تقييم كيا سيراتو 2014 ...انا الي سوقتها .....

**omaranes77** · 28-06-2014 12:56 AM

السلام عليكم ورحمة اللة وبركاتة
ابن خالتي اشتري كيا سيراتو خليجي

سوقتها منو انهاردة
هيا تقريبا الفئة التانية ..فيها واحد ايرباج وabs وجنوط بس مفهاش ايمبوليزر
بالنسبة ليا للي ميعرفش انا عندي 16 سنة وبسوق من وانا عندي 12 سنة ايام الاكسل فاعذروني ممكن اكون معرفش اقييم صح دي وجهة نظري

اولا العربية بسم اللة ماشاء اللة دخلتها حلوة اوي
انا سوقتها لحد 80 مرضتش ازود ..
المميزات ..
العربية مغرية جدا جدا للجري بتشم البنزين وتجري
واسعة اوي
ثباتها حلو ولو اني ممشتش كتيير
الباور ناعم جدا جدا تلفة بصباع ايدك الصغير
النور القدماني جميل اوي وبيجيب الشارع كلو
العزل جميل جدا لدرجة اني لما دورتها كنت فاكرها مادرتش افقلتها ودورت تاني ههههههههه
sound system بتاععها فظيعععغغ
الفرامل قوية وجميلة اوي
علي الفكرة العربية عايزة تجري باي طريقة
عيوبها بقي
..مفهاش ايمبوليزر
العربية فيها زراير كتيير اوي اكتر من الاوكتافيا بكتيير متعرفش تشوفها وتشوفها وانت سايق اساسا
العفشة مش مريحة لدرجنة يعني بتحسسك بالنقر الي في الشارع
العربية ضخمة شوية وصعب اول مرة تركبها تعرف ابعادها انا كنت هلبس اساسا في عربية هحكلكو بعدين
بس في حاجة مش عارف اذا كان عيب او ميزة
انا سوقت قبل كدة اوتو كتيير بس حاجة غريبة
دواسة البنزين غريبة شوية داجلة جوة اوي عكس الفرامل ولما بتلمسها العربية بتطير مش عارف بقي
دة تقييمي ليها بس سلام كبير لكيا في العربية دي

بالنسبة اني كنت هعممل حادثة
انا كنت ماشي في طريق مقسوم نصين انا كنت ماشي عادي في طريق يمين قدام وفي ملف الي وارايا انا شايفة في المراية ادي اشارة انة هيخش يمين قلت انا هلف حودت يمين عشان الف علي واسع ودة افتكرني اني هركن ..ملحوظة التحويدة اليمين لسة مجتش لسة بلف وبكسر شمال في اخر ثانية لقيتة كمل علي طول فرملت علي الاخر والحمد للة العربية تمام
في النهاية ارجو التقييم المتواضع يعجبكوا
انا اسكوداي ومحدش يشكك في وطنيتي بس الصراحة عربية فظيعة ربنا يبارك لملاكها فيها
ممكن تقولي موا صفات الفئة دي وسعرها عشان نسيت اسئل
...السلام ختام ....
السلام عليكم

**hugan** · 28-06-2014 01:35 AM

الافضل في فئتها حاليا

**J A G U A R** · 28-06-2014 02:02 AM

ايه الحلاوه دى يا عمر

بالنسبه للنقطه بتاعه العفشه راجع على ضغط الكاوتش

**omaranes77** · 28-06-2014 02:39 AM

المشاركة الأصلية كتبت بواسطة hugan

الافضل في فئتها حاليا

اكيد طبعا بس مع كرولا وفلوانس ؟!

**omaranes77** · 28-06-2014 02:40 AM

المشاركة الأصلية كتبت بواسطة spidars

غريبه حكايه انك تحس بالنقر انا معايا بجنط 17 ولا الهوي لا نقر ولا حاجه

مشكور تشريفك بالموضوع
هو مش نقر نقر الي هايز اوصلوا ان العفشة ناشفة شوية وبتحسسك بالي في الشارع

**omaranes77** · 28-06-2014 02:41 AM

المشاركة الأصلية كتبت بواسطة j a g u a r

ايه الحلاوه دى يا عمر

بالنسبه للنقطه بتاعه العفشه راجع على ضغط الكاوتش

حبيبي يا باشا
انا قصدي انك بتمشي تحس باحفر والحاجات الي في الشارع

**omaranes77** · 28-06-2014 02:43 AM

المشاركة الأصلية كتبت بواسطة bakkarahmed

بصراحه موضوع النقر ده ماباحسهوش نهائي والجنط عندي 16 وهوا عادي مش نايتروجين

مشكور تشريفك الموضوع
قصدي ان العفشة مش مريحة ودة تقيمي انا عكس حضرتك
يعني في حاجة تعجب حضرتك
انا ﻷ
حضرتك فاهمني

**spidars** · 28-06-2014 03:36 AM

علي العكس عمري محسيت باي حاجه في الطريق زي مكنت بحسها بالكورولا او البوما والكارينز وده الي مستغربه علي السيراتو بارغم من الجنط 17 ده الواحد بيمشي في الحتت المكسره كانه ماشي علي الاسفلت

-

الموضوع: تقييم كيا سيراتو 2014 ...انا الي سوقتها .....

LinkBack

أدوات الموضوع

عرض

تقييم كيا سيراتو 2014 ...انا الي سوقتها ..... - انشر الموضوع فى :

-

-

-

-

-

-

المواضيع المتشابهه

تقييم الخارج للنيو سيراتو والالنترا 2014 وكورولتنا والفوكاس

يا ريت تساعدوني يا جماعه فلوانس 2014 او نيو سيراتو 2014 او كروز 2014؟

لاهل الخبره كرولا 2013. ام فلوانس 2014 ,, بيجوا 301 ,, سيراتو 2014

شارك 2014 و لا سيراتو 2014 و لا إلنترا 2014

Kia cerato 2014 الصور الرسمية - سيراتو 2014 الجديدة كليا !

الكلمات الدلالية لهذا الموضوع

المفضلات

المفضلات

ضوابط المشاركة