الموضوع: رأي الخبراء والمجربين - بريليانس v5 / تريوس / تيجو / داستر / جريتوال هوفر

تيجو منتشره وتوكيل محترم وشكلها الجديد حلو اوي / الداستر عربية حيوانة شغل بس شكلها مش حلو زي التيجو (مساله اختلاف اذواق ) بس كويسة جدا كتوكيل رينو محترم لازالت خامات التابلوه بلاستيك حتي ف الشكل الجديد / البرليانس عربية شيك واتوماتيك (ميزه ف صالحها لان مافيش اوتوماتيك ف التيجو والداستر ) وسقف بانوراما حاجة كده روعه وتوكيل البافارية بتاع البي ام محترم بس اسعارهم نار بس البريليانس عربيات محترمه جدا كخامات واداء بس مش منتشره زي التيجو والداستر بس هي احلي منهم بكتير / التيريوس اسوء حاجة تركبها بتمن عالي شكل قديم جدا كئيب وارتفاعها مع صغر قاعده العجلات مخلي ثباتها سئ وانا شايف ان حرام فيها قرش / الهوفر حلوة و فورباي فور بس مالهاش مسمار بره توكيلها ( ان كان أصلا توكيلها ناقص عنده قطع غيارها ) وبرده كحال اغلب الصيني ظهرت شوية وبعدين بخ اختفت مش زي البرليانس والاسبرانزا عربيات اثبتت نفسها

لو مش فارقة معاك المانيول يبقي داستر

برلانس v5 عربية جميلة واتوماتيك من الاخر مستوي عالي

طب يا جماعة كلامكم عن تجربة اكيدة ؟؟

لان التريوس يا باني اعتقد اعتمادية كدة هتبقى اكبر واعطال اقل وعمر طويل وكدة .. وانتوا على كلامكوا التيجو والهوفر والبريليانس الصيني بقى احلى منها ..

انا شفت فيديوهات جميلة جدا لقوة التريوس وثباتها .. هل البريليانس والتيجو والهوفر هيعيشوا معايا ؟؟
الداستر شكلها مش داخل دماغي قد كدة بصراحة

المشاركة الأصلية كتبت بواسطة me2sense

طب يا جماعة كلامكم عن تجربة اكيدة ؟؟

لان التريوس يا باني اعتقد اعتمادية كدة هتبقى اكبر واعطال اقل وعمر طويل وكدة .. وانتوا على كلامكوا التيجو والهوفر والبريليانس الصيني بقى احلى منها ..

انا شفت فيديوهات جميلة جدا لقوة التريوس وثباتها .. هل البريليانس والتيجو والهوفر هيعيشوا معايا ؟؟
الداستر شكلها مش داخل دماغي قد كدة بصراحة

مع احترامي لجميع الآراء

بس ماتخدش برأي حد في عربية ميكونش امتلكها وقعدت معاه واتحط معاها في مواقف حقيقية - مش بس سمع عنها أو قرأ عن عيوبها من برة او ركبها مرة واحدة وبيحكم عليها بدون ما يتعود عليها

-في قسم الدايهاتسو استطلاع عن التريوس و 78% من ملاكها شايفنها كويسة من جيد الى جيد جدا الى ممتازة/ مقابل 10% مقبولة و 10% سيئة

-التقييمات عن العربية في المواقع الاجنبية بتقول انها احسن عربية في فئتها مقابل سعرها، وانها مفهاش مشاكل حقيقية... قد يعيبها البطء لو اتقارنت بغيرها والرفاهية جواها مش خمس نجوم

-عدم تغيير الشكل والتصميم من اكتر من 7 سنين ده دليل على انه تصميم مفهوش مشاكل وانها عربية مستقرة مع الشكل والتصميم ده وانها ملهاش عيوب معروفة تستدعي تعديل التصميم

- ياباني... الياباني لو فيه عيب واحد واحد أو مشكلة حقيقية في الأمان ولا التصميم ولا غيره العربية كانت اتسحبت من السوق والموديل اللي بعده تصميمه اتغير والخلل اتعالج... بس ده محصلش للتريوس من 7 سنين بعكس عربيات تانية تصميمها بيختلف من سنة لسنة لاسباب قد لاتكون كلها لمجرد التغيير

- اي عربية عالية ثباتها بيقل على السرعات المبالغ فيها، لان مركز الثقل بتاعها بيعلى عن الأرض، ومش كل الناس محتاجة تجري على الصحراوي بأعلى من 150 كم/ ساعة... انا شخصيا شايف ان عدم الحك في المطبات والحفر والأضرار اللي بتترتب على كده اولى من الجري الجنوني في طرق مصر، واللي هي حاجة اصلا ما ينفعش تعملها في شوارع المحروسة المليئة بالمفاجآت حتى لو راكب بورش ولا فراري... ربنا يحفظنا جميعا من شر الحوادث بصفة عامة وحوادث السرعة خصوصا

ومرة أخرى بحترم كل الآراء المختلفة معايا، وتقبل تحياتي..

داستر

المشاركة الأصلية كتبت بواسطة ashouhdy

طبعا الداستر ! دة سؤال اصلا ! الداستر تطلع فوق البريليانس كدة وتنزل من عليها تانى !

رأي صائب