الموضوع: سؤال لأهل الخبرة في شراء 132 وعمل لها تجديد شامل

على حسب معلوماتى ان العربية دى جميلة بس بس تقريبا شغاله بقالها 40 سنة يعنى عمر وزمن
المشكلة انها هتتشد بس هتتعبك

واهم نقطة وركز عليها قطع غيار العربيات دى بقت غالية خاصة الاستيراد

المشاركة الأصلية كتبت بواسطة j a g u a r

لو صرفت عليها زى ما بتقول وجيت تبيعها هاتخسر فيها

ربنا يبارك في حضرتك

طيب لو اشتريت واحده حالتها كويسه وشديتها بس على خفيف يعني بحيث انها متعطلش مني في السفر ولا فوق كوبري فهل ممكن ده ولا مهما اشدها بردوا هتقف مني وهيظهر فيها اعطال كل شوية

مع العلم ان الحالة المادية متوفرة على الموديل ده ومقدرش اجيب اعلى منه

المشاركة الأصلية كتبت بواسطة j a g u a r

مش معنى ان حضرتك هاتشد العربيه يبقى مش هاتعطل منك او مش هتسافر دى حاجه ترجع لماتور العربيه وحالتها وده المفروض حاجه مهمه جدا لما تشتريها تعرف ان حالتها كويسه وطبعا لما تكون سليمه هاتسافر كويس ومش هاتعطل ان شاء الله .. اصل انا افتكرت فى الاول هاتشدها يعنى هاتظبط شكلها من بره روشنه يعنى

لا أنا مش مهم عندي الشكل الخارجي انا المهم عندي الوسع من جوه وتستحمل المشاوير وقطع غيارها رخيصة وجسمها قوي ولقيت ده كله في الفيات 132 طبعا بحسب حالتها

فقلت لو لقيت واحده زجاج كهربا وباور وسنتر واركبلها تكييف واشد الماتور والعفشة أكيد هتكون كويسه معايا فترة كبيرة


مش عارف كلامي صح ولا لا لاني جديد في عالم العربيات صراحة