العربيه قاطعه النفس خالص ,, ارجوا المساعده

**Ahmed-Fathy** · 07-07-2014 01:36 AM

السلم عليكم،
كل سنه و انتوا طييبن جميعا و رمضان كريم.
انا معيا 307 موديل 2006 استبترونك، كانت مسافر شهر تقربيا و لسه جاي امبارح جيت ادو العربيه ولا الهوا ولا ضوا ولا صوت. و بعدين سالت السايس بتاع الجراج قالي انه كان بيدورها يوم و يوم اول اسبوع و بعدين اخر الاسبوع الاول فصلت خالص و مكنتش راضيه تدور، فهو عمل وصله من عربيه تانيه في الجراج فدارت معاهه و قاعد مدورها حوالي نص ساعه علي كلامه بس و تاني يوم قال يدورها مدرتش خالص ففصل القصاش واحد خالص و قال اما اجي انا اتصرف فيها. و جيت و مش عارف اعمل ايه

في ناس بتقولي غير البطاريه و ناس بتقول دي كاتوت شحن و ناس بتقولي دا دينامو و ناس بتقول دا تسريب شحن ، و انا مش عارف اعمل ايه دي اول عربيه ليه و انا علي قدي جدا جدا في الاعطال دي.

انا لسه شاري العربيه تاني ايد من حوالي شهرين، اتصلت بصاحب العربيه قالي البطاريه جيبها من شهر 11 اللي فات، و قالي ورقها عندي همرره عليه.

المهم في لمبه في البطاريه بيقولوا المفروض تنور اخضر بس هيه دلوقتي مسوده.

علي فكره البطاريه جافه.

انا توكلت علي اللله هفك البطاريه (مش عارف ازاي) و هروح عند اي كهربائي يحطها علي الشحن، و بعدين اركبها تاني من المفروض تدور صح ولا ايه ؟؟؟

و مش عارف اعمل ايه لو لا قدر الله مدرتش ؟

ارجوا المساعده

**HOSSAM99** · 07-07-2014 03:12 AM

و عليكم السلام و رحمة الله و بركاته
حاول تشوف بطارية تانيه تجرب بها لو العربيه دارت يبقي يا تشتري بطاريه يا تشحن بتاعتك (في الغالب الجافه ما بتقبلش شحن)

لو العربيه ما دارتش كده هاتبقي محتاجه كهربائي بيفهم و أمين يبص عليها و تدعي ربنا أن السايس ميكنش وصل للعربيه وصله غلط طيرت الكنترول يونت (psi)

بنسبة كبيره بطاريه
بالتوفيق

**NightmarE84** · 07-07-2014 06:22 AM

الافضل لو تدورها وتحاول تدورها بوصلة تانى ولما تدور وديها لكهربائى وخليه يقيس الشحن
لانها عملتها معايا قبل كده وكنت هغير البطارية بعد ما لفيت على اكتر من صنايعى وربنا كرمنى بواحد قاس الشحن ولاقاه قليل فك الدينامو لاقه الكاتوت سليمة لكن الملف النحاسى الملفوف جوه محمص وعايز يتغير وديته لواحد جنبه غيرها وانا واقف ب 60 ج تقريبا واخد القديم وادانى واحد زيها بالظبط بس ملفوف جاهز والحمد لله العربية تمام وزى الفل

اتاكد علشان متغرمش بطارية على الفاضى وحتى لو غيرتها هتخسر القديمة طبعا غير انك هتلاقى نفس العيب لو من الدينامو او غيره

ولو مش ر ضيت تدور هات كهربائى قريب يدورهاه ولو مكنش يبقى اقطرها بعريبة حد معرفة للكهربائى بتاعك او هات الكهربائى بتاعك بعربية حد تعرفه وظبطه احسنه

فى اصعب الظروف بقى شوف ونش يحملها ويوديها للصنايعى اللى بتتعامل معاه وتثق فيه

انت بتتعامل مع مين وانت من القاهرة ولا منين؟

**ahmedfouad** · 07-07-2014 12:51 PM

البطارية بقالها قد ايه مشتريها ؟ كام سنة يعنى ؟
لو اكتر من سنتين غيرها لانها انتهت

**Ahmed-Fathy** · 08-07-2014 12:09 PM

انا من الاسكندريه، انا جبت كهربائي واحد جاري قالي عليه هوه بيعمله شغل في رينو و بيقول كوييس، المهم طبعا جرب العربيه مدرتش و بعدين فصل البطاريه خالص و عمل عليها قفله معملتش شرار خالص, المهم اخد البطاريه و قالي هنجرب نشحتها و نشوف.

و قالي لو مشتغلتش هات فرتا الماني.

و هنشوف .... ربنا يسهل

**Ahmed-Fathy** · 08-07-2014 07:13 PM

الحمد لله العربيه دارت بعد شحن البطاريه بس في مشكلتين بيظهروا:

battery charging power supply faulty
abs braking system faulty

انا هتوكل علي الله و اطلع عالتوكيل اللي في الصحرواي ... لو حد عنده اي فكره يقولي

**Mahmoudelgen** · 08-07-2014 07:35 PM

المشاركة الأصلية كتبت بواسطة ahmed-fathy

الحمد لله العربيه دارت بعد شحن البطاريه بس في مشكلتين بيظهروا:

Battery charging power supply faulty
abs braking system faulty

انا هتوكل علي الله و اطلع عالتوكيل اللي في الصحرواي ... لو حد عنده اي فكره يقولي

هو نصيحة مني غير البطارية انا لسي النهاردة نزلت لقيت العربية بردو مش بتدور بس بتفتح الكونتاكت عادي و مدياني ايرور في الايرباج و ال abs غيرتها كل الكلام دة راح و مفيش حاجة فعلي كلامك البطارية بتودع زي اما كانت عندي و اول اما بتودع كدة بتلاقي العربية هيست

بس اكشف بردو عشان تطمن و طمنا وصلت لي اية

**Ahmed-Fathy** · 09-07-2014 02:02 AM

انا حاسس ان البطاريه ممكن تكون السبب، بس عايز اشيك عالعربيه كلها و اعمل صيانه ال 10000 و انا بصراحه عايز اكون مطمن ,,,

بس لو سمحتم و لحد يعرف اسم مهندس كويس في توكيل مرغم اللي في الاسكندريه اكون شاكر جدا.