البنزين هيغلى والا لا أنا اتجننت ! دل

**os.a.ma** · 01-07-2014 06:05 AM

كل شوية يقولو البنزين هيغلى ويرجعو يقولو لا .. ده حتى في خبرين هنا على الموقع واحد ان البنزين هيغلى من اول الشهر الي هو يوم التلات والتاني انه هيغلى بس بعد شهر رمضان طب الواحد يصدق مين ؟؟؟؟؟؟

**os.a.ma** · 01-07-2014 06:09 AM

جريدة الدستور: "البترول": رفع أسعار البنزين والسولار "شائعة" .. والقرار قيد الدراسة

**J A G U A R** · 01-07-2014 06:21 AM

والله متعرفش بالظبط هما هايعملو ايه
ادينا هانشوفو وخلاص

**أحمد جودة** · 01-07-2014 08:02 AM

يقال إن الاسعار الجديدة تطبق من 7/1 وناس بتقول انه اشاعة بس اكيد ليها هدف

**akmm** · 01-07-2014 11:02 AM

اكيد هيغلى ................ دايما بيعملوا كده لما يحبوا يغلوا المواد البتروليه ... فاكريين بنزين 95 ويديك فتره للرغى والهرى ... وبعدين يرفع السعر ....... لابد من ان الحكومه هترفع الدعم من المحروقات .

**mohhassan** · 01-07-2014 12:03 PM

بيلعبو بينا ياباشا علشان نهرى وناكل في بعض والسعر زى ماهو ولما يرفعوه يكون خلاص الناس ملت من الهري ويرضو بالامر الواقع !!
بس لي سؤااال بذمتكم حد فتح بقه لما عرف الخبر ؟؟ بالعكس الناس فتحت غطاء التنك وققفوا طوابير على البنزينة حتى لما الكهرباء قطعت عن المحطة فضلو واقفين !!احنا نستاهل اكتر من كده

**akmm** · 01-07-2014 12:10 PM

ايوه احنا نستاهل اكتر من كده ................. لابد ان ندافع عن حقوقنا ..... بمعنى مقاومه التوكيلات المستفزه والامتناع عن التعامل مع الكسالى اللى بيقولوا عن نفسهم سايس ...والاعتراض على المخلف في السير او ركن السياره صف تانى لانه بيستولى على جزء من حقك في الطريق ... وبعدين نبقى نقول ان البنزين يغلى ولا لأ .