الموضوع: فك زور فلتر الزيت

السلام عليكم احبائي اعضاء وزوار المنتدي
كل عام وانتم بخير ورمضان كريم
النهارده حصل معايا موقف بايخ أردت احكيه لكم علشان الكل ياخد باله رحت النهارده اغير زيت وكمان فلتر الزيت الصنايعي فك طبه الزيت
وفضي الزيت جه يفك الفلتر لقي الزور اللي ماسك الفلتر مع الموتور طلع مع الفلتر هو اصلا بيبقي راكب في الموتور وله سن قلاووظ بيركب فيه الفلتر المهم القلاووظ اللي من داخل الموتور طلع مع الفلتر وبقيت مشكله قد الصنايعي ساعه يحاول يفكه ولكن بعد مرار أتفك بصعوبه
الصنايعي بيقول ان السبب في الموضوع ده ان اللي ربط قبل كده الفلتر ربط جامد جامد
يا ريت تخلوا بالكوا من الموضوع ده والواحد يقف بيده وبعنيه مع اي صنايعي علشان يتفادي الاخطار اللي ممكن يقع فيها
أتمني اكون وجهت نصيحه لكم من واقع تجربتي