تأثر ارتفاع اسعار البنزين علي سوق المرسيدس المستعمل

**meshoo_mk** · 02-07-2014 08:40 PM

الدعم علي البنزين هيتشال بالكامل بالتدريج خلال الخمس سنين القادمه و اولهم السنه دي زياده 50 قرش علي ال 80 و 92 و ده طبعا هيبقي ليه تأثير كبير علي سوق المرسيدس المستعمل خاصة القديم مثل التمساحه و الزلموكه و العيون و كمان من السنه الجايه هيتم تطبيق الكروت الذكية بكمية محددة يعني خراب بيوت من كل ناحية.
اعتقد ان احنا هنشوف هبوط في اسعار المرسيدس المستعمل بشكل عام و ما فوق 2000 cc بشكل خاص في الفترة اللي جاية.
ده علي اساس ان اللي شاري عربية معدل مثلا ب 40,000 جنية ده من الاغنياء و ميستحقش الدعم؟
بجد حرام

**bassol2000** · 21-07-2014 01:36 AM

انا مستني يحصل بصراحه الموضوع ده عشان عاوز تمساحه حلوه بحبها اوى العربيه دى بس ربنا يسهل و نلاقي انا معايا صني 2010 ... جميلة برضه بس عاجبنى برستيج المرسيدس انا بخرج بالعربيه فى الشهر تقريبا 3 مرات بس .. عشان كده مش بيفرق معايا موضوع البنزين يا رب يا مسهل

**samyyousef** · 21-07-2014 02:06 AM

فيه ناس لها وجهة نظر معينة - للاسف - انها لا تبيع السيارة باقل من قيمتها ،،في وجهة نظر مالكها،، و لو صدت في الشارع
و هذا تراه في السيارات الامريكية
فكثيرا ما اشاهد سيارات امريكية قديمة تقف في الشارع و قد اتلفها الشمس

**Omar Mahmoud** · 21-07-2014 04:57 AM

المشاركة الأصلية كتبت بواسطة samyyousef

فيه ناس لها وجهة نظر معينة - للاسف - انها لا تبيع السيارة باقل من قيمتها ،،في وجهة نظر مالكها،، و لو صدت في الشارع
و هذا تراه في السيارات الامريكية
فكثيرا ما اشاهد سيارات امريكية قديمة تقف في الشارع و قد اتلفها الشمس

و للاسف الشديد العربيات الامريكي اللي زي دي في منها شيفروليه شيفيل مركونة في سليمان اباظة و منظرها يزعل
ده غير العربيات المركونة في مناطق شعبية و السكان ميحللهمش يرمو الزبالة غير جوة العربية.
هي الحكاية كلها إن الاسعار لما تنزل هتبقي ميزة للبيشتري لانها هتبقي رخيصة و سعرها هيبقي واقع اكتر ما هو واقع للاسف انما طبعا مشكلة للبايع لان سعرها نزل جامد و خسر كتير.

**S O P H O S** · 26-07-2014 02:51 AM

فأعتقادي ومن واقع الاسعار
مفيش حد بينزل سعر حاجة وهو بيبع
وهو بيشتري فقط بيحب ينزل قيمة الشئ

**Omar Mahmoud** · 26-07-2014 03:04 AM

المشاركة الأصلية كتبت بواسطة s o p h o s

فأعتقادي ومن واقع الاسعار
مفيش حد بينزل سعر حاجة وهو بيبع
وهو بيشتري فقط بيحب ينزل قيمة الشئ

كلامك صحيح
لكن مشكلة العربيات دي إن سوقها كان واقع قبل زيادة البنزين غير الاشاعات اللي بنسمعها عن العربيات دي
دلوقتي البيع هيبقي في الواقع اكتر بسبب البنزين لأن لو علي السعر وقت البيع محدش هيشتري من الاخر رغم جودة العربيات

**meshoo_mk** · 26-07-2014 03:30 AM

الغريب ان في عربيات كتير موتورها عالي لكن استهلاك الينزين فيها ميفرقش كتير عن اللي تحت 2000 سي سي و مع ذلك سعرها واقع بسبب الاشاعات مش اكتر
اعتقد ان دي فرصة كويسة للي عايز يركب عربية عالية بسعر قليل
استغل جهل السوق لصالحك