الموضوع: استفسار بخصوص الجولف 4

المشاركة الأصلية كتبت بواسطة sherif mokhtar

السلام عليكم و رحمة الله و بركاته
انا عضو جديد معاكم هنا و اتشرف بالانضمام ليكم و ارجو منكم افادتى فى هذا الموضوع خصوصا ان علمى ببحر السيارات على قدى خالص و متعاملتش خالص فيه و ديه هتكون اول عربيه ليا انشاء الله...
انا معروض عليا عربيه جولف 4 موديل 2000 فيها تكييف و باور سترينينج و عفشه سبور لان موتورها 2000 cc و فيها سنتر لوك زجاج كهرباء جنوط 16 بتاعت اودى بس معرفش موديل ايه او كام... فبريكه جوه ورشه بره نضافه ..... عربيه مفيهاش غير رفرف هيتغير و حاجه اسمها شورت بلوك ديه الراجل حكالى قصته معاها ... انه وهو بيغير المكنه من 1600 ل 2000 جاب المكنه و لغاية دلوقتى مسبتهاش على الرخصه عشان الراجل ادالو ورق الشورت بلوك الاصلى و هو المفروض كان يديلو وصل فهو لازم يروح بورسعيد ... المهم انا مفهمتش اى حاجه و عملت نفسى فاهم و برنس d: المهم العربيه كانت معروضه ب70.000 و هو عشان اللى ودانى ليه واحد صحبه قالى من الاخر انا مش هاخد اقل من 65.000 مع العلم ان فيها صالون بورا و كاسيت و اربع سماعات بايونير اصلى.... فانا ارجو منكم مساعدتى و تقولولى العربيه كده حلوه ولا ﻷ و ايه قصه الشورت بلوك ده عشان مش فاهم ... و هل سعرها كده حلو و هل اتوكل على الله ولا ﻷ فيها و لو جبتها موضوع الشورت بلوك ده هيبقا سهل ولا ﻷ ومع العلم انى عايز ادخل المكنه ال2000 ديه فى وحده 1600 عشان انتم عارفين البنزين غلى ... و شكرا ليكم جدااا

بص ياباشا نصيحه من أخ أبعد عن وجع الدماغ ودور على عربيه جولف 4 استوك انضف وأحسن من اللعب اللي فيها ده غير أن موتور من غير ورق ده أو في مشكله في ورقه هتدوخك السبع دوخات وفي الآخر هتضر انك تغيره وتدفع تمن موتور جديد وترمي ده في الزباله محدش هيرضي يشتريه فمن رأيي أبعد عنها والجولف 4 موجوده على افه من يشيل وأسعار أقل من اللي طالبه وحاجات محترمة وربنا يوفقك ويكرمك بحاجه نضيفه

المشاركة الأصلية كتبت بواسطة Sherif Mokhtar

تسلم يا باشا شكراا ... و بعد اذنك سؤال كمان ... رأيك انهى احسن فى الجولف 4 من موديل 2000 ل موديل 2004 انهى احسن موديل فيهم .. مع العلم انى عايز حاجه فيها تكييف و Abs و دول مهمين بالنسبالى بحكم مشاويرى
و ايه متوسط اسعار الجولفات المحترمه فى الموديلات دية ...!

كلهم زي بعض تقريبا مفيش اختلاف اوى وكلهم فيهم abs وتكييف بس لو دماغك في الجولف يبقى كل ماتعلي بالموديل يبقى احسن بس مش هتلاقى اوى بعد 2002 في الموديلات ورينج النضيف من الجولف من 68000-72000ج ده النضيف اوى اكتر من كده يبقىاستهبال وممكن لو دماغك في حاجه اأكبر من الجولف فكر في البورا هي هي الجولف بس بشنطه وفي منها اتوماتيك وأوسع سنه بسيطه وتقريبا نفس رينج الجولف فشوف اللي ينسبك وتوكل على الله فيه وربنا يكرمك في حاجه نظيفه

المشاركة الأصلية كتبت بواسطة Sherif Mokhtar

يا رب و تسلم لزوقك :) ... وانا ولاهى فكرت فى البورا لان نفس العفشه و الابعاد و كل حاجه .. وعارف ان البورا احسن كمساحه و شنطه .. بس البورا انا مش مقتنع بيها مقارنة بالجولف مع انها هتفيدنى اكتر ... اما الجولف شبابى و بتستحمل و ينفع تشيل عيله زى البورا على ما اظن والبورا مش موجوده كتير فهتتعبنى فى التصليح و كده بتهيقلى عكس الجولف فعشان كده رجحتها عن البورا ... ولا انت ليك رأى تانى ؟!

بص البورا والجولف 4 والاوكتافيا A4 والاودي A3 والسيات توليدو واحد في كل حاجه عفشه وموتور وكهرباء اللهم إن الجولف 4 بس بتنزل بموتور 1400 بس لو انت عايز حاجه عائليه يبقى تخليك في البورا أو اوكتافيا a4 علشان الجولف 4 شنطتها صغيره بس عربيه محترمة جدا لو عايز جرى وشد وغرز بس هي مش عائليه خالص دي عربيه شبابي جدا وشوف اللي يناسبك وانا متابع معاك لو في أي حاجه