هبد ورزع جامد من العفشة الخلفية بعد التعلية مع اقل المطبات

**MHMD Alexndria** · 26-06-2014 08:38 PM

السلام عليكم ورحمة الله وبركاته

اصدقاء المنتدى الكرام

العربية بقت بتهبد وترزع جامد من ورا بعد التعلية مع اقل المطبات لما اكون لوحدي فيها لكن في وجود 2 فالكنبة بتبقى كويسة

اللي حصل اني عليت العربية من ورا بعلاية كاوتش 2 سم تقريبا من تحت الياى وكان في كاوتشه زيها راكبة اصلا فوق الياى

وبقت كويسة من ناحية المطبات والحك اللي عمال على بطال لما يكون 2 قاعدين ورا

ولكن لو لوحدي بقت ناشفة وبترزع وبتهبد جامد لو عديت على مطب شبه الدرجة كده بسمع صوت حديد في حديد بيهبد ورا
وبصيت على المساعد من عند تجويف العجل الخلفي لقيته مفتوح جامد وفي مسافة فوق قبل نهايته عند الفخدة يعني مش متبع للاخر اتمنى اكون وصلت الموضوع بشكل صح

اعمل ايه فالهبدة والنشوفية ديه مع الحفاظ على الارتفاع الحالي تقريبا 5 صوابع بين شفة الرفرف والعجلة مقاس العجل 185/60/14 العربية لانوس 1

للعلم المساعدين جداد kyp والسوست

**NightmarE84** · 26-06-2014 11:14 PM

متابع

**exact** · 26-06-2014 11:34 PM

كده التعلية زيادة قوي قوي... ومكبس المساعد بيخبط في سقف المساعد ومفسوخ
حاجة من اتنين... يا تخف العلاية والاحسن تستبدل بسوست انسب
يا اما تشتري تطويلة للمساعد

**MHMD Alexndria** · 27-06-2014 09:32 AM

[QUOTE=exact;3875640730]كده التعلية زيادة قوي قوي... ومكبس المساعد بيخبط في سقف المساعد ومفسوخ
حاجة من اتنين... يا تخف العلاية والاحسن تستبدل بسوست انسب
يا اما تشتري تطويلة للمساعد[/Q

اولا شكرا لردك

ياريت تفهمني يعني ايه تطويلة للمساعد عبارة عن ايه
هل هتبقى لحام فالمساعد لتطويله وياريت لأااااا
ولا عبارة عن كوتش زنق بيركب فوق سقف المساعد ومكبس المساعد لتطويل المشوار للمساعد

على فكرة السوست الأصلية بتاعتها وجديدة بس هى طرية شوية مع الحمل وده السبب فالحوار كله

**aelmohamady** · 27-06-2014 09:54 AM

المشاركة الأصلية كتبت بواسطة MHMD Alexndria

السلام عليكم ورحمة الله وبركاته

اصدقاء المنتدى الكرام

العربية بقت بتهبد وترزع جامد من ورا بعد التعلية مع اقل المطبات لما اكون لوحدي فيها لكن في وجود 2 فالكنبة بتبقى كويسة

اللي حصل اني عليت العربية من ورا بعلاية كاوتش 2 سم تقريبا من تحت الياى وكان في كاوتشه زيها راكبة اصلا فوق الياى

وبقت كويسة من ناحية المطبات والحك اللي عمال على بطال لما يكون 2 قاعدين ورا

ولكن لو لوحدي بقت ناشفة وبترزع وبتهبد جامد لو عديت على مطب شبه الدرجة كده بسمع صوت حديد في حديد بيهبد ورا
وبصيت على المساعد من عند تجويف العجل الخلفي لقيته مفتوح جامد وفي مسافة فوق قبل نهايته عند الفخدة يعني مش متبع للاخر اتمنى اكون وصلت الموضوع بشكل صح

اعمل ايه فالهبدة والنشوفية ديه مع الحفاظ على الارتفاع الحالي تقريبا 5 صوابع بين شفة الرفرف والعجلة مقاس العجل 185/60/14 العربية لانوس 1

للعلم المساعدين جداد kyp والسوست

موضع التعلية ده اكبر غلط الصح لانك كده بوظت ثبات العربية وخصوصا فى الملفات وواضح كده ان المساعد مفتوح لاخره وبيخبط لفوق الحل الصحيح انك تلغى الموضوع ده وتركب صددات ودى عن تجربة مابتأثرش فى الثبات خالص وفى نفس الوقت مابتخليش العربية تهبط

Sent from my samsung GT-I9152 using Forum Runner

**MHMD Alexndria** · 27-06-2014 11:57 AM

المشاركة الأصلية كتبت بواسطة aelmohamady

موضع التعلية ده اكبر غلط الصح لانك كده بوظت ثبات العربية وخصوصا فى الملفات وواضح كده ان المساعد مفتوح لاخره وبيخبط لفوق الحل الصحيح انك تلغى الموضوع ده وتركب صددات ودى عن تجربة مابتأثرش فى الثبات خالص وفى نفس الوقت مابتخليش العربية تهبط

sent from my samsung gt-i9152 using forum runner

شكرا لمشاركتك

طب انا رايح للعفشجي ده تاني انهارده ياريت توضحلي موضوع تركيب الصدادات ده ازاى عشان ابقى فاهم وانا عنده ايه الصح اللي المفروض يتعمل

**MHMD Alexndria** · 27-06-2014 02:20 PM

كل سنة وانتم طيبين جميعا.... اعاد الله عزوجل رمضان علينا وعلى بلدنا بالخير ان شاء الله

متااااابع يا شباب ياريت حد يشرحللي موضوع الصدادات للمساعدين او تطويل المساعد ايه اللي بيتعمل بالظبط قبل ما اروح للبشوات الصنايعية اللي الحاجة لازم تتعمل عند اغلبهم كذا مرة وكل مرة حوار شكل

ههههههههههههه

الحمد لله

**عمرولبيب** · 27-06-2014 03:42 PM

تطويله المساعد زى صاموله وفى اخرها مسمار طويل كدا ( الصاموله بتركب فى المساعد والمسمار اللى فى اخرها بيحل محل المسمار بتاع المساعد اللى ركب فيه الصاموله )

من غير لحام ولا حاجه هى فك وربط

بالنسبه للصدادات اهى

وكل دا قرف شيله ومتعليش العربيه

**exact** · 27-06-2014 05:54 PM

تطويلة المساعد دي عباره عن صباع طويل كده... من ناحية فيه فتحة بتركب على راس المساعد.... والناحية التانية بتتربط مكان المساعد عادي... وكل مساعد له واحده خاصه بيه

انصح بخفض الارتفاع شوية وده الحل الاحسن

**aelmohamady** · 27-06-2014 07:16 PM

المشاركة الأصلية كتبت بواسطة MHMD Alexndria

كل سنة وانتم طيبين جميعا.... اعاد الله عزوجل رمضان علينا وعلى بلدنا بالخير ان شاء الله

متااااابع يا شباب ياريت حد يشرحللي موضوع الصدادات للمساعدين او تطويل المساعد ايه اللي بيتعمل بالظبط قبل ما اروح للبشوات الصنايعية اللي الحاجة لازم تتعمل عند اغلبهم كذا مرة وكل مرة حوار شكل

ههههههههههههه

الحمد لله

الصدادات دى عبارة عن كوتش بيركب فى المساعد بغرض تقليل مشواره او بمعنى ان المساعد فى حالة انضغاطه مش هاينزل للاخر وده مايخليش العربية توطى جامد مع الحمل وفى نفس الوقت ماياثرش على ثبات العربية علشان مابيعليهاش

Sent from my samsung GT-I9152 using Forum Runner