الحمد لله انى جبت سيراتو وكيل 2014 Ex fo و مش استنيت ل 2015 موضوع هام جدا

**OmarEzzat93** · 05-07-2014 09:16 AM

دخلت امبارح على موقع كيا عشان اشوف الفروق بين الفئات فى سيراتو وكيل 2015
جيت اقارن الفئه بتاعتى بى 2015 اولا العربيه زاد تمنها 2000 جنيه و اصبحت بى 164 من 162 و تخيلو فى 2015 اتشال منها مثبت السرعه و المرايات الضم و تكييف خلفى و مسند ادام و ورا و اشارات اللى فى المرايا و الفئه اللى بعدها اللى كانت بى 168 اتشال منها جنط 17 و حساسات و مثبت ده غير بقيت الفئات انا اهتميت بالفئه بتاعتى و اللى بعدها عشان لما جيت اشترى كنت بقارن بينهم و بجد الحمد لله انى جبت 2014 كانت هتفرق معايا كتير و بصراحه التوكيل بيستهبل و بيجبر الناس انها تشترى خليجى

**Dr . Mohamed** · 05-07-2014 01:16 PM

أنا معايا 2015
و الله متشالش منها حاجة متصدقوش الإشاعات و خلاص بقا
العربية زى ما هى ، هما غيرو الأسماء بتاعة الفئات القديمة بس ، و زودوا فئات جديدة

**Dr . Mohamed** · 05-07-2014 01:19 PM

موقع كيا كل كمالياته فى الغالب غلط
أنا دخلت لسه دلوقتى و شوفت ، إلا إذا كان الشركة اتجننت و ناوية تزود مبيعات الخليجى

**OmarEzzat93** · 05-07-2014 02:16 PM

ازاى يعنى موقع كيا الرسمى هيغلط فى موصفات عربياته

**mse920** · 05-07-2014 02:21 PM

انا اشتريت 2015 وكيل ثاني فئة والكماليات بتاعتها زي ماهي مافيش حاجه ناقصة زي مابيقولو ( جنوط - طارة مالتي - إيرباج - مرايات واكر بلون السيارة ) والسعر 152500 بدلا من 154000

**Hosam_Optrawy** · 05-07-2014 04:50 PM

المشاركة الأصلية كتبت بواسطة dr . Mohamed

أنا معايا 2015
و الله متشالش منها حاجة متصدقوش الإشاعات و خلاص بقا
العربية زى ما هى ، هما غيرو الأسماء بتاعة الفئات القديمة بس ، و زودوا فئات جديدة

المشاركة الأصلية كتبت بواسطة dr . Mohamed

موقع كيا كل كمالياته فى الغالب غلط
أنا دخلت لسه دلوقتى و شوفت ، إلا إذا كان الشركة اتجننت و ناوية تزود مبيعات الخليجى

المشاركة الأصلية كتبت بواسطة mse920

انا اشتريت 2015 وكيل ثاني فئة والكماليات بتاعتها زي ماهي مافيش حاجه ناقصة زي مابيقولو ( جنوط - طارة مالتي - إيرباج - مرايات واكر بلون السيارة ) والسعر 152500 بدلا من 154000

إشاعات إيه يادكتور

أولا احنا مصدقينك والله انك شارى 2015 بمواصفات 2014 , التوكيل فعلا نزل موديل 2015 بنفس مواصفات 2014 من حوالى شهر وغلى سعرها 2000 جنيه

والشركه ماتجننتش ولا كاتبه غلط , هي قررت تلعب في الفئات والهدف زيادة السعر بطريقه غير مباشره , وزى ماقال عمر اللى إشترى يعتبر نفد ويقول الحمد لله

وببساطه ممكن حضرتك تروح اى فرع من فروع التوكيل او تكلمهم في التليفون هاتتأكد من الكلام اللى بنقوله

المواصفات والأسعار موجوده عالموقع الرسمي وعلى صفحتهم عالفيسبوك

**ahmed salah90** · 05-07-2014 05:23 PM

موش عارف اباركلك و لا اواسيك انت اشتريت من هنا و البنزين و الكارته زادت من ها عموما مبروك و ربنا يكفيك شر طريقك و يرزقك خيرها

**Hosam_Optrawy** · 05-07-2014 05:30 PM

المشاركة الأصلية كتبت بواسطة dr . Mohamed

أنا آسف لو كلامى ضايقك
بس أصل كدا انا شايف كماليات عربيتى على المواصفات الجديدة داخله فى 176 ألف تقريباً ماعدا فتحة السقف فقولت كلام غير منطقى أكيد

على العموم ربنا يرحمنا جميعاً من الجشع دا
و رمضان كريم علينا جميعاً

مفيش داعى للأسف كل سنه وإنت طيب

فعلا عشان تجيب نفس المواصفات اللى معاك هاتجيب الفئه اللى ب 176 يعنى زياده 12 الف

وفى المقابل هاتاخد زيادة فتحة سقف وجنوط 17 وإضاءه نهاريه led وتبريد درج التابلوه ومقابض كروم وبلوتوث