الموضوع: تجربه قاسيه جدا .. مع السياره رينو فلوينس

هذه شهادتي لله ..
و أتمني أن ينتفع بها أي شخص يقرأها ..
قمت في 12 نوفمبر 2013 بإقتناء السياره رينو فلوينس الفئه E3sr .. و تقرير إستلامي لها مثبت و موجود و كنت موهوم بها .. و هي سياره روعه !!

في شهر يناير و بعد 3000 كيلو فقط بالسياره فوجئت برساله Top Up Oil Level .. فوجئت الحقيقه ..
قمت بقياس الزيت مانيوال .. فوجئت إن العربيه الزيت علي علامه ال Min ,,
قمت بمكالمه التوكيل .. قالولي " هاتها لأقرب فرع " .. يا عم العربيه مفيهاش زيت .. يقولي " مش مشكله هتمشيك " .. " لا كساجه تيجي تاخدها من تحت البيت " .. " لو طلعت المشكله من عندك هتتحمل تمن الكساحه " .. قلت مش مهم
و بالفعل .. راحت العربيه ..
أثناء ذلك عملت موضوع علي المنتدي بالمشكله .. الناس تقولي إنت مكبر الموضوع كنت زودها و إمشي ..
و ستري في النهايه .. إن كان قصدهم " إلبسها و إمشي " لأن تزويد الزيت من جهتي كان هيضيع حقي

التوكيل عمل نفسه من بنها و إن العربيه دي جايه ناقصه زيت .. من تركيا .. متعرفش إزاي .. " الراجل اللي كان بيصب زيت في الموتور .. كسل و مكملش باقي الجركن تقريبا "

و تم تزويد زيت علي و صدقتهم .. المعامله كانت راقيه جدا .. لاقيت عدد مهول من المكالمات من التوكيل و متابعه ..

و مشيت .. بعد 1000 كيلو .. لاقيت الزيت نقص تاني ..
روحت زودوه .. علي أساس إنهم مش عارفين المشكله إيه بالظبط ..

مشيت 1500 كيلو .. ظهرت المشكله تاني .. الكلام ده كان في شهر إبريل 2014 ..
روحت المره دي فرع تاني و هو فرع العبور .. الأحداث السابقه كانت في فرع " أبو رواش "
و بعتوا لفرنسا و انا معاهم في العبور .. بلغهوهم إن المشكله دي " معروفه " في أبو رواش و يا ريت أروح علي هناك .. و تم إمدادي بسياره بديله لحين الإنتهاء من مشكله عربيتي .. " يشكروا " الصراحه جدا العربيه قعدت عندهم 3 أسابيع ..
فوجئت مره أخري بموضوع إنهم قالوا عندك مشكله في الموتور و غيرناه !!!
مشكله إيه العربيه عامله 7000 و المشكله موجوده من 3000 أو 3700 بالظبط !!!
هو كده دا احنا كنا هنصلح لك العيب اللي في الموتور بس .. كويس أننا غيرناه !!!
و هو انت عارف الموتور الجديد كلفنا كام .. 40 ألف جنيه !!! طيب و انا مال أهلي ..
و كلام من قبيل بص ده أخرك .. معانا .. و روح لحمايه المستهلك بس بإسلوب شيك ..
و كلام من علي شاكله " الولد بتاع العربيه الكليو اللي شهر بينا .. إحنا الوقتي رافعين عليه قضيه تشهير و هنكسبها "
و تاخد عربيتك المغيره موتور .. و عليها بودي كيت هديه مننا كتعويض ..

ضاربا بعرض الحائط كل المعاناه النفسيه اللي الواحد عاناها .. ضاربا بعرض الحائط مشوار للمرور .. و ترخيض جديد بموتور جديد و عطله كل الزيارات اللي فاتت ..

المهم أشتريت نفسي .. و خدت عربيتي و مشيت و قلت شويه و ابيعها و خلاص مليش نصيب مع الرينو خالص ..

و كأدمن لصفحه علي الفيس بوك تجمع ملاك الفلوينس .. تعرضا لمشاكل في العربيه كتير جدا لنقص الزيت .. و التوكيل يتعامل معاها علي أساس زودوا زيت و مشوه ..
وسط تعتيم كامل علي مشكلتي .. و حتي هنا علي نايل موتورز لما كتبت تجربتي .. لاقيت هجوم شديد و غير مبرر . خوفا علي سمعه العربيه و خوفا علي ال resale بتاع العربيه !!!؟
طيب و حضرتك مفكرتش في الشخص المتضرر من إستبدال موتور في عربيه زيرو و أد إيه ممكن يأثر علي الريسيل .. ولا هو نفسي و من بعدي الطوفان ..

تلف الأيام .. و الاقي العربيه فيها مشكله في عمود الدركسيون .. و روحت التوكيل و تم تغيير عمود الدركسيون .. !! و يبقي السؤال .. هو أنا مشتري عربيه زيرو ولا Used !?

للباحث عن سمعه العربيه .. التوكيل المحترم الموقر المفروض يراعي المشاكل دي و يتفاداها .. إنما مشكله نقص الزيت في أزدياد و الموضوع غير مبرر .. و غريب ..
نيجي بقا لنقطه مهمه .. نقطه هي أنجح عربيه في الفئه دي .. أعتقد اللي معاه فوق ال 150 ألف يشتري عربيه مش هتقفل معاه عشان يزود و يجيب أي براند تاني محترم بيحترم نجاح عربيه و بيراعيها .. مش براند قالك عربيتي نجحت و في ستين داهيه الكاستومر .. يكش يولع !!!

العربيه مشكله التزييق فيها بشعه .. و التقفيل سئ جدا ..

هذه شهادتي و رأيي الشخصي .. فحضرتك أعترضت أو أتفقت مش فارقه معايا كتير ..

تحياتي و أسف علي الإطاله