أوروبي ... كوري ... ياباني ... أو حتي صيني !!!

**ENG.MaRk** · 02-07-2014 11:12 AM

يا جماعة عايزين نبطل نقول أوروبي ... كوري ... ياباني ... أو حتي صيني !!!
لأن العربية مش مهم بلد منشأها ... المهم ايه مميزاتها بدليل إن في عربيات صيني كتير عاملة مبيعات كويسة أوي في مصر زي التيجو مثلا و ال a113
و عربيات تانية أوروبي ( إيطالي ) زي الفيات لينيا ... مش محققة أي مبيعات في مصر مع إني لما ركبتها ما كنتش عايز أنزل منها ... بجد روعة

**وليد مسلم** · 02-07-2014 11:23 AM

الفكره فى التحديد هى تحديد لبلد المنشأ
ودى ليها اعتبارات كتير
لكن مش تمييز طائفى يعنى

جزاك الله خيرا

**akmm** · 02-07-2014 12:24 PM

موضوع الحقيقه يستحق المناقشه .......................... انا من راى التعامل والديث عن الماركه نفسها ...... وكل ماركه سياره معروف هيا ايه .

**Zing0** · 02-07-2014 01:47 PM

الموضوع للتصنيف و ليس للتقييم
كل منطقة صناعية فيها كذا شركة للسيارات و كلها بتتنافس بس أكيد مش كلهم نفس الجوده و لا نفس الفكر
أكيد مرسيدس غير bmw غير أودى غير فولكس و أوبل, و كلهم ألمانى (مش أوروبى بس ده نفس البلد) بس كل شركة ليها فكر مختلف
نفس الكلام بين تيوتا و هوندا و سوزوكى و ميتسوبيشى و نيسان ... و برضو كلهم يابانى
و بالمثل مع كيا و هيونداى و دايو .... إلخ
فى حين إننا قارنا اللادا و البولونيز القديمة بالفيات (الإيطالى) زمان

و مسألة المبيعات فى مصر للحكم على جوده السيارة هتدى نتايج (عبيطه) لأن السوق المصرى ليه معايير جوده مختلفه
عندك فى سوق المستعمل فى حدود 45-50 ألف: بولو 2004-2006 (المانى) - دايو لانوس 99-2001(كورى) - لانسر كريستاله (يابانى) !!!!
طبعاً بالعقل كده أشترى بولو (المانى - فولكس فاجن) و موديل أحدث.... صح؟
قطع الغيار و الصيانه هيا إللى بتتكلم فى سوق المستعمل أكتر من موديل العربية أو نوعها , و ياما تلاقى عربيات تحفه بس سوقها واقع فى مصر.

للسوق مفهوم آخر غير مفهوم العنصرية .... مفهوم (التوفير)

**S O P H O S** · 06-07-2014 06:09 AM

فالنهاية مفيش عربية وحشة
المهم الانسان يختار الشئ المناسب ليه
ولظروفه

**kokowasfy** · 06-07-2014 11:11 AM

فى مصر احنا بنمشى بمدا طول ما فيها اربع عجلات و بتمشى خلاص بقت كويسة

**ahmzd** · 06-07-2014 12:09 PM

أنا مقتنع تماما أن أسواقنا العربية عموما والمصرية خصوصا لا تمثل أي مقياس حقيقي لقيمة وجودة ونجاح أي عربية مهما كانت ماركتها !! هذا لأن ثقافتنا وطريقة اختيارنا لسياراتنا كشعوب عربية تحكمها عوامل أخرى غير الجودة وغير الكفاءة مثل السعر والانتشار وقطع الغيار والصيانة وإعادة البيع !! وهذا كلام منطقي طبعا من وجهة نظري ولا خلاف عليه ولكن .. هناك اعتبارات هامة جدا - وربما أكثر أهمية - لابد أن نأخذها في اعتبارنا مثل الجودة والكفاءة والاعتمادية ووسائل الأمان وتحقيق متطلباتنا واستهلاك الوقود وماركة السيارة أصلا !! ولقد لاحظت بين فئات الشباب حاليا تطورا ملحوظا جدا في هذه النقطة خصوصا في هذا المنتدى الرائع حيث يتم تداول كل الآراء ومناقشة كل ما يخص السيارات الحديثة بالذات، ولكني بالمقابل لاحظت توافر هذا بكثرة في الفئات القادرة أكثر من الكادحة، فالإمكانيات المادية ما زالت هي الأساس في الاختيار عند السواد الأعظم .. والله أعلم.