بيكانتو 2015 هاي لاين ولا سويفت 2015 هاتش باك

**D . a .\ AYMAN** · 05-07-2014 06:12 PM

المقارنة دي محيرة شوية والسبب إن في فروق ناقصة في البيكانتو وموجودة في السويفت

أولا الإثنين زي بعض في معظم الأوبشنز اللى فيهم

= البيكانتو

1250 سي سي ... 85 حصان

فرامل إيه بي إس

وواحدة إير باج

باور كهرباء

أربعة زجاج كهربا

جنوط سبور

فرش جلد

= السويفت

1200 سي سي ... 85 حصان برضه

فرامل إيه بي إس وإي بي دي

اثنين إير باج (المفترض)

باور كهرباء (المفترض)

أربعة زجاج كهربا

خمس جنوط سبور بالاستبن

الحيرة بقى سببها إيه ... أقولكم

1- البيكانتو سعرها بقى 108500 .. بالمقارنة بسعر السويفت المتوقع ... هايكون في حدود 98 ألف فقط للهاتش باك (متوقع من كلام رجل المبيعات في مودرن موتورز توكيل سوزوكي) والسيدان اللى هي الديزاير هاتزيد تبقى في حدود 107 بس أنا مش بفكر في السيدان عموما

2- البيكانتو شالوا منها الكاسيت بتاعها ودي كانت نقطة تميز في شكل التابلوه بتاعها وحطوا بداله كاسيت غالبا صيني وتحتيه درج شكله مش عاجبني خالص مع التابلوه وطبعا من غير طارة متعددة الاستخدامات ... في حين إن السويفت الكاسيت بتاعها شكله جميل وشيك جدا مع التابلوه بتاعها والطارة متعددة الاستخدامات

3- ودي من الحاجات الجوهرية ... البيكاتو شالوا منها الاشارات اللى في المرايات وطبعا سابوها من غير حتى غمازات في الرفرف وبكدة طبعا لما تدي إشارة اللى جنبك مش هايشوفها أصلا ودي بتكون مطلوبة وضرورية في أحوال كتير ... في حين إن السويفت فيها إشارات في المرايات

4- السويفت من جوة أشيك ومن برة أحلى بالنسبة لي

5- البيكانتو أربعة جنوط سبور فقط والسويفت خمس جنوط سبور بالاستبن

من ناحية تانية

1- البيكانتو فها فتحة سقف السويفت لأ ... (مع ملاحظة إن فتحة السقف شيء جميل وممتع في العربية)

2- البيكانتو فرش جلد والسويفت لأ (وده ممكن يتعمل عند أي حد مش معضلة يعني) مع ملاحظة إن تنجيد السيوفت أريح في القعدة

3- شنطة البيكانتو بتفتح بالكهرباء مع السنتر .. السويقت الديزاير (اللى شوفتها) شنطتها بتفتح من جوة فقط ومالهاش دعوة بالسنتر ... معرفش الهاتش باك هاتكون كهرباء ولا لأ (بس السوفت الهاتش باك القديمة كانت كهرباء مع السنتر)

4- النقطة الجوهرية اللى محيراني بجد وهي مدى انتشار البيكانتو ومقارنته بالسويفت ... المقارنة دي السويفت تكسب فيها بكل المعاني لكن لما آجي عن انتشار العربية اللى وصل لحد الندرة بالنسبة للسويفت بخاف أفكر فيها

الكلام المتوقع عن السويفت إنها هاتنزل في خلال الأسبوعين دول بسعر 98 ألف زي قلت
البيكانتو الهاي لاين موجودة فعلا بسعر 108 ونص

إيه رأيكم ... دام فضلكم ... وأتمنى لو فيه ملاك للسويفت معانا هنا يفيدونا عن مدى توافر قطع غيارها في السوق لأن توكيل مودرن موتورز إيدك منه والقبر

**zangry** · 05-07-2014 06:26 PM

السويفت حلوة ولو بالسعر ده تبقي كويسة وفرق ١٠ تلاف مش قليلين برضه

هي عيبها فعلا حكاية الانتشار والتوكيل المقرف بتاع مودرن ( ليا معاهم تجارب ايام التيدا)

شوف البيكانتو الخليجي كده اسمع ان فيها كماليات اعلي led ورا وادام و٢ ايرباج وفتحة

بصراحة حاجة تحير :D

**D . a .\ AYMAN** · 05-07-2014 06:52 PM

الخليجي ما بقاش فيه الكلام ده خالص وبقى سعره زي الوكيل وتروح تتفرج عليها عن المعرض تلاقي حالتها من جوة متبهدلة من السواقين اللى بيلعبوا بيها ورجليهم اللى مطينة وكلهم زي بعض في الإهمال طب على إيه بقى ... يبقى وكيل ونفس السعر وضمان وعربية ما اتلعبش بيها وبتتنقل على تريللا

**El Prince** · 05-07-2014 08:18 PM

هى ايه السويفت 2015 دى يا د / ايمن ؟؟

**ENG\AHMED** · 05-07-2014 08:40 PM

انهى فئة دى فى البيكانتو؟!
دى وكيل ولا خليجى
الوكيل دلوقتى مفهوش فتحة سقف ولا ABS ولا airbag

**HOSSAM99** · 05-07-2014 08:48 PM

108 ألف ..!!؟
لو حضرتك شايف إن دول أفضل أختيارات في حدود السعر يبقي الاختيار وقع علي البيكانتو علشان حاجه واحده فقط و هي مفيهاش غيرها.. تقدر تبيعها حافظة جزء لا بأس به من ثمنها

**D . a .\ AYMAN** · 05-07-2014 08:57 PM

المشاركة الأصلية كتبت بواسطة el prince

هى ايه السويفت 2015 دى يا د / ايمن ؟؟

سوزوكي سويفت 2015 الوكيل مودرن موتورز هاينزل منها دفعة خلال الأسبوعين دول على حسب كلام بتوع المبيعات ... هي هي نفس القديمة معمولها فيس ليفت في حاجات بسيطة زي المرايات والشبكة الأمامية

المشاركة الأصلية كتبت بواسطة eng\ahmed

انهى فئة دى فى البيكانتو؟!
دى وكيل ولا خليجى
الوكيل دلوقتى مفهوش فتحة سقف ولا abs ولا airbag

موديل 2015 الوكيل نزل منه هاي لاين فتحة سقف وفرش جلد ... بس من غير إشارات في المرايات ولا بلوتوث ولا الكاسيت بتاعها ولا مالتي في الطارة ... لسة نازلة الإسبوع ده

**eng.m7md.ali** · 05-07-2014 09:07 PM

بصراحة الاسعار مبالغ فيها جداً يا دكتور

**D . a .\ AYMAN** · 05-07-2014 09:09 PM

المشاركة الأصلية كتبت بواسطة hossam99

108 ألف ..!!؟
لو حضرتك شايف إن دول أفضل أختيارات في حدود السعر يبقي الاختيار وقع علي البيكانتو علشان حاجه واحده فقط و هي مفيهاش غيرها.. تقدر تبيعها حافظة جزء لا بأس به من ثمنها

أنا معاك طبعا ... وهي دي النقطة اللى محيراني بس مش إعادة البيع بالضبط ... لأني عاجباني السويفت بس خايف من قلة عدم انتشارها وبالتالي عدم توافر قطع الغيار بوفرة مش أكتر

نقطة إعادة البيع دي مش بفكر فيها بصورة جوهرية ... لأنها نصيب مش أكتر

فرق السعر الـ 10 آلاف لصالح السويفت مش قليلين وهل ممكن يعتبروا فرق وتعويض عن انتشارها؟

هل حد عنده أي أفكار أنا مش واخد بالي منها؟

حد يعرف حاجة عن مدى توافر قطع غيار السويفت أنا ما أعرفهاش؟

**D . a .\ AYMAN** · 05-07-2014 09:13 PM

المشاركة الأصلية كتبت بواسطة eng f3lix

بصراحة الاسعار مبالغ فيها جداً يا دكتور

هانعمل إيه بس ياباشا الأسعار كلها بقت بالشكل ده ... وأنا عايز عربية صغيرة على قدي لوحدي ومش من هواة ركوب السيارات الكبيرة بدون داعي .. وفي نفس الوقت عايز أتوماتيك بجودة مقبولة

الموضوع: بيكانتو 2015 هاي لاين ولا سويفت 2015 هاتش باك

LinkBack

أدوات الموضوع

عرض

بيكانتو 2015 هاي لاين ولا سويفت 2015 هاتش باك - انشر الموضوع فى :

-

-

-

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

رابيد 2015 هاتش باك

استلام بيكانتو 2015

Jaguar f type 2015 جاكوار 2015 جاغوار

تويوتا كامري 2015 السيارات Toyota Camry 2015

الكلمات الدلالية لهذا الموضوع

المفضلات

المفضلات

ضوابط المشاركة