الموضوع: مشكله الرعشه فى الطلعه هاتجننى ((ليجانزا))

في احتمال ان طقم الدبرياج اللي راكب مش اصلي , هو حصل معايا الرعشه في الأول بعد تغيير طقم الدبرياج و رجعت للميكانيكي و قاللي الطقم مضروب بس هو اللي كان جايبه و غيره و بعدين الرعشه راحت الحمدلله

المشاركة الأصلية كتبت بواسطة ابو اشرف

السلام عليكم ورحمه الله
تحيه لاخواننا الاعضاء
عندى مشكله قولت اعرضها عليكم للافاده اما بطلع على الاولانى بحسس برعشه فى الموتور كان العربيه بتتكير المهم الرعشه فى الطلعه كانت مشكله معايا فى العربيه اللى قبلها كان معايا سوناتا 2001 وبعتها بسبب الرعشه دى واللى اشتراها قالى كان حساس الهوا اللى عامل المشكله المهم اشتريت الليجانزا99 وبعد ما غيرت مكنه لان مكنتها كانت خفيفه ركبت واحده استيراد وغيرت طقم دبرياج بالمره لقيت رعشه على الاولانى صعبه جدا المهم بدأت رحلت العلاج بتغيير قواعد الموتور غيرت قواعد الموتور والقاعده الامامى كانت سليمه وجديده غيرتها برده قولت اجرب زى محنا والعيب موجود
قولت اغير قواعد الفتيس لان الفتيس تحس انه سايب مع الرعشه فى الاولانى بيروح لادام وتحس انه
سايب المهم غيرت قواعد الفتيس وبرده مافيش فايده قالوا البوبينه رحت جبت بوبينه جديده من عزيز سليمان المهم ركبت الجديده بصراحه التجميع فرق جامد والعربيه بقت عفيه لكن المشكله زى ماهيا قولت يمكن دوره البنزين جبت طلمبه بنزين جديده لان اللى راكبه كانت ساعات بتاخر دواره شويه وفى السفر لما اقف واجى ادور تانى بتغيب فى ا دواره
بس مش معتقد انها مشكله طلمبه ولسه ماركبتهاش انا حاسس ان العيب فى طقم الدبرياج على الرغم انى جياب الاصلى بس اعتقد الميكانيكى ما ركبوش كويس فى حاجه فى الاسطوانه اوالديسك
مش مظبوطه اخر حاجه ها اعملها ها اكشف عليه وامرى لله
بس ربنا يسهل لانك بيقولوا بتحل الموتور علشان توصل للفتيس فلازم يكون معايا تمته ثمن طقم الدبرياج علشان لو حاجه ها تتغير اغيرها لو حد من الاخوه ينصحنا بحد امين نكشف عنده نكون شاكرين ولكم جزيل الشكر وه ارفع تقرير قريبا ان شاء الله لما احل المشكله وجزاكم الله خيرا وكل عام وحضراتكم بخير

اسطوانة اكيد

Sent from my samsung GT-I9152 using Forum Runner