الموضوع: جمرك فولكس فاجن جيتا 2011 هاى لاين

80 الف ايه بالظبط

وحضرتك أول مالك للعربيه ولا شاريها مستعمل

المشاركة الأصلية كتبت بواسطة moca-cairo

شكرا ياحسام باشا علي الرد


السعر 80 الف ريال قطري وانا اول مالك للعربيه واتملكتها في شهر 2-2011

ودي موصفات العربية

• cd changer "6 cd"
• beige interior
• leather seats
• seat heaters
• alloy wheels
• cruise control
• optical parking sensors system
• trip tronic
• touch screen
• ac and stereo (touch)
• climatronic (dual setting)
• sun roof
• sensor back and front
• fog light.
• sport tire 17.
• auto window in all doors

بص ياباشا هي الحسبه معقده شويه بس هاحاول أحسبهالك وبنسبة 90 % الرقم اللى هاقولهولك هايكون صح وعلى أرض الواقع ممكن يزيد أو يقل

مبدأيا نحسب تمن العربيه بالمصرى , 80 الف ريال يعنى حوالى 160 الف جنيه مصري

بيتضاف عليهم تكاليف الشحن ( النولون + التأمين + التفريغ ) , معرفش بيتكلفوا كام بصراحه بس ممكن نقول 10 الاف جنيه مثلا

يبقى الإجمالى 170 الف جنيه ودا المبلغ اللى بتدفع عليه الجمرك

الجمرك 40 % + 15 % ضريبة مبيعات + 3 % رسم تنميه

بس إنت عربيتك فات عليها كذا سنه فعليها خصم إستعمال

لو نزلت بيها اليومين دول هايبقى عليها خصم 3 سنين , بنسبة 20 % , 10 % عن أول سنه و 5 % عن كل سنه بعدها

لو نزلت بيها بعد أول أكتوبر الجاى هايبقى عليها خصم 4 سنين , بنسبة 25 % , 10 % عن أول سنه و 5 % عن كل سنه بعدها

لو هاتنزل بيها دلوقتى يبقى

160 الف * 20 % خصم = 32 الف , نطرحهم من ال 160 الف يبقى 128 الف , نضيف عليهم تكاليف الشحن اللى قولت عليهم فوق حوالى 10 الاف يبقى الإجمالى 138 الف ودا اللى هانحسب عليه

138 الف * 40 % = 55.200 جنيه

138 الف * 15 % = 20.700 جنيه

138 الف * 3 % = 4.140 جنيه

إجمالي الجمرك 80.040 جنيه

لو هاتنزل بيها بعد أول أكتوبر الجاى يبقى

160 الف * 25 % خصم = 40 الف , نطرحهم من ال 160 يبقى 120 الف , نضيف عليهم تكاليف الشحن اللى قولت عليهم فوق حوالى 10 الاف يبقى الإجمالى 130 الف ودا اللى هانحسب عليه

130 الف * 40 % = 52.000

130 الف * 15 % = 19.500

130 الف * 3 % = 3.900

إجمالي الجمرك 75.400 جنيه

دا غير إنهم في الجمارك حسب ما أسمع بيجمركوا بعض الكماليات خصوصا فتحة السقف معرفش ليه , وبصراحه ماعنديش فكره بيقدروها على أساس إيه

المشاركة الأصلية كتبت بواسطة moca-cairo

شكرا جدا ياحسام الرقم ده غير اللي شاهين قالو خالص بس علي العموم لو ممكن تفيدني كده العربية هتجيب سعر في مصر لو انا حبيت ابعها وهل هي نجحها في مصر ولا تعبانها عشان موضوع ال dsg مش عارف بصراحة وقولت اسالكم اهل النصيحة عشان كده حيرة جدا والرقم بقا عالي لاني بحسبها خي سعرها هنا دلوقتي مثلا 45 الف ريال + الجمرك ال 80 الف مصري يعني العربية هتكون وقفها عليه بالمصري في حدود 160 الف وموديل 2011 ولو حبيت ابيعها في مصر اكيد هخسر كتير ياريت لو تنصحني اجيبها مصر ولا ابيعها هنا

انت كدا بالجمرك العربيه هاتبقى واقفه عليك ب 235 - 240 الف جنيه ودا رقم كبير

معرفش هاتجبلك كام في مصر ممكن تسأل في قسم فولكس , بس زى مانت قولت سمعة الفتيس مش حلوه وأكيد مأثره على تمنها , هاتخسر مش أقل من 100 الف جنيه

لكن لو بعتها عندك يبقى هاتبقى خسرت 35 الف ريال يعنى 70 الف جنيه , وساعتها فلوسك في جيبك واما تنزل مصر تبقى تجيب جديد كاش او قسط او مستعمل كسر زيرو وعندك اختيارات كتير

بلاش تجمركها بيع عندك احسن