الموضوع: البيجو ال301 ولا التيوتا اليارس؟؟؟؟؟؟؟؟؟؟؟؟

الياريس افضل بمراحل
حمالة اسيه و اعتماديه لاقصى درجه و بتحتفظ بحالتها مهما طال الزمن طول ما بتعمل الصيانه الدوريه
و الوكيل بتاعها غني عن التعريف مقارنة بوكيل بيجو
واحد صاحبي معاه ياريس عامل بيها ١٤٠ الف لولا الرقم باين في التابلوه مش ممكن تقول انها ماشيه اكتر من ٤٠ الف
يعيبها انها خفيفه بعد ال ١٣٠ كم و نادرا لو احتجت تمشي اكتر من كده

الحاجة اللي الناس مش واخدين بالهم منها ان ال 301 دا موديل لدول العالم التالت مش موديل بيجو عالمي حاجة زي الاوبترا كدا..
دا معناه ان الاعتمادية و جودة المنتج سيئة لانها مش محتاجة تلبي الموصفات العالمية....

اليارس اعتمادية درجة اولي كفاية ان فالمنتديات الاجنبية ماشيين بييها 400,000 ميل اللي هو بتاع 600,000 كيلو! و العربية مغيرتش غير مستهلاكات الاساسية فقط!!!!!! الموتور متلمسش و لا العافشة بعد 600,000 كيلو!!!!!!

يارس انت مبتشتري راحت بالك, بشهادة كل الشغالين فتوكيل تويوتا في مصر و الخليج اكتر عربية تويوتا القطع بتعتها بتعيش و اقل مشاكل و شكوي

الاستاذ Omar2017 أرجو توضيح أسباب حكمك على العربية دى لأن حضرتك برضه فى موضوع كنت كاتبه دخلت و قولت نفس الكلمتين و مارديتش على سؤالى
يا ريت يبقى رأيك عن تجربة مش كلمتين تدخل ترميهم و تمشى ... و لا الموضوع بالنسبة ليك
انك تلفت النظر ليك و تستفز الناس وخلاص
أرجو لما تبدى رأيك تقول أسبابك .... و برضه هاسألك حكمك عن تجربة ؟؟ و حضرتك راكب إيه ؟
و رأيك ايه فى عربيتك ؟؟؟