الموضوع: رمضان كريم أخباركم اية بعد غلاء سعر البنزين

وعليكم السلام ورحمة الله وبركاته
انا مقتنع تماما ان الدعم المفروض يتشال بالتدريج لكن مش متقبل لا التوقيت و لا الأسلوب اللى تم به
كان المفروض يبقى فيه شفافيه مش وزير البترول يقول الدعم هيقل و يطلع رئيس الوزراء يقول لا مفيش خطه للتقليل الدعم و نسمع بعد كده ان الموضوع تم تأجيله لفتره على الأقل بعد رمضان و فجأه نسمع و نعرف ان الدعم قل و ان سعر المحروقات هيزيد
طيب احنا فرمضان و معروف ان فرمضان نتيجه الزحام و جشع بعض سواقين الميكروباصات و وسائل النقل الأجره بتغلى على الناس و طبعا كل واحد بيقول مش مهم بس اوصل بيتى بدل ما افضل فالشارع و اتأخر خصوصا اننا فالصيف و حر شديد
دلوقتى بعد الزياده دى ايه اللى هيحصل طبعا التعريفه هتزيد و اللى هيتضرر هو المواطن البسيط لان مفيش بديل حكومى كافى لأستيعاب اعداد الناس كلها
اما بخصوص اصحاب السيارات فالخسائر اللى هتحصل من استخدام بنزين 80 بدل 92 هتكون اكبر من قيمه التوفير غير ان الـ 80 مش موجود اصلا بالكميه الكافيه و هتظهر الطوابير و بعض البنزينات هتغلى السعر زى ما حصل زمان و بيحصل لحد دلوقتى

كل عام وانتم بخير والله انا شايف ان الموضوع زيادة اعباء علي الناس ولكن للاسف هناك ناس زي الاخ شيكو مقتنع وشايف ان المفروض الدعم يتشال وهو لو فكر شوية سوف يجد طلما سعر مواد الطاقة زاد كلما زاد سعر كل شيئ بيتم نقله من اكل وشرب وخلافه بالتبعية والله المستعان

المشاركة الأصلية كتبت بواسطة حسن محمود احمد

لكن للاسف هناك ناس زي الاخ شيكو مقتنع وشايف ان المفروض الدعم يتشال وهو لو فكر شوية سوف يجد طلما سعر مواد الطاقة زاد كلما زاد سعر كل شيئ بيتم نقله من اكل وشرب وخلافه بالتبعية والله المستعان

يا باشا انا قلت انى مقتنع ان الدعم يتشال بالتدريج لكن مش متقبل لا التوقيت و لا الأسلوب اللى تم به
للأسف حضرتك فهمت كلامى غلط
و كنت اتمنى ان حضرتك تكون موجود معانا فأى نقاش سواء بين الأصدقاء او مع الأسره كنت حضرتك عرفت انى فكرت كويس جدا و انى متأكد ان كالعاده المواطن البسيط (مش الفقير بس) هو اللى هيتحمل كل ده لان دخله محدود و المصارييف بتزيد من كهرباء و غاز غير كمان انه هيتحمل الزياده فاسعار السلع و اسعار المواصلات
طيب ليه انا بقول انا مقتنع ان الدعم لازم يتشال بالتدريج ؟؟!! لان ببساطه الدعم ده اولا فشكله المعروف هو لا يصل لمستحقيه بأى حال من الأحوال و بيستفاد به فئات من المجتمع مش محتاجه دعم اصلا ده غير ان الدعم عبء على الدوله بدون استفاده حقيقيه للمواطن البسيط او المحتاج
مثال للدعم الغير مقبول
المصانع كانت بتاخد وقود مدعم سواء بنزين - سولار - غاز و كمان كهرباء طيب هل من المنطق ان المصانع دى اللى كتير منها استثمار خارجى يبقى واخد ارض من الدوله و اعفاء و كمان وقود مدعم و فالأخر يصدر المنتج بتاعه للخارج و ياخد دعم صادرات كمان و لو نزل المنتج السوق المحلى يتباع بسعر اغلى يعنى يبقى كسبان من جميع كل الجوانب
طيب امتى يبقى تقليل الدعم مقبول ؟؟؟ لما يكون فيه بديل للدعم بمعنى منظومه اخرى تضمن ان الدعم يصل فعلا لمستحقيه و يكون فيه رقابه حازمه على الأسواق و الخدمات تظبط الأسعار و يكون فيه عقاب حقيقى رادع لكل مخالف او مستغل و يكون فيه مقابل و عائد ملموس من تقليل الدعم زى مثلا رعايه طبيه افضل او خدمات احسن
لكن تقليل الدعم بدون الأجراءات اللى تقلل اثر تقليل الدعم ده على المواطن العادى او البسيط يبقى قرار خطأ

المشاركة الأصلية كتبت بواسطة حسن محمود احمد

كل عام وانتم بخير والله انا شايف ان الموضوع زيادة اعباء علي الناس ولكن للاسف هناك ناس زي الاخ شيكو مقتنع وشايف ان المفروض الدعم يتشال وهو لو فكر شوية سوف يجد طلما سعر مواد الطاقة زاد كلما زاد سعر كل شيئ بيتم نقله من اكل وشرب وخلافه بالتبعية والله المستعان

ده جزء من مشاركه ليا بخصوص نفس الموضوع علشان حضرتك تعرف انى فكرت كويس
مشاركه رقم 9
http://www.nilemotors.net/Nile/42952...post3875651590

المشاركة الأصلية كتبت بواسطة shiko85

انا مش ضد تقليل الدعم على البنزين و السولار لكن اعتقد ان فيه حلول تانيه كانت هتكون افضل خصوصا ان زى ما كلنا عارفيين كل حاجه هتغلى و المواطن اللى مش عنده عربيه هو اكتر واحد هيتضرر اجره الميكروباص و كل وسائل المواصلات هتزيد - اسعار كل السلع هتزيد
و اعتقد كمان ان توقيت القرار مش مناسب كان على الأقل اتأجل لبعد رمضان