ومازال الاستهلاك عالي بعد مركز الصفا

**وائل فريد** · 09-07-2014 10:25 AM

[size="6"]عربيتى كان معدلها في استهلاك البنزين كويس بالنسبة انها نوبيرا لكن فجاة حسيت ان معدل استهلاكها للبنزين علي شوية حوالي 25% قولت اروح مركز الصفا اللي بيعلنوا عنه هنا في المنتدي المهم روحت . المهندس كشف بالجهاز علي العادم لقي القراءة بتاعة الجهاز مثالية علي فكرة الحكاية ديه عملها مرتين علشان يتاكد وقالي العربية مش بتاكل بنزين ولا حاجة قولتله العربية بقالها معايا 5 سنين وانا اعرف معدلها كويس قالي خلاص نبص علي الرشاشات قولتله مش لو في عيب في الرشاشات يظهر في العادم قالي اه قولتله تبقي الرشاشات سليمه (وبصراحة انا عايز اتاكد منكم من المعلومة ديه هل في علاقة بين الرشاشات وقراءة جهاز العادم) نكمل قالتله علي موضوع الرجليتور اللي اتكتب هنا في المنتدي قالي بردو لو الرجليتور فيه مشكلة كان ظهر في العادم(بردو دي معلومة عايز اتاكد منكم عنها) المهم قالى ها نضبط الكناستر ونغير البوجيهات ونشوف وفعلا عمل كده ودفعت 185 جنيه المهم العربية اطظبطت تفويلة واحدة بس في الاستهلاك وبعد كده رجعت تانى للاستهلاك العالي بصراحة مش عارف اعمل ايه وياريت خبراء المنتدي يشاركوا معانا لان البنزين بقي غالي قوي واعتقد ان موضوع الاستهلاك ده يهم كل اعضاء المنتدي خصوصا دلوقتى.

**amdd** · 09-07-2014 10:47 AM

يافندم علشان تتأكد من الرشاشات بجد لازم تقيس المقاومة بتاعتها وتقارنها بالنسب المسموحة الموجوده فى مانوال العربية لو مهيسه يبقى تتغير فورا ومش استيراد

**abo3mmar2005** · 09-07-2014 10:53 AM

متابع

**وائل فريد** · 09-07-2014 12:19 PM

المشاركة الأصلية كتبت بواسطة amdd

يافندم علشان تتأكد من الرشاشات بجد لازم تقيس المقاومة بتاعتها وتقارنها بالنسب المسموحة الموجوده فى مانوال العربية لو مهيسه يبقى تتغير فورا ومش استيراد

طيب مش المفروض ان ده يبان في قياس العادم ولا لا؟وليه مش استيراد وشكرا

**ayman hamdy** · 09-07-2014 01:25 PM

راجع على خراطيم البنزين السحب والراجع ممكن يكونوا مشققين وفى تسريب للبنزين منهم
تحياتى

**وائل فريد** · 09-07-2014 01:29 PM

مستنى ردود الموضوع مهم

**ayman hamdy** · 10-07-2014 03:25 AM

[quote=وائل فريد;3875657590]

المشاركة الأصلية كتبت بواسطة ayman hamdy

راجع على خراطيم البنزين السحب والراجع ممكن يكونوا مشققين وفى تسريب للبنزين منهم
تحياتى[/qu

كانت العربية ولعت اول ماسخنت

مفيش حاجة اسمها [ ولعت اول ماسخنت ] انا بكلم حضرتك على خراطيم خط السحب والراجع اللى ماشية تحت العربية تراجع عليها لانها ممكن تكون مشققة وتسرب بنزين تحت العربية وحضرتك مش واخد بالك ومفيش اى علاقة مابين سخونة العربية وتسريب البنزين من تحت العربية
تقدر تفول لى حضرتك اللزاى العربية هتولع ؟

**وائل فريد** · 11-07-2014 06:14 PM

المشاركة الأصلية كتبت بواسطة وائل فريد

اللي اعرفة ان لو العربية سخنت وفي تسريب في الحوض ممكن تولع

وانشاء الله يوم السبت هاروح للميكانيكي هاخليه يرفع العربية ويبص علي كل دورة البنزين علشان لو فيها تسريب يعنى نبتدي بالسهل الاول

الموضوع: ومازال الاستهلاك عالي بعد مركز الصفا

LinkBack

أدوات الموضوع

عرض

ومازال الاستهلاك عالي بعد مركز الصفا - انشر الموضوع فى :

-

-

المواضيع المتشابهه

عرض مجانى من مركز الصفا

ما هو تقييم مركز الصفا

مركز الصفا

رايكو في مركز الصفا

الاستهلاك عندي عالي جدا ياجماعة

الكلمات الدلالية لهذا الموضوع

المفضلات

المفضلات

ضوابط المشاركة