الموضوع: بفكر في نيسان

عربية أقل ما يقال عنها إنها زبالة و تكاد تكون غير تابعة لشركة نيسان و لو للأسف عملت معاك مواقفها البايخة مش هتخلص و هتكلم الشركة و هيدوك أعذار ملهاش لزمة و هتضطر تكلم حماية المستهلك يعني من الأخر كدة ابعد عن الصني الجديدة و فكر في الريو أو ال301 ... مع العلم إنهم مش معفيين تماما من المشاكل و لكن بنسبة أقل من الصني و علي فكرة أنا مش بهاجم الصني كرأي شخصي ... أنا جمعت أراء ملاكها فيها و مفيش حد ماشتكاش منها و في الأخر القرار يرجعلك

خليك في البيجو 301 افضل من النيسان صني

شوف حضرتك انا اشتريت السوبر صالون 2014 من فترة قريبة انا عامل دلوقتي حوالي 2000 كم فممكن تاخد كلامى على انه مجرد رأى لكن ﻻ تعتمد عليه كثيرا ومن اﻻفضل ان حضرتك تسأل حد معاه العربي من سنة مثلا و ياريت يكون حد تعرفه مش مجرد من المنتديات لأن انا شايف هجوم جامد بصراحة على المتتدى عن العربية دى وفى نفس الوقت شايف انتشار كبير لها على كل الطرق اللى بمشي فيها ..
عموما .. انا الي اﻻن ما شفتش حاجة سيئة منها .. سحبها معقول وخاصة لو واحد مالوش فى الجرى جامد مع اني بشوف ناس بتجري بالعربية دى كتير .. التكييف ممتاز وخاصة التاتش جميل حتى فى اﻻيام الحر دي .. وكمان الفاميه ورا خاصة اللي عنده اطفال .. الجنوط اﻻسبور .. العدادات اجمل من ال ex .. واسعة خاصة فى المقاعد الخلفية .. التوكيل محترم انا اشتريتها من اوتو ايجبت وعملت عندهم صيانة اﻻلف وكان فيه متابعة بالتليفون منهم كمان بعد الصيانة .. انا الي الان مظهرش عندى مشكلة التيل المشهورة .. التقفيل اكيد مش زى ألاوربي او الكوري بس مش سئ يعني لو عاوز تتطلع غلطة لازم تفحصه كويس علشان تلاقي غلطة انا مش شايف انه سئ .. اكيد لو تقدر تدفع اكتر هات عربية اعلي زى اﻻلنترا او السيراتو او حتى التيدا فى النيسان .. لكن لو كان دا اخرك فى الفلوس زيي كدا فانا مقتنع انها معقولة جدا على تمنها وربنا يستر بقى بعد كده.

كلام موثوق منه من اكتر من حادثه ان العربيه فيها عيوب تصنيع فى الفرامل والايرباج

وكان فيه واحد ناشر صور عربيته والحادثه بعد مرور 1500 كيلو فقط والكلام ده اتكرر من عدة مصادر

الاحتياط واجب والعربيات كتير...بلاش تغامر بفلوسك

على فكره ..انا لا عندى نيسان ولا تهمنى فى حاجه...ولا عندى 301 كمان (ولا انصح بيها) ..فى رنج السعر ده هاتلك لانسر ولا مازدا 3 ولا سيراتو

بص حضرتك انا اشتريت نسيان صنى وعامل 5000 كيلو العربية كويسه حتى الان الحمد لله لم تظهر بها اى عيوب وعلى فكرة كل العربية الى فى مصر دائما بها عيوب توكل على الله وعمل صلاة الاستخارة

مميزات العربية:
-عوامل أمان( ABS.EBD.air bags)
-سحب كويس وإستجابة جيدة للفتيس
-دريكسيون كهرباء خفيف جدا وبيتقل مع السرعة العالية
-توكيل ممتاز نسبيا
-واسعة جدا من جوة والشنطة الخلفية برضه واسعة جدا
-تكييف ممتاز
-عزل ممتاز
-sound system ممتاز
-الإضائة الخارجية أكثر من ممتازة
- عالية عن الأرض ومفيش حاجة إسمها حك في مطبات
- العفشة أكثر من ممتازة
-الفرامل رائعة مع العلم انه تم حل مشكلة ماستر الفرامل
-سير الكاتينة حديد
-وفي الآخر كفاية علامة نيسان، أينعم أغلب أجزائها هندي ومصري بس الفتيس ياباني والموتور أجزائه كلها ياباني ومتقفل في الهند.


نيجي للعيوب علشان محدش يقول اني متحيز:
-الصاج خفيف شوية
- العربية كلها وزنها خفيف وده بيبان على الطريق السريع لما عربية نقل أو أوتوبيس يعدي من جنبك بسرعة عالية، ساعتها تضطر تمسك في الدريكسيون جامد
-الثبات فوق ال150 ضايع، بس لغاية 140 ممتاز
- العربية شكلها من ورا مش قد كدة، قصدي مش متناسقة قوي
-التابلوه شكله فقير، والفتيس بغض النظر علي كفائته شكله عرة
-لا يوجد مسند يد للسائق
-تيل الفرامل في عربيات كتير خامته سيئة وبيبوظ الطنابير
-آخر عيب ان العربية مغرية للشتيمة هنا في المنتدى، يعني اللي حيجيبها لازم يعمل حسابه على كدة