محتاج مساعدتكم في شراء عربية لاول مرة

**M.MOUNIR** · 09-07-2014 03:10 AM

السلام عليكم ورحمة الله وبركاته

كل سنة وانتم طيبين

محتاج مساعدتكم في شراء عربية لاول مرة انا متعلم السواقة جديد وان شاء الله عاوز اجيب زيرو في حدود 100 الف وبصراحة انا معنديش خبرة خالص لان اول مرة وياريت لو تكون عائلية وتكون عالية شوية لان الطرق عندنا مطبات كتير جدا

شكرا واتمني الافادة منكم ان شاء الله

**Omar2017** · 09-07-2014 03:18 AM

عليك و على النيو سانديرو ستيب واي و بعديها الجيلي امجراند 7

**mhkorayem** · 09-07-2014 05:01 AM

عائليه وعاليه عن الارض وزيرو في حدود الـ 100.000 جنيه يبقى مفيش قدامك غير اللوجان يس هتبقى مانيوال عشان الاوتوماتيك لسه منزلتش لو مش مستعجل ممكن تستنى الاوتوماتيك شويه لحد ما ينزل
لو عاوز اوتوماتيك مفيش بقى غير الفيرنا بس مش عاليه عن الارض وممكن تبص على المتسوبيشي اتراج بس ماتورها ضعيف شويه 1200 cc ولسه مش متجربه وعيوبها لسه مظهرتش يعني انت وحظك بقى

**scientist9508** · 09-07-2014 02:30 PM

لوجان أعلى فئه (100000 جنيه)
سيتروين سى إيليزيه أقل فئه (110000 جنيه)

**M.MOUNIR** · 09-07-2014 08:18 PM

شكرا علي الردود وفي انتظار اراء اخري بس هو ليه محدش قال افيو او الكلام دا وهل الانواع دي متداولة ويسهل بيعها بعد كدا اصل بصراحة اول مرة اسمع عنهم اللي هما سانديرو او سي ايليزيه

**mhkorayem** · 10-07-2014 02:21 AM

السانديروا هي اللوجان بس هاتشباك وبما انك عاوز عربيه عائليه تبقى اللوجان انسب عشان هتحتاج الشنطه في السفر وكده
الـستروين سي اليزيه هي هي البيجو 301 بس أنا منصحكش بيها لانها منتشرتش اوي فده هيبقى له تاثير على توافر قطع الغيار ده غير ان عز العرب وكيل لا يعتمد عليه وسعر اعادة البيع في الارض

**Hamada hozein** · 10-07-2014 09:36 PM

عندك فيرنا
افيو
اوبترا تقريبا زياده شويه
بيكانتو
وتقريبا البريليانس كروس في نفس السعر هي صيني اه بس يكفي انها توكيل البافاريه
يعني تبقي انت والبي ام جنب بعض في الصيانه :)

**samehafez** · 10-07-2014 09:52 PM

المشاركة الأصلية كتبت بواسطة M.MOUNIR

شكرا علي الردود وفي انتظار اراء اخري بس هو ليه محدش قال افيو او الكلام دا وهل الانواع دي متداولة ويسهل بيعها بعد كدا اصل بصراحة اول مرة اسمع عنهم اللي هما سانديرو او سي ايليزيه

الافيو كانت معايا من 2007 ل 2012 ..اشترتها ب72000 ... في الوقت ده كانت امكانياتها مناسبة لسعرها ... عشان مكانش فيه عربيات كتير في الفئة السعرية دي غير الفيرنا .. و بصراحة مستريحتش للفيرنا .و اللانوس. اللي هي دايو/شيفرولية بس شكل الافيو بالنسبة لي كان احسن.. الافيو عربية متوسطة في كل حاجة ... مفيش فيها اي انبهارات ... سحب متوسط تكييف متوسط صالون متوسط ...شالتني 5 سنين .. مش اكتر من الصيانة العادية و تغيير مساعدين امامي ... وقت ما كانت معايا قابلت ناس كتير بتشتكي من مشاكل تزييق في العفشة ارتفاع مفاجئ لل. Rpm .... بس الصراحة محصلش معايا حاجة من الحاجات دي ...يمكن عشان كانت كوري مش تجميع مصري. الله اعلم !!

**shery791** · 11-07-2014 05:49 AM

المشاركة الأصلية كتبت بواسطة shery791

توجد سياره النترا موديل 98 بحاله جيده ماشيه حوالى 250 الف كيلو ويريد صاحبها 40 الف هل اقبل على الشراء ولا ابعد عن هذا الموديل ولو اقبل اشتريها بسعركام وشكرا