مساعده من اهل الخبره فى شراء سيارة من 35:30 الف

**Saddam Azmi** · 26-06-2014 07:18 AM

السلام عليكم ورحمة الله وبركاته
الاول كل سنه وحضراتكم طيبين بمناسبة حلول شهر رمضان الكريم ..ودي اول مشاركه لي معاكم واتشرف بوجودي ما بينكم ..
محتار جدا في سياره في رنج 30الف ل 35 مثلا ....لغرض التحرك داخل المدينه ممكن سفر مره او مرتين في السنه مرسي مطروح( ( من القاهره طبعا )) ايه افضل حاجه في الرنج دي من حيث التحمل والاعتماديه والثبات وتكون موفره في البنزين وسهولة القياده وتوافر قطع الغيار السحب والتسارع وتكييف .....ويا ريت لو عربيه مش بتحب زياره الميكانيكي كتير .....منتظر ردودكم وهتفرق جدا معايا ...واسف علي الاطاله .

تم تعديل العنوان
م ب 3

**Saddam Azmi** · 26-06-2014 09:17 AM

14 مشاهده ومفيش ردود؟؟؟؟؟؟؟؟؟؟؟؟؟؟؟؟؟؟؟؟؟

**Ayman_Amer** · 26-06-2014 04:05 PM

الاختيار التقليدي هيوانداي اكسيل كاملة.

الاختيارات الآخري
فيات شاهين
لانشيا ديدرا
سيات ابيزا ٩٤
سكودا فيلبشيا ٩٦

**J A G U A R** · 26-06-2014 05:17 PM

لو تعرف تزود ل 40 وتجيب لانوس هايببقى افضل اختيار

**Saddam Azmi** · 26-06-2014 06:09 PM

المشاركة الأصلية كتبت بواسطة j a g u a r

لو تعرف تزود ل 40 وتجيب لانوس هايببقى افضل اختيار

شاكر جدا لرد حضرتك....بس ممكن تقولي ايه مميزات اللانوس؟؟؟وعيوبها لو امكن

**Saddam Azmi** · 26-06-2014 06:09 PM

منتظر مشاركات الاعضاء وبارك الله فيكم

**J A G U A R** · 26-06-2014 09:44 PM

المشاركة الأصلية كتبت بواسطة saddam azmi

شاكر جدا لرد حضرتك....بس ممكن تقولي ايه مميزات اللانوس؟؟؟وعيوبها لو امكن

عربيه اعتماديه من الدرجه الاولى .. قطع غيارها متوفره فى كل مكان سهله فى البيع والشراء تكييفها وثباتها معقولين واستهلاكها للبنزين مش عالى وحجمها صغير وسهله

عيوبها واطيه ع الارض وضيقه شويه تسارعها ضعيف شويه وخصوصا مع التكييف وشكلها اتهرس فى الشوارع وعزلها وحش شويه وصاجها خفيف

واللى عايز يزود يزود علشان انا بكتب باستعجااال