ياريت حد يرد عليا

**zerox2010** · 28-06-2014 11:40 AM

فى واحد ميكانيكى اول مره اتعامل معاه غيرلى جلد صباب وجوان وش سلندر ودورت العربيه طلعت منها كميد دخنه رهيبه قعدت حوالى ربع ساعه وبعدين قلت خالص بيقولى ده من الزيت اللى على الشمبر وبعدين العربيه بقت مبرجله على السلانسبه عاوز اعرف من ايه وقالى هنحط زيت 1000 كيلو اى نوع وبعدين نغيره على 500 كيلو وبعدين نحط زيت نظيف ؟ وهو اخد منى 150 جنيه مش عارف اتنصب عليا ولا ايه ؟

**zerox2010** · 28-06-2014 12:26 PM

كل سنه وانتم طيبين حد يرد عليا

**makarther** · 28-06-2014 12:32 PM

و انت طيب زيروكس
عربيتك انجكشن و الا كاربراتير عادى

**aelmohamady** · 29-06-2014 12:26 AM

المصنعية كويسة

Sent from my samsung GT-I9152 using Forum Runner

**zerox2010** · 29-06-2014 02:09 AM

انجكشن

**moko_2004** · 29-06-2014 06:25 PM

حتت الدخان الابيض بعد الشغل في وش السلندر ده عادى بسبب الغسيل بالجاز و دخول الزيت على غرفة الحريق اثناء فك الوش
المطلوب فعلا تغير زيت العربية
وسبب البرجلة البوجيهات اتوسخت من الزيت و الجاز المحروق و عاوزة نظافة او تغيير
و المصنعية كويسة فية بياخد اكتر من كدة كتير
و اخيرا اخبار سحب العربية و البرجلة بعد تغير البوجيهات لو بقى و حش تكشف على الكاتينة مضبوطة ولا لأه

**ahmed salah90** · 29-06-2014 06:44 PM

ممكن تكون رواسب على البوجيهات هات بوجيهات رخيصه جرب عليها و بعدين احكم على العربيه علشان لو انت كل يوم تيجي تدور الصبح و تلاقي دخنه زيت لونها سماوي لفتره قصيره يبقى جلد صبابات انما لو على طول تبقى شنبر او عمره بعيد عنك انما البرجله دي يا اما ظبطه توقيت المكنه او بوجيهات مهندس نفسه يتخرج ادعيلي

**makarther** · 30-06-2014 12:43 PM

إنجكشن يبقى تروح تظبطها على الجهاز "كمبيوتر بيعيد فرمتة الحساسات الذكية"
أنا لفيت كتير و غيرت حساس الكامة و قبله حساس الكرنك و نضفت البوابات
و العربية فضلت متبرجلة لحد ما روحت توكيل بيجو القطامية
العربية بعد وضعها على الجهاز بقت تمام
شوف توكيلك فين و روحله
و ده لينك الشرح بتاع اللى حصل لعربيت
http://www.nilemotors.net/Nile/427685-a.html

**zerox2010** · 03-07-2014 03:44 PM

المشكله رجعت تانى النهارده الصبح وانا بدور العربيه لقيت دخنه بسيطه من الشكمان ايه الحل ؟ ودى من ايه مع انى مغير جلد الصبابات الاصلى ال gm

**ahmed salah90** · 03-07-2014 04:11 PM

المشاركة الأصلية كتبت بواسطة zerox2010

المشكله رجعت تانى النهارده الصبح وانا بدور العربيه لقيت دخنه بسيطه من الشكمان ايه الحل ؟ ودى من ايه مع انى مغير جلد الصبابات الاصلى ال gm

طالما اول ما تدور الصبح بس يبقى جلد صبابات الحل ايه تدور على الاصلي علشان كل حاجه بقيت بتضرب و تروح لميكانيكي كويس او تكبر دماغك و تطلع على مركز صيانه ثقه علشان ممكن تكون موشكله تانيه