الموضوع: مشاكلى مع اكسارا-1 اتوماتيك ومحتاج نصيحة

السلام عليكم ورحمة الله وبركاته ورمضان كريم
انا شايف ان المشاركات فى منتدى سيتروين قليلة بس انا مستنى ردودكم ان شاء الله
انا عندى شوية استفسارات كدا ومعلش لو هاطول عليكم
1- لما بخلى الفتيس على D واجى اطلع واحدة واحدة فى الزحمة بسمع صوتك تزئ وبيروح اول ما بشيل رجلى خالص من الفرامل ولما سالت الميكانيكى قالى دا صوت الفرامل لان العربية عاوزة تمشى وانت محجمها وبصراحة انا مش مقتنع لان الصوت دا مسمعتوش الا لما غيرت الكوبلن اليمين

2- وانا واقف بالعربية لما اجيب الفتيس على R بيكون فى هزة كدا وزى ماا يكون صوت الموتور على مع العلم انى مسمعتش الموضوع دا الا بعد اما ظبطت العفشة

3- العربية وانا ماشى على سرعة متوسطة يعنى من 50 : 70 وارفع رجلى من على البنزين بحس ان زى ما يكون لمست الفرامل يعنى السرعة مش بتقل تدريجى.

4- لما بجى اهدى بالفرامل مثلا قبل اشارة او مطب ومثبت رجلى على دوسة ثابتة على بدال الفرامل بلاقى العربية سرعتها تقل بانتظام وبعد كدا تمسك فرامل اجمد وترجع تانى لنفس معدل الدوسة بتاعتى.

ملاحظات ان لمبة الـ check engine منورة من ساعة ما جيبت العربية وانا غيرت كوبلن يمين وظبطت عفشة وغيرت زيت موتور وزيت الفتيس

اسف على الاطالة

لازم فني متخصص يكشفلك علي العربية العربيات الفرنساوي مش اي حد يشتغل فيها عندك فريد شوقي في مدينة نصر وامجد في الحرفيين بس فريد شوقي متخصص كهربا وكنترول ستروين وبيجو مكانه ضهر بنزينة شل اللي في ذاكر حسين