الموضوع: مشكلة في فرامل كورولا 2015

المشاركة الأصلية كتبت بواسطة nabiiiiil

اولا السلام عليكم و رمضان كريم
انا اشتريت كورولا 2015 و استلمتها الشهر اللي فات و سافرت بيها الساحل و مكنش فيه مشكلة ابدا
و لكن لما رجعت بعدها بيومين كان فيه مشكلة في الفرامل, كل ما ادوس علي دواسة الفرامل اسمع صوت تزييئ عاالي جدا من ورا مع رعشة خفيفة
ممكن حد ينصحني و يعرفني المشكلة فين؟؟

الصوت ده لما بتفرمل و انت بتهدي و لا لما بتفرمل فرملة كاملة في وضع الثبات ?

لو في وضع الثبات ده عادي ,
وهيبان اكتر لو بقالك كذا يوم مستخدمتش العربية او ان العربية اتغسلت و جه مياه علي التيل او انك نزلت في مياة انت ماشي .

المشاركة الأصلية كتبت بواسطة nabiiiiil

الصوت بيكون في الحالتين و لكن بيكون الصوت اعلي و انا بهدي
انا فعلا غسلت العربية في البنزينة من برا بالفرش و حسيت بالصوت بعدها علي طول! طب احل المشكلة ازاي؟

الموضوع بسيط قوي و مش مقلق خالص , الصوت ده تحديدا من تراكم الاتربة او غسيل للتيل او طبعا من الرطوبة اللي في الساحل اكيد بتلاقي العربية بالليل غرقانة

طبعا الغسيل تقدر تتحكم فيه لكن الاتربة و الرطوبة مستحيل , فحضرتك قدامك حل من 2 يأما تنضف التيل بهوا مضغوط عند بتاع كاوتش او تسيبه هيروح مع الوقت.

تيل الفرامل في العربيات الحديثة بيبقي صديق للبيئة و منزوع منه مادة الاسبستوس اللي بتسسب السرطان و ده بيخليه ساعات بيعمل اصوات غير مقبولة , و لكن في النهاية هما شايفين الاصوات اقضل من السرطان :)

وللعلم بيتغير من 20 الي 30 الف حسب استخدامك , فهو تيل صديق للبيئة وليس صديق لجيبك.

في النهاية لا تقلق نهائيا و استمتع بالعربية و عاوزين نعرف انطباعك عنها

المشاركة الأصلية كتبت بواسطة nabiiiiil

شكرا جزيلا و دايما بنستفيد من حضرتك

الشكر ليك يا استاذ نبيل

و في انتظار انطباعك عن العربية كمميزات و عيوب