الموضوع: العربية كانت بتبطل ثم .....

الف شكر علي النصيحة
والتوكيل اكيد كان هيغير البوابة كلها وده حصل مع ناس كتير وتكلفتها حوالي 2000 جنيه
اما بخصوص فكها وتركيبها فهو سهل انا بنظفها بنفسي كل فترة فطبيعي اي ميكانيكي هايعرف يتعامل

اللوجان عربية بسيطة وليست معقدة علي المستوي الشخصي انا بعرف افك وركب
(فلتر الهواء - فلتر الزيت -تغير زيت الماتور-البوابة والحساس - البوجيهات -لمبات الكشافات والفوانيس - التيل الامامي - طرمبة البنزين -الردياتير (أصعب حاجة لكني فكيته مرتين بنفسي ) تخيل كل ده وانا مستخدم عادي للعربية ولست فني انا معايا لوجان 2013 مانيوال واخويا معاه لوجان 2010 مانيوال هاف فعايش في الاتنين

المشاركة الأصلية كتبت بواسطة baset

- شراء زجاجة بخاخ تنظيف (مش فاكر إسمها بس هيا لونها أزرق) بـ 20 جنيه
!!!

دي سبري WD40

المشاركة الأصلية كتبت بواسطة ah-elgendy

ممكن اعرف معدل استهلاك البنزين فى العربيه كام بما انكم عندكم عربيتين لوجان تقيمك للعربيه ومتوسط اسعار قطع الغيار كام علشان بفكر فى النيولوجان

تقييمي هيكون فيما يخص المنيوال فقط :-
الــــــــــــــــمميزات
1- ارتفعها عن الارض ودي ميزة لكل واحد عايش في منطقة فيها مطبات غير طبيعية
وكمان ارتفعها مش بيتأثر اوي لو حملت كمان في (الكنبة و الشنطة) بتفضل العربية مرتفعة بشكل كويس

2- شنطتها الوسعة جداً

3- تنك البنزبن 50 لتر دا غير الزور وفي عربيات كتير اخرها 40 لتر بس للتنك يعني تسافر لمكان بعيد وانت مطمئن

4- كنبة خلفية واسعة

5- سقف العربية عالي (انا ركبت عربية زميل النترا 2014 في الكنبة وراء دماغي خبطة في السقف وانا مش من طويلي القامة ) لكن في اللوجان انسي

6- استهلاكها للبنزين بتعمل معايا 7 لتر وانا مشواري 67 كيلو للشغل رايح جاي بالتكييف يعني تقريباُ 1 لتر في 10 كيلو وانا شايف ان ه معدل جيد

الـــــــــــعيوب

- في الموديل 2010 التي ظهرت في العربية هاف او فول ابشن عن تجربة اخويا وزميلي العيوب دي ظهرت السنة دي 2014 فقط بعد استخدام 5 سنوات

1- مشكلة طرمبة البنزين (نفس المشكلة ظهرت في العربيتين)
- زميلي 2010 فول ابشن مركز الخدمة قام بتغير الطرمبة وبوحدة جديدة 1900 جنيه وكانوا عايزين يضربوا علي القديمة (مركز خدمة فرنش موتورز سيارات رينو بمدينة الرحاب).

- اخويا 2010 هاف قمنا بفك الطرمبة بانفسنا و غيرنا الماتور فقط بآخر بتاع اللانسر تمنه 150 جنيه بعد الفصال 100 جنيه وقمنا بتركيبه مع بعض التعديلات البسيطة بوصلات الكهربية واشتغل تمام.

2- مشكلة البوابة ( نفس المشكلة ظهرت ايضا في العربيتين)

- قمت بتنظيف البوابة للعربيتين 2010 وانحلت المشكلة

- معلومة في عربيتي لوجان 2013 يقال ان مشكلة البوابة انحلت في المصنع بتركيب بوابة مختلفة وعند فك البوابة لعربيتي 2013 وعربيت اخي 2010 فعلا البوابة مختلفة عندي معدن والاخري بلاستيك واحساس الايدل مختلف ايضا

3- الكاوتش
- في الموديلات 2010 نوع جيد الي حد ما اخي غيره علي 90 الف كيلو زميلي علي 55 الف كيلو
- موديل 2013 نوعه غير جديد بيزحف مع الفرملة يفضل تغييره)

4- بور اللوجان لا يقارن بالياباني او الكوري فهو اقل منهم

5- التيل جو التوكيل بيتغير 470 جنيه انا بغيره بنفسي بشتريه نوع اسباني ريمسا تمنه 125 جنيه

اتمني اني اكون ساعدتك علي قد ماقدر لو في اي سؤال انا في الخدمة