غسلت العربيه من تحت ومن بعدها والعربيه بتنتش معايا بعد فتره من المشى نهارا وفى الجو السخن تحديدا والسرعه مش بتعدى 100 والغريب ان لما بطفى العربيه واشغلها تانى تشتغل كويس غيرت بوجيهات ومفيش تقدم روحت التوكيل كشف عليها مش مسجله اى اعطال قالى ممكن طرمبه البنزين لما بتسخن بتهيس غيرنا الطرمبه فى التوكيل لان العربيه فى الضمان وبرضو المشكله موجوده ومش عارف ايه الحل ياريت افاده من الخبراء

**msobhy** · 26-06-2014 12:30 AM

حساس الكرنك سيدى الدوق

**hi_nmr** · 26-06-2014 01:05 AM

انت متأكد انك بتمون من محطه محترمه ؟؟

ممكن البنزين مغشوش

**tengy** · 26-06-2014 01:26 AM

المشاركة الأصلية كتبت بواسطة hi_nmr

انت متأكد انك بتمون من محطه محترمه ؟؟

ممكن البنزين مغشوش

ياباشا انا فولت بعدها حوالى عشر مرات فى سفريات مختلفه

**merosss** · 26-06-2014 03:20 AM

غالبا فى مشكلة فى knocking sensor الكمبيوتر مش بيدى العطل لسبب ما مجهول ....هو الى حضرتك بتوصفة دة معناة ان الهواء الى داخل للموتور عشان يعمل الى خليط عشان يحصل اشتعال فية مشكلة عشان كدة هى بتنتش ....موضوع انها كويسة بليل دة عشان الهواء ساقع ...الصبح سحبها ضعيف الهواء سخن وكثافتة قليلة المسئول عن ضبط موضوع الهواء دة هو ال sensor الى بيخلى كنترول يونت تقرر تاخد هواء اد اية المشكلة فى موضوع الهواء شوف الفلتر الهواء و الحساس حتى لو مش مدى error ل اما الكنترول يونت نفسها فيها مشكلة ودى حاجة صعبة اوى اوى

**tengy** · 26-06-2014 10:38 AM

[QUOTE=merosss;3875639558]غالبا فى مشكلة فى knocking sensor الكمبيوتر مش بيدى العطل لسبب ما مجهول ....هو الى حضرتك بتوصفة دة معناة ان الهواء الى داخل للموتور عشان يعمل الى خليط عشان يحصل اشتعال فية مشكلة عشان كدة هى بتنتش ....موضوع انها كويسة بليل دة عشان الهواء ساقع ...الصبح سحبها ضعيف الهواء سخن وكثافتة قليلة المسئول عن ضبط موضوع الهواء دة هو ال sensor الى بيخلى كنترول يونت تقرر تاخد هواء اد اية المشكلة فى موضوع الهواء شوف الفلتر الهواء و الحساس حتى لو مش مدى error ل اما الكنترول يونت نفسها فيها مشكلة ودى حاجة صعبة اوى اوى[/Q
طيب حضرتك تعرف حد كويس يظبطها

**merosss** · 26-06-2014 03:25 PM

للاسف معرفش حد حضرتك ممكن تحاول تروح التوكيل فرع العبور الجديد هناك فى نظام وناس بتفهم احسن من باقى المراكز

**msobhy** · 26-06-2014 11:35 PM

المشاركة الأصلية كتبت بواسطة tengy

قالولى لو حساس الكرنك فى مشكله كان ظهر فى كشف جهاز الاعطال بالاضافه ان العربيه مش هتدور مش عارف صحيح الكلام ده ولا لا

حساس الكرنك فى البدايه مش بيسجل اى ايرورر
بعد كده بيبدأ يخلى العربيه تبرجل وتقطع على خفيف
بعد كده تبدأ العربيه تبطل منك ومتدوش غير بعد بعض المحاولات
هايزيد احساسك بمشكلة حساس الكرنك مع درجة حرارة الجو العاليه واول لما تشغل التكييف