اختيار الكورونة الاسرع

**borio1704** · 09-07-2014 11:14 AM

المشاركة الأصلية كتبت بواسطة ahmed_eng2001

يعنى رأى حضرتك انه يتم تغير الكارونة بحيث تحافظ على نفس النسبة الاصلية ؟؟؟؟
حتى و لو غيرت الموتور ؟ او الفتيس ؟

تغيير الموتور أو الفتيس المقصود بيه هنا هو تغيير الموتور بواحد تاني يكون أقوى على سبيل المثال... أو تغيير الفتيس بواحد مختلف تكون نسب التعشيق فيه مختلفة

لو كان الموتور أقوى (مثلا كان 1300 وركبنا 1500) في الحالة دي ممكن نغير الكورونا ونجيب واحدة "أسرع".. بمعنى إننا نجيب كورونا النسبة بتاعتها أقل ... يعني لو القديمة كانت 4.2 مثلا نجيب الجديدة 3.9 .

ونفس الكلام في الفتيس

طبعا اختيار النسب عملية معقدة وليها حسابات وتجارب كتير وتأثيرها جذري على الأداء واستهلاك البنزين .. فبالتالي علشان توصل لأحسن أداء أو أحسن استهلاك بنزين ممكن تكون محتاج تجرب كذا حاجة.. وده معناه إنك يكون عندك فلوس زيادة ووقت فاضي للتجربة..

ومعتقدش إن معظمنا عنده الحاجتين دول.

لو عايز تعرف إزاي الكورونة بتأثر في سرعة العربية.. اتفضل وادخل على الموضوع ده وتحديدا في المشاركة رقم 2:
http://www.nilemotors.net/Nile/329379-rpm.html

...

**ahmed_eng2001** · 10-07-2014 12:24 AM

المشاركة الأصلية كتبت بواسطة فتح الباب

بساطه حتى تصلك المعلومه
هتدى العربيه الاول هتحس انهاواخده التانى وثقيله فى الطلعه
انما على الغيار الاخير الخامس يعنى هتجرى كويس واسرع من المعتاد
هل تضمن ان العربيه تفضل تجرى بدون ما تهدى خالص اذا ضمنت ده ركب كارونا سريعه
اوضح شويه
عندما يقابلنا مطب خفيف يتطلب ان نخف بنزين وندوس فرامل خفيفه الى ان نتخطى المطب فالعادى اننا نسقط نقله من الخامس للرابع مثلا علشان نستعيد السرعه من تانى بعد ما دوسنا فرامل خفيفه . انت هنا بقى محتاج تسقط نقلتين او تلاته وفى الاخر لن تحصل على تجميع جيد كالمعتاد عموما ده موضوع شرحه يطول وارجو تكون الفكره وصلت

ايوة يا فندو الفكرة وصلت ... ربنا يكرمك

ايه رأى حضرتك لو غيرنا الفتيس بالفتيس الاربع سرعات ؟ مع نفس الكارونة ؟

**borio1704** · 10-07-2014 05:23 AM

المشاركة الأصلية كتبت بواسطة ahmed_eng2001

ربنا يكرمك ... معلومات رائعة

حضرتك بتقول ان تغيير الكارونة بيأثر على المحرك .... بمعنى ان لو الكارونة باظت ... و ركبت كارونة سريعة ... حتاثر بالسلب على المحرك ؟

لو فرضنا إن عندك فتيس 5 سرعات.... فاللي هيحصل هيبقى كإنك لغيت الغيار الأول من الفتيس وزودت غيار بعد الخامس

بمعنى إن كل الغيارات في الفتيس حتبقى أبطأ في التسارع... بس على الطوالي هتقدر تجيب سرعة أعلى بنفس عدد اللفات .

مثلا...

لو اعتبرنا إن الفتيس القديم كان بيجيب السرعة القصوى على الأول 40 .. وعلى التاني 70.. وعلى الثالث 110

بعد تركيب الكورونا السريعة ممكن يكون الوضع زي كده:

الأول 55... التاني 90... الثالث 135

حلو على الطوالي.... بس جوه البلد في الزحمة مش حاجة حلوة أبدا... لإن استجابة الموتور هتبقى أبطأ عشان الحمل بقى أكبر عليه... وكمان استهلاك الوقود هيعلى أكتر من المعتاد في كل مرة تيجي تزود سرعتك.

...

**أحمد محمد جلال** · 10-07-2014 05:10 PM

المشاركة الأصلية كتبت بواسطة borio1704

الكورونا الأولى اللي نسبتها 3.9 هتديك سرعة قصوى عالية.. بس التسارع هيبقى بطيء.. ومش هتوفر معاك بنزين إلا على الطوالي بس

الكورونا التالتة اللي نسبتها 4.7 هتديك تسارع عالي وتوفير في البنزين داخل المدينة والسرعات المنخفضة... بس مش هتديك سرعة قصوى عالية.. ولو مسافر بيها هتلاقي نفسك دافع بنزين زيادة بدون الحصول على أداء..

يعني كإنك مسافر وانت ماشي على الثالث.

أنا عن نفسي ما أنصحش بتغيير الكورونا مادمت ما غيرتش الموتور أو الفتيس

وما تنساش إن تغيير الكورونا المفروض يكون معاه تغيير لمقاس الكاوتش.. وبالذات القطر الخارجي.. وده ممكن يقلل أو يزود الثبات.. على حسب ارتفاع العربية الجديد.. ده غير إن قراية العداد هتخلف وهتبقى محتاج ترس جديد للعداد.

...

خويا كان ماشى على الدائرى سمع صوت خبط جامد فى أسفل العربية و فقد التحكم فيها بس كان ماشى على اليمين و ربنا ستر و عرف يوقف العربية
راح على أقرب ميكانيكى فى الحى العاشر قالوا بلية الكورونا جبها من شارع دمشق
و الميكانيكى ركبها و قلوا يزود زيت للكورونا
أخويا مشى بيها شوية سمع صوت الخبط هو هو رجع للميكانيكى تانى
قلوا عادى يا بيه امشى بيها مشوار و هى هتفك والصوت هيروح لوحده
المهم و هو مروح بيها و على الدائرى عند طريق السويس العربية كلبشت فى الارض زى ماتكون فرملت لوحدها لفت كزا لفة و فقد السيطرة عليها تماما و قف بيها و وش العربية عكس الاتجاه فى الحارة الشمال و ربنا ستر وما كنش فى عربيات على الطريق يا أما كانت هتكون كارثة
الحمد لله ربنا نجاه
بس العيب فين فى الصنايعى و لا قطعة الغيار
و لا فيه مشكلة تانية فى العربية
شكل حضرتك فاهم فقولت أستفسر

**فتح الباب** · 11-07-2014 05:38 AM

المشاركة الأصلية كتبت بواسطة أحمد محمد جلال

خويا كان ماشى على الدائرى سمع صوت خبط جامد فى أسفل العربية و فقد التحكم فيها بس كان ماشى على اليمين و ربنا ستر و عرف يوقف العربية
راح على أقرب ميكانيكى فى الحى العاشر قالوا بلية الكورونا جبها من شارع دمشق
و الميكانيكى ركبها و قلوا يزود زيت للكورونا
أخويا مشى بيها شوية سمع صوت الخبط هو هو رجع للميكانيكى تانى
قلوا عادى يا بيه امشى بيها مشوار و هى هتفك والصوت هيروح لوحده
المهم و هو مروح بيها و على الدائرى عند طريق السويس العربية كلبشت فى الارض زى ماتكون فرملت لوحدها لفت كزا لفة و فقد السيطرة عليها تماما و قف بيها و وش العربية عكس الاتجاه فى الحارة الشمال و ربنا ستر وما كنش فى عربيات على الطريق يا أما كانت هتكون كارثة
الحمد لله ربنا نجاه
بس العيب فين فى الصنايعى و لا قطعة الغيار
و لا فيه مشكلة تانية فى العربية
شكل حضرتك فاهم فقولت أستفسر

فى الحالتين العيب فى الصنايعى طبعا لان قطعة الغيارلو مشكوك فيها او مش هتدى الاداء المظبوط بيركبها ليه؟؟ ولو القطعه سليمه يبقى فى حاجه تانيه هو مش واخد باله منها ههههههههههههههههههه عرفت بقى ليه هو فى الحالتين ولا لسه