الموضوع: هام بخصوص البنزين .....

انا شايف ان المعدل مش هيبقى ثابت داخل البلد ده مستحيل
انا لو هختبر معدل الاستهلاك هيبقى على طريق طوالى رايح جاى بنفس المسافه بدون وقوف
وده انا عندى مافيهوش اي اختلاف ما قبل وبعد الزياده
وبالتوفيق

المشاركة الأصلية كتبت بواسطة mhkash

السلام عليكم
اخير لقيت حد عندو نفس مشكلتي
انا عربيتي النترا 2012 يعني العربيه جديده وسواقتي متزنه جدا لا بحب الشد ولا الحرق ولا الغرز ولا الكلام ده خالص ومحافظ على الصيانات فى التوكيل و معتني بالعربيه اخر حاجه جدا جدا

كانت الاول استهلاكها معقول جدا جدا
دلوقتي بقت بلاعة بنزين
مع اني كنت بمون بنزين من محطة موبيل مجلس الدوله لانها كانت المحطه الوحيده اللى بتخلي استهلاك العربيه للبنزين اقل ما يمكن
دلوقتي بمون من نفس الموحطه ولكن الاستهلاك علي جدا
غيرت المحطه ومونت من محطات تانيه كتير - للا سف مفيش فايده
انا زهقت و ركنت العربيه فى جراج وبتحرك بالمواصلات لاني مش قادر على تكلفة البنزين
بس ملاحظتك فى محلها
الاستلاك عالي جدا جدا من 3 شهور او اكتر بشويه صغيرين
شكرا

يعني مش عندك وهم ولا حاجه يعني

المشاركة الأصلية كتبت بواسطة super_star_h

انا شايف ان المعدل مش هيبقى ثابت داخل البلد ده مستحيل
انا لو هختبر معدل الاستهلاك هيبقى على طريق طوالى رايح جاى بنفس المسافه بدون وقوف
وده انا عندى مافيهوش اي اختلاف ما قبل وبعد الزياده
وبالتوفيق

اكيد ولكن الكلام ده انا جربته فعلا انا بقالي شهرين بجرب جوه البلد بره البلد كل المسافات والطرق اللي بمشي فيها وعارف استهلاكاتها كويس كلها بايظة الأيام دي ومفيش ولا مره عاوزه تظبط طبيعي

غيرت زيت العربيه قبل ميعاده
وبرضه لسه الأستهلاك نار بجد حاجه تقرف

http://www.nilemotors.net/Nile/445340-a.html

طبعا كلنا شوفنا موضوع شركة مرسيدس
وده اهداء للي صدعونا بالتشكيك فيما نقول وان احنا عندنا اوهام
وعرفنا دلوقتي مين اللي كان في الوهم فعلا
الغريب ان احنا عارفين مين اللي بيسرقنا طول عمرنا وفي كل امر تلاقي خد بيحسن الظن فيهم برضه
الله ينتقم من الظلمة

معهد بحوث البترول - الصفحة الرسمية
22 hrs ·
يجري معهد بحوث البترول صباح غدا الثلاثاء تجربة عملية باستخدام خليط وقود جديد ايثانول / بنزين 80 ،تحت رعاية رئيس الجمهورية المشير عبد الفتاح السيسي
ومن المقرر ان يحضر التجربة وزراء البترول والثروة المعدنية ،البحث العلمي والتكنولوجيا ،النقل والمواصلات ،محافظ القاهرة و محافظ الأسماعيلية و المهندس اسامة كمال وزير البترول الاسبق والدكتورة نادية زخاري وزيرة البحث السابقة ويشارك في التجربة الشركة القابضة للبتروكيماويات وشركة اويل ليبيا مصر لتسويق المواد البترولية ورئيس مجلس ادارة الاحرار بسياراتهم .
أكد الدكتور احمد الصباغ مدير معهد بحوث البترول ان الدراسات العالمية قد اثبتت انه يمكن خلط الإيثانول على البنزين منخفض الأوكتان (80) حتى نسبة 40% دون تعديل في موتور السيارات التي تعمل بالبنزين .

واوضح ان هذا الخليط الجديد في حالة تعميمه يوفر على الدولة استيراد البنزين 95 خاصة وان هذا الخليط الجديد يستطيع تحويل البنزين 80 الى بنزين 92 وذلك بإضافة 10% من الايثانول الى البنزين 80 .
واشار الدكتور الصباغ ان فريق من علماء المعهد استطاع تسجيل براءة اختراع في المادة الرابطة بين الايثانول والبنزين 80 وذلك لتجنب حدوث الفصل بين الايثانول والبنزين في تنكات التخزين أو السيارات لفترات طويلة جداً.

https://www.facebook.com/permalink.p...71187183072912