مشكلة ومحتاج ارائكم

**bekatcho** · 06-07-2014 02:42 AM

انا عربيتى جابت ماتور هيا اكسنت 2006 1300 سى سى انا من بنى سويف والماتور اتجاب 1500 ب 2400 من غير التغذيه هاخدهم من الماتور القديم ياترى سعره كدة اية دلوقتى حلو ولا اتكلم فيه مع انى اخد الماتور وهوا عند الميكانيكى وما دفعتش لسه
تانى حاجة الميكانيكى طالب 1300 جنية عشان انا مزنوق فيه والماتور مفكوك والعربية عنده عايز اعرف تغير ماتور اجره الميكانيكى كام عشان اتكلم بقلب جامد للعلم هوا الى راح وشال الماتور من عند الراجل وعارف انى تحت ضرسه

**amoor89** · 06-07-2014 03:53 AM

ده كتير وده كتيييييييييييييييييييير اوى
ادوات التغذية بتنزل من تمنه جامد والميكانيكى ده نصاب رسمى ده اللى بيعمر موتور مصنعيته ربع الكلام ده

**hi_nmr** · 06-07-2014 05:33 AM

انصحك تصلح ماتورك ومتغيروش
لانك بعد ما تصلحه هتبقي عارف فيه ايه وصلحت فيه ايه واطمنت انه بقي سليم
لكن الماتور الجديد الله اعلم فيه ايه وهيبوظ بعد قد ايه
انصحك والله بسبب تجربه حصلت لصاحبي ماتوره باظ راح اشتري مكنه وركبها وبعد اسبوع باظت هي كمان وراح اشتري مكته تانيه طبعا كل ده غير مصاريف الفك والتركيب
صلح ماتورك ولو هتدفع فيه فلوس اكتر اضمنلك

**baherhassan30** · 06-07-2014 11:47 AM

انا كمان شايف ان سعر الماتور وسعر التركيب غالي جداااا
انت ممكن تروح لمحلات اللي بتبيع مواتير استيراد وتسأل عن السعر بنفسك .. لو لقيت رنج الاسعار زي ما الميكانيكي بيقولك تبقى وافق وامرك لله ..
وكذلك موضوع سعر التركيب ..
وبما اني من بني سويف زيك
انصحك تروح للاسطى يونس في الحرفيين
روحله واسأله عن سعر التركيب .. الراجل ده كويس جداااا وانا بتعامل معاه انا ووالدي من اكتر من عشر سنين
وصفة الورشة بتاعته
اول ما تدخل الحرفيين تفضل ماشي على طول لغاية ما يقابلك الاراضي الزراعية .. هتلاقية على ايدك اليمين
ولو سألت هيدلوك عليه

**bekatcho** · 06-07-2014 05:23 PM

مشكور ليكم جدا بس للاسف كنت مزنوق والماتور اتجاب والميكانيكى فاكك الماتور وبيركب وانا تحت ضرسه بس انا ناوى اديله 800 ويخبط راسه فى الحيط لانى سئلت لقيت ان الرينج 700