مين بيبيع اكسسوارات كيا سبورتاج بالاسكندرية ؟

**heshamg** · 03-07-2014 11:11 PM

السلام عليكم

كنت في التوكيل اليوم للصيانة و سألت علي دواسات للسبورتاج لأن عندي واحدة عادية و بتتزحلق و تضايقني جداً أثناء القيادة. المفروض دواسات السبورتاج تدخل في البروز الخاصة بأرضية السيارة بحيث الدواسة لا تتزحلق. المهم إني لقيت عندهم طقم دواسات لكن كان بـ650 جنيه و كان قماش خفيف مش جلد حتي. الراجل نفسه قاللي أنصحك بلاش تجيبهم علشان مش عمليين و حيبوظوا بسرعة

سؤالي هو هل فيه محلات و تجار بيبيعوا اكسسوارات زي دي و غيرها زي مثلاً فرش لشنطة العربية ؟ .. و يا ريت يكون في الاسكندرية بلدي الحبيب

**ashouhdy** · 03-07-2014 11:46 PM

اسأل على عزبة سعد فى اسكندرية

على بنزينة موبيل اللى عند نفق الابراهيمية ... اخر الشارع بتاع البنزينة عزبة سعد

بس متشتريش من محلات خميسكو (نصابين)

**Omar2017** · 04-07-2014 12:25 AM

المشاركة الأصلية كتبت بواسطة ashouhdy

اسأل على عزبة سعد فى اسكندرية

على بنزينة موبيل اللى عند نفق الابراهيمية ... اخر الشارع بتاع البنزينة عزبة سعد

بس متشتريش من محلات خميسكو (نصابين)

خمسيكو دة في سموحة انا كنت بتعامل معاة بس اتلسعت منة قبل كدة في اكصدام خلفي اداهوني على انة جديد و هو قديم

**ashouhdy** · 04-07-2014 12:46 AM

ما انا بقولك محلات خميسكوا نصابين كلهم منهم لله

**heshamg** · 04-07-2014 05:20 AM

أشكركم علي الردود .. أنا أعرف طبعاً عزبة سعد و كلمت سعيد نصار أشهر محل هناك بس ماكنش عنده. ممكن فعلاً أنزل صلاح الدين أشوف كده إيه الأخبار هناك .. أنا ما روحتش هناك غير مرة واحدة من سنين و فعلاً كان المحلات كتيرة و عندهم أشكال و ألوان.